బాలీవుడ్ నటి త్రిప్తి డిమ్రి ‘ధడక్-2’ సినిమా గురించి కొత్త విషయం చెప్పింది. జూలై 11న ట్రైలర్ విడుదల అవుతుందని, ఆకర్షణీయమైన పోస్టర్ను కూడా విడుదల చేసింది. ఈ సినిమా ఆగస్టు 1న విడుదల అవుతుంది.
Key Points
త్రిప్తి డిమ్రి 'ధడక్-2' ట్రైలర్ జూలై 11న విడుదల అవుతుంది.
రొమాంటిక్ పోస్టర్తో క్యూరియాసిటీ పెంచుతోంది.
'చావు, పోరాటం' అనే కొటేషన్ ప్రేక్షకుల ఆసక్తిని రేకెత్తిస్తోంది.
సిద్ధాంత్ చతుర్వేదితో కలిసి త్రిప్తి నటిస్తున్న ఈ సినిమా ఆగస్టు 1న విడుదల అవుతుంది.
‘ధడక్-2’ ట్రైలర్ విడుదల తేదీ
బాలీవుడ్ యంగ్ హీరోయిన్ త్రిప్తి డిమ్రి(Tripti Dimri) ‘యానిమల్’ సినిమాతో విపరీతమైన క్రేజ్ సంపాదించుకుంది. ఒక్క మూవీతోనే అమ్మడు రేంజ్ మారిపోయింది. దీంతో వరుస అవకాశాలు అందుకుంటూ ఇండస్ట్రీలో దూసుకుపోతున్న త్రిప్తి భారీ ప్రాజెక్ట్స్తో ఫుల్ బిజీ బిజీగా గడుపుతోంది. ప్రస్తుతం త్రిప్తి డిమ్రి ‘ధడక్-2’(Dhadak-2) సినిమాతో ప్రేక్షకుల ముందుకు రాబోతుంది. సిద్ధాంత్ చతుర్వేది(Siddhant Chaturvedi) హీరోగా నటిస్తుండగా.. షాజియా ఇక్బాల్(Shazia Iqbal) దర్శకత్వంలో తెరకెక్కుతోంది.
రొమాంటిక్ పోస్టర్ విడుదల
ఇక ఈ చిత్రాన్ని ధర్మా ప్రొడక్షన్స్, జీ స్టూడియోస్ బ్యానర్స్పై కరణ్ జోహార్ నిర్మిస్తున్నారు. షూటింగ్ శరవేగంగా జరుపుకుంటున్న ఈ మూవీ ఆగస్టు 1న థియేటర్స్లోకి రాబోతుంది. అయితే ఈ మూవీ 2018లో వచ్చిన బ్లాక్ బస్టర్ హిట్ ‘ధడక్’కు సీక్వెల్గా రాబోతుండటంతో ప్రేక్షకుల్లో భారీ అంచనాలు నెలకొన్నాయి. ఇక ‘ధడక్-2’ నుంచి అప్డేట్స్ ఎప్పుడెప్పుడు వస్తాయా? అని ఆసక్తిగా ఎదురుచూస్తున్నారు. ఈ నేపథ్యంలో .. తాజాగా, త్రిప్తి డిమ్రి ఇన్స్టాగ్రామ్ ద్వారా ఓ ఇంట్రెస్టింగ్ అప్డేట్ ఇచ్చింది.
ప్రేక్షకుల ఆసక్తి పెరుగుదల
‘ధడక్-2’కు సంబంధించిన ట్రైలర్ జూలై 11 రాబోతున్నట్లు ప్రకటించింది. అంతేకాకుండా.. ఓ రొమాంటిక్ పోస్టర్ను షేర్ చేసి సినీ ప్రియులను మెస్మరైజ్ చేసింది. ‘‘చావు, పోరాటం.. ఈ రెండింటిలో ఏదో ఒకదానిని ఎంచుకోవాల్సి వస్తే పోరాటాన్ని ఎంచుకో’’ అని పోస్టర్లో ఉన్న కొటేషన్స్ ప్రేక్షకుల్లో క్యూరియాసిటీని పెంచుతోంది. ప్రస్తుతం త్రిప్తి డిమ్రి పోస్ట్ నెట్టింట వైరల్ అవుతుండగా.. అది చూసిన నెటిజన్లు సూపర్ ఎక్జైటెడ్గా ఉన్నామంటూ కామెంట్లు చేస్తున్నారు.
త్రిప్తి డిమ్రి ‘ధడక్-2’ ట్రైలర్తో ఆసక్తిని రేకెత్తించింది. ఆగస్టు 1న విడుదల అయ్యే ఈ చిత్రంపై అంచనాలు పెరిగాయి. పోస్టర్ చూసి ప్రేక్షకులు ఆసక్తిగా ఎదురు చూస్తున్నారు.
