టాలీవుడ్లో అనుష్క శెట్టి గురించి ప్రత్యేకంగా చెప్పనక్కర్లేదు. అరుంధతి, బాహుబలి లాంటి సూపర్ హిట్ సినిమాలతో ప్రేక్షకులను మెప్పించిన అనుష్క, తాజాగా త్రిష నటించిన ఒక సినిమాను రిజెక్ట్ చేసిందని వార్తలు వినిపిస్తున్నాయి. ఆ సినిమాతో త్రిష సాధించిన విజయం ఏమిటో చూద్దాం.
Key Points
అనుష్క శెట్టి టాలీవుడ్లో ఒక దశాబ్దం పాటు రాణించింది.
అరుంధతి, బాహుబలి సినిమాలతో అనూహ్యమైన విజయం సాధించింది.
బాహుబలి తర్వాత ఆమె కెరీర్లో కొంత మందగమనం కనిపించింది.
త్రిష అనుష్క రిజెక్ట్ చేసిన సినిమాతో హిట్ కొట్టింది.
అనుష్క శెట్టి కెరీర్ జర్నీ
సౌత్ ఫిల్మ్ ఇండస్ట్రీలో మరీ ముఖ్యంగా టాలీవుడ్ ను ఒక దశాబ్ధం పాటు ఊపు ఊపేసింది అనుష్క శెట్టి. కమర్షియల్ పిక్చర్స్ తో పాటు కాన్సెప్ట్ బేస్ మూవీస్, ఉమెన్ సెంట్రిక్ మూవీస్ తో అదరగొట్టింది. అరుంధతి లాంటి సినిమాలతో అద్భుతం చేసింది అనుష్క శెట్టి. గ్లామర్ హీరోయిన్ యూత్ లో క్రేజ్ తెచ్చుకున్న ఈ బ్యూటీ.. ఆతరువాత లేడీ ఓరియెంటెడ్ సినిమాలతో హీరోలను మించిన ఇమేజ్ ను సాధించింది. టాలీవుడ్ లో నాగార్జున సూపర్ సినిమాతో కెరీర్ స్టార్ చేసిన స్వీటీ.. ఆతరువాత తిరిగి చూసుకోలేదు.
టాలీవుడ్ లో వరుసగా అవకాశాలు అనుష్క గుమ్మం ముందు వచ్చి నిలుచుకున్నాయి. తెలుగులో నాగార్జున, వెంకటేష్, ప్రభాస్, మహేష్ బాబు, రవితేజ, గోపీచంద్ లాంటి హీరోలతో సినిమాలు చేసింది. తమిళంలో సూర్య, విక్రమ్, విశాల్ లాంటి స్టార్స్ తో ఆడిపాడింది బ్యూటీ. టాలీవుడ్ లో ప్రభాస్ తో ఎక్కువ సినిమాల్లో నటించింది అనుష్క. బాహుబలి సినిమాతో వీరి బంధం బలపడింది.
ప్రభాస్, అనుష్క స్నేహంపై రకరకాల రూమర్స్ కూడా వచ్చాయి. వీరు ప్రేమలోఉన్నారని పెళ్లి కూడా చేసుకోబోతున్నారన్న వార్తలు వ్యాపించాయి. ఇద్దరు ప్రేమించుకున్నారు కాబట్టే 40 ఏళ్లుదాటిని పెళ్లి చేసుకోకుండా బ్యాచిలర్లుగా ఉండిపోయారని సోషల్ మీడియాలో గుసగుసలు వినిపిస్తూనే ఉన్నాయి. ఇక ఇవేమి పట్టించుకోకుండా ఎవరి కెరీర్ లో వారు బిజీగా ఉన్నారు.
బాహుబలి తర్వాత అనుష్క కెరీర్
అనుష్కకు అరుంధతి సినిమాతో హీరోలను మించిన స్టార్ డమ్ వచ్చింది. ఆతరువాత బాహుబలి సినిమాతో అనుష్క దేవసేన పాత్రలో అదరగొట్టింది. ఈ సినిమా తరువాత అనుష్క కెరీర్ పరుగులు పెడుతుంది అనుకున్నారంతా. కాని బాహుబలి తరువాత ఆమె ఎక్కువగా సినిమాలు చేయలేదు. బాగమతి, సైజ్ జీరో, నిశబ్ధం లాంటి సినిమాలు అనుష్క కెరీర్ లో ముందుకు వెళ్లడానికి పెద్దగా ఉపమోగపడలేదు. ఆతరువాత చిన్నగా స్క్రీన్ నుంచి కనుమరుగు అయ్యింది స్వీటి. మరీ ముఖ్యంగా సైజ్ జీరో సినిమా కోసం అనుష్క బరువు పెరగడం ఆమెకెరీర్ ను గట్టిగా దెబ్బతీసింది.
ఆతరువాత ఎంత ప్రయత్నం చేసినా బరువు తగ్గలేకపోయిందట అనుష్క. కొన్నాళ్లు సైలెంట్ అయిన అనుష్క.. రీసెంట్ గా మిస్ శెట్టి మిస్టర్ పోలిశెట్టి సినిమాతో కంబ్యాక్ ఇచ్చింది. ఈ సినిమాకు పాజిటివ్ రివ్యూస్ వచ్చినప్పటికీ సరైన బ్రేక్ మాత్రం రాలేదు. ప్రస్తుతం అనుష్క ఘాటీ అనే ఉమెన్ ఒరియోంటెడ్ సినిమాలో నటిస్తోంది.
త్రిష సినిమా విజయం
ఈమధ్యలో అనుష్క కొన్ని సినిమాలను రిజెక్ట్ చేసిందని సమాచారం. స్టార్ హీరోల సరసన అవకాశాలు వచ్చినా ఆమె సున్నితంగా రిజెక్ట్ చేసిందట. ఈమధ్య కాలంలో అనుష్క రిజెక్ట్ చేసిన సినిమాతో త్రిష బ్లాక్ బస్టర్ హిట్టు కొట్టింది. ఆ సినిమా మరెదో కాదు.. ది గ్రేటెస్ట్ ఆఫ్ ఆల్ టైమ్ (గోట్). విజయ్ దళపతి నటించిన ఈ సినిమాలో ముందుగా అనుష్కను ఎంపిక చేశారట.
కానీ వేరే కారణాలతో అనుష్క ఈ సినిమా నుంచి తప్పుకోగా, వెంటనే మూవీ టీమ్ త్రిషను సంప్రదించారట. అప్పుడే పొన్నియన్ సెల్వన్ సినిమాతో హీరోయిన్ గా రీ ఎంట్రీ ఇచ్చిన త్రిష ఈ సినిమాకు వెంటనే గ్రీన్ సిగ్నల్ ఇచ్చింది. గోట్ సినిమా తమిళనాటు సూపర్ హిట్ అయిన సంగతి తెలిసిందే. ఇతర భాషల్లో పెద్దగా ప్రభావం చూపించలేకపోయింది మూవీ.
అనుష్క శెట్టి, త్రిషల కెరీర్లలోని ఈ ట్విస్ట్ చాలా ఆసక్తికరంగా ఉంది. ఒకరి రిజెక్షన్ మరొకరికి విజయాన్ని అందించింది.
