📌 Key Points
- అమెరికాలో సమాచారాన్ని లీక్ చేస్తున్న వారి కోసం ట్రంప్ గాలింపు చర్యలు చేపట్టారు.
- జర్నలిస్టులు నిజం చెప్పకపోతే జైలుకు వెళ్లాల్సి వస్తుందని ట్రంప్ హెచ్చరించారు.
- హోర్ముజ్ జలసంధి తెరవకపోతే ఇరాన్ పవర్ ప్లాంట్ల విధ్వంసానికి ట్రంప్ గడువు విధించారు.
- తప్పుడు వార్తలు ప్రసారం చేస్తే మీడియా లైసెన్సులు రద్దు చేస్తామని ఎఫ్సీసీ చైర్మన్ హెచ్చరించారు.
అమెరికా అధ్యక్షుడు డొనాల్డ్ ట్రంప్ సంచలన ప్రకటన చేశారు. తన పరిపాలన విభాగంలో సమాచారం లీక్ చేస్తున్న ‘కోవర్టు’ల కోసం వేట మొదలుపెట్టారు. అంతేకాకుండా, జర్నలిస్టులకు జైలు శిక్ష విధిస్తామని హెచ్చరించారు.
సమాచారం లీక్ చేస్తున్న వారి కోసం గాలింపు
ఇరాన్తో భీకర యుద్ధం కొనసాగుతోన్న వేళ అమెరికా అధ్యక్షుడు డొనాల్డ్ ట్రంప్ (Donald Trup) సంచలన వ్యాఖ్యలు చేశారు. తన పరిపాలన విభాగంలో ఉంటూ అత్యంత కీలకమైన రక్షణ సమాచారాన్ని మీడియాకు చేరవేస్తున్న ‘కోవర్టు’ (Mole) కోసం గాలింపు మొదలుపెట్టినట్లుగా ఆయన ప్రకటించారు. ఈ సందర్భంగా ఇవాళ వైట్హౌస్లో మీడియాతో మాట్లాడుతూ ఆయన ఈ హెచ్చరికలు జారీ చేశారు. ఏప్రిల్ 3న ఇరాన్లో కూలిపోయిన అమెరికా ఎఫ్-15 యుద్ధ విమానానికి సంబంధించి ఒక రహస్య సమాచారం లీక్ అయిందని ట్రంప్ ఆరోపించారు. విమానంలోని రెండో అధికారి తప్పిపోయిన విషయం ఇరాన్ అధికారులకు తెలియక ముందే, అమెరికా మీడియాలో వార్త రావడం వల్ల ఆ అధికారిని పట్టుకోవడానికి ఇరాన్ రివార్డు ప్రకటించిందని, ఇది అమెరికా సైనికుడి ప్రాణాలను ప్రమాదంలో నెట్టిందని ట్రంప్ మండిపడ్డారు.
జాతీయ భద్రతకు విఘాతం కలిగించే సమాచారాన్ని అందించిన వ్యక్తి పేరు చెప్పకపోతే, సదరు వార్తను రాసిన జర్నలిస్టును జైలుకు పంపుతామని ట్రంప్ మాస్ వార్నింగ్ ఇచ్చారు. ‘నిజం చెప్పండి లేదా జైలుకు వెళ్లండి’ అంటూ పదునైన వ్యాఖ్యలు చేశారు. ఇక హోర్ముజ్ జలసంధిని (Strait of Hormuz) వెంటనే తెరవాలని, లేని పక్షంలో ఇరాన్లోని పవర్ ప్లాంట్లు, వంతెనలను పూర్తిగా ధ్వంసం చేస్తామని ట్రంప్ మంగళవారం రాత్రి వరకు గడువు విధించారు. దీనిని ఆయన ‘పవర్ ప్లాంట్ డే’, ‘బ్రిడ్జ్ డే’గా అభివర్ణించారు. యుద్ధం గురించి తప్పుడు వార్తలు లేదా వక్రీకరించిన సమాచారాన్ని ప్రసారం చేసే మీడియా సంస్థల లైసెన్సులను రద్దు చేస్తామని ఎఫ్సీసీ (FCC) చైర్మన్ బ్రెండన్ కార్ కూడా హెచ్చరించారు.
జర్నలిస్టులకు ట్రంప్ జైలు హెచ్చరిక
హోర్ముజ్ జలసంధిపై ట్రంప్ అల్టిమేటం
ట్రంప్ చర్యలు అమెరికా రాజకీయాల్లో ప్రకంపనలు సృష్టిస్తున్నాయి. జర్నలిస్టుల భవిష్యత్తు, ఇరాన్తో సంబంధాలపై ఈ పరిణామాలు తీవ్ర ప్రభావం చూపనున్నాయి. వేచి చూడాల్సిందే.
