📌 Key Points
- పవన్ కళ్యాణ్ ‘ఉస్తాద్ భగత్ సింగ్’ టికెట్ ధరల పెంపుకు ఏపీ ప్రభుత్వం అనుమతి!
- బెనిఫిట్ షోలకు రూ. 500 వరకు టికెట్ ధర నిర్ణయించే అవకాశం, అభిమానులకు పండుగే!
- సింగిల్ స్క్రీన్లో రూ. 100, మల్టీప్లెక్స్లో రూ. 125 వరకు పెంపుదల!
- మార్చి 19న ఉగాది కానుకగా విడుదల, హరీష్ శంకర్ దర్శకత్వంలో మాస్ ట్రీట్!
పవర్ స్టార్ పవన్ కళ్యాణ్ ‘ఉస్తాద్ భగత్ సింగ్’ సినిమాతో మరోసారి బాక్సాఫీస్ ను షేక్ చేయడానికి సిద్ధమవుతున్నారు. ఈ సినిమా టికెట్ ధరల పెంపుకు ప్రభుత్వం అనుమతి ఇవ్వడంతో అభిమానుల్లో ఆనందం వెల్లువెత్తుతోంది.
టికెట్ ధరల పెంపుకు అనుమతి ఇచ్చిన ఏపీ ప్రభుత్వం
Ustaad Bhagat Singh : ఇటీవల భారీ సినిమాలకు, స్టార్ హీరోల సినిమాలకు టికెట్ రేట్ల పెంపు జరుగుతుంది. ఇప్పుడు ఉస్తాద్ భగత్ సింగ్ సినిమాకు కూడా ఏపీలో టికెట్ రేట్లను పెంచుకునేందుకు అనుమతి ఇస్తూ జీవో రిలీజ్ చేసారు.
పవర్ స్టార్ పవన్ కళ్యాణ్ ఇటీవలే OG సినిమాతో భారీ హిట్ కొట్టి ఇప్పుడు ఉస్తాద్ భగత్ సింగ్ సినిమాతో రాబోతున్నారు. మైత్రి మూవీ మేకర్స్ నిర్మాణంలో హరీష్ శంకర్ దర్శకత్వంలో ఈ సినిమా రానుంది. ఇప్పటికే రిలీజ్ చేసిన గ్లింప్స్, సాంగ్స్ తో సినిమాపై అంచనాలు నెలకొన్నాయి. ఉస్తాద్ భగత్ సింగ్ సినిమా ఉగాది కానుకగా మార్చ్ 19న రిలీజ్ కానుంది.
బెనిఫిట్ షోలతో పవన్ కళ్యాణ్ ఫ్యాన్స్ కు పండుగ
ఏపీ ప్రభుత్వం బెనిఫిట్ షోతో పాటు టికెట్ ధరలు పెంచుకునేందుకు అనుమతి ఇచ్చింది. మార్చి 19న తెల్లవారుజామున 4-5 గంటల మధ్యలో బెనిఫిట్ షో ప్రదర్శనకు అనుమతి ఇచ్చారు. ఈ బెనిఫిట్ షోకి 500 రూపాయలు టికెట్ ధర పెట్టుకునేలా అనుమతి ఇచ్చారు. అలాగే పది రోజుల పాటు సింగిల్ స్క్రీన్లో 100, మల్టీప్లెక్స్ లో 125 రూపాయలు టికెట్ దరలు పెంచుకునేలా అనుమతి ఇచ్చారు. తెలంగాణ ప్రభుత్వంలో టికెట్ పెంపు ధరలపై ఇంకా క్లారిటీ రాలేదు.
హరీష్ శంకర్ దర్శకత్వంలో మరో బ్లాక్ బస్టర్?
హరీష్ శంకర్ దర్శకత్వంలో గబ్బర్ సింగ్ తర్వాత మళ్ళీ ఇన్నాళ్లకు వీరిద్దరి కాంబోలో సినిమా వస్తుండటంతో ఫ్యాన్స్ ఈ సినిమా కోసం ఆతృతగా ఎదురుచూస్తున్నారు.
పవన్ కళ్యాణ్ ‘ఉస్తాద్ భగత్ సింగ్’ సినిమాపై అంచనాలు భారీగా ఉన్నాయి. టికెట్ ధరల పెంపుతో మరింత సందడి నెలకొంది. మరిన్ని అప్డేట్స్ కోసం చూస్తూ ఉండండి.
