నటి వరలక్ష్మి శరత్ కుమార్ తన కెరీర్ లో ఎన్నో ఛాలెంజింగ్ పాత్రలు చేసి మెప్పించారు. తాజాగా ఆమె ‘పోలీస్ కంప్లెయింట్’ అనే హారర్ థ్రిల్లర్ చిత్రంలో నటిస్తున్నారు. ఈ సినిమా ఫస్ట్ లుక్ పోస్టర్ ఇప్పుడు విడుదలైంది.
Key Points
వరలక్ష్మి శరత్ కుమార్ 'పోలీస్ కంప్లెయింట్' సినిమాలో పవర్ఫుల్ పోలీస్ ఆఫీసర్ పాత్రలో నటిస్తున్నారు.
హారర్ థ్రిల్లర్ జోనర్లో తెరకెక్కుతున్న ఈ చిత్రం నుంచి ఫస్ట్ లుక్ పోస్టర్ విడుదలైంది.
సూపర్ స్టార్ కృష్ణ మీద స్పెషల్ సాంగ్ సినిమాకు ప్రధాన ఆకర్షణగా ఉంటుందని నిర్మాతలు తెలిపారు.
ఎమ్మెస్కె ప్రమిదశ్రీ ఫిలిమ్స్, శ్రీ విష్ణు గ్లోబల్ మీడియా సంస్థలు సంయుక్తంగా నిర్మిస్తున్నాయి.
పోలీస్ ఆఫీసర్ పాత్రలో వరలక్ష్మి
ఛాలెంజింగ్ రోల్స్ చేస్తూ ప్రేక్షకుల్లో తనకంటూ మంచి గుర్తింపు తెచ్చుకుంది నటి వరలక్ష్మి శరత్ కుమార్ (Varalakshmi Sarath Kumar). ఇప్పుడు ఈమె తెలుగులో ‘పోలీస్ కంప్లెయింట్’ (Police Complaint) అనే మూవీ చేస్తోంది. హారర్ థ్రిల్లర్ బ్యాక్డ్రాప్లో సరికొత్త జోనర్లో రాబోతున్న ఈ మూవీలో వరలక్ష్మి శరత్ కుమార్ వపర్ఫుల్ పోలీస్ ఆఫీసర్ పాత్రలో కనిపించనుండగా.. తాజాగా ఈ సినిమా నుంచి ఈమెకు సంబంధించిన ఫస్ట్ లుక్ను రిలీజ్ చేశారు చిత్ర బృందం. ఈ పోస్టర్లో వరలక్ష్మి గన్ ఫైర్ చేస్తూ సీరియస్ లుక్లో కనిపించి మెప్పిస్తుంది.
ఈ చిత్రాన్ని ఎమ్మెస్కె ప్రమిదశ్రీ ఫిలిమ్స్, శ్రీ విష్ణు గ్లోబల్ మీడియా సంస్థల సంయుక్త బ్యానర్లలో సింగపూర్ బాలకృష్ణ , మల్లెల ప్రభాకర్ నిర్మిస్తున్నారు. దీనికి సంజీవ్ మేగోటి దర్శకత్వం వహిస్తున్నాడు. నవీన్ చంద్ర, కృష్ణ సాయి, రాగిణి ద్వివేది, రవిశంకర్, ఆదిత్య ఓం, అమిత్, దిల్ రమేష్, రాజశ్రీ నాయర్, సింగపూర్ బాలకృష్ణ, దుగ్గిరెడ్డి వెంకటరెడ్డి, శ్రీహర్ష తదితరులు ప్రధాన పాత్రల్లో నటిస్తున్నారు. అంతే కాకుండా.. ఈ మూవీలో సూపర్ స్టార్ కృష్ణ మీద స్పెషల్ సాంగ్ షూట్ చేసామని, అది సినిమాకే మెయిన్ హైలెట్గా నిలుస్తుందని ఈ సందర్భంగా నిర్మాతలు తెలిపారు.
‘పోలీస్ కంప్లెయింట్’ ఫస్ట్ లుక్
కృష్ణ స్పెషల్ సాంగ్ హైలైట్
మొత్తంగా ‘పోలీస్ కంప్లెయింట్’ సినిమా వరలక్ష్మి శరత్ కుమార్ కెరీర్ లో మరో విజయవంతమైన చిత్రంగా నిలుస్తుందని ఆశిద్దాం. కృష్ణ గారి స్పెషల్ సాంగ్ కూడా ప్రేక్షకులను ఆకట్టుకుంటుందని అనిపిస్తోంది.
