కోలీవుడ్లో ప్రముఖ దర్శకుడు వెట్రిమారన్ తన నిర్మాణ సంస్థను మూసివేస్తున్నట్లు ప్రకటించారు. ‘బ్యాడ్ గర్ల్’ చిత్రం ఆయన చివరి నిర్మాణం కానుంది. నిర్మాణంలోని సవాళ్ళ గురించి ఆయన వివరించారు.
Key Points
వెట్రిమారన్ తన నిర్మాణ సంస్థను మూసివేస్తున్నట్లు ప్రకటించారు.
నిర్మాతగా ఉండటం చాలా ఒత్తిడితో కూడుకున్న పని అని ఆయన అభిప్రాయం.
'బ్యాడ్ గర్ల్' వెట్రిమారన్ నిర్మాణ సంస్థ చివరి చిత్రం.
సినిమా నిర్మాణంలోని ఆర్థిక ఇబ్బందుల గురించి ఆయన వివరించారు.
వెట్రిమారన్ నిర్మాణ సంస్థ మూసివేత
కోలీవుడ్ లో పలు సూపర్ హిట్ సినిమాలు తెరకెక్కించిన దర్శకుడు వెట్రిమారన్ . అసురన్, పొల్లధవన్, వడ చెన్నై , విడుదలై లాంటి చిత్రాలతో హిట్స్ తన ఖాతాలో వేసుకున్నారు . ప్రస్తుతం శింబు హీరోగా ఓ మూవీని తెరకెక్కిస్తున్నారు . అయితే ఒకవైపు డైరెక్టర్ గా రాణిస్తూనే సొంతంగా ప్రొడక్షన్ హౌస్ నడిపిస్తున్నారు . తన సొంత నిర్మాణ సంస్థ గ్రాస్ రూట్ ఫిల్మ్ బ్యానర్ లో పలు సినిమాలు నిర్మించారు . ప్రస్తుతం ఈ బ్యానర్ లో బ్యాడ్ గర్ల్ అనే మూవీని నిర్మించారు .
అయితే తాజా పరిణామాల నేపథ్యంలో తన నిర్మాణ సంస్థను మూసివేస్తున్నట్లు వెట్రిమారన్ ప్రకటించారు. . సినిమా నిర్మాణం సవాల్ తో కూడుకున్నదని అన్నారు. మూవీ తీయడానికి డబ్బు అప్పుగా తీసుకోవడం వల్ల కలిగే ఆర్థిక ఇబ్బందుల గురించి ఆయన మాట్లాడారు . బ్యాడ్ గర్ల్ మూవీ మా నిర్మాణ సంస్థ చివరి చిత్రం అవుతుందని వెట్రిమారన్ వెల్లడించారు . నిర్మాత చేయడం టాక్సింగ్గా ఉందని కామెంట్స్ చేశారు.
నిర్మాణం: ఒక సవాలుగా వెట్రిమారన్ అభిప్రాయం
కాగా .. వర్ష భారత్ దర్శకత్వం వహించిన ‘బ్యాడ్ గర్ల్’ చిత్రంలో అంజలి శివరామన్ , శాంతి ప్రియ నటించారు. ఇటీవలే టీజర్ విడుదల కాగా .. వివాదం తలెత్తింది . దీంతో సినిమాను రివైజింగ్ కమిటీకి పంపగా .. చివరికి యూ / ఏ సర్టిఫికేట్ ఇచ్చారు . పిల్లలకు సంబంధించిన సన్నివేశాలపై అభ్యంతరాలు రావడంతో ఈ చర్య తీసుకున్నారు.
‘బ్యాడ్ గర్ల్’ చిత్రం విడుదల
దర్శకుడు వెట్రి మారన్ మాట్లాడుతూ .. “నిర్మాతగా ఉండటం అనేది ఒక టాక్సింగ్ జాబ్ లాంటిది. దర్శకుడిగా ఉండటం అనేది సృజనాత్మకమైన పని. ఆ ఉద్యోగంలో ఎటువంటి ఒత్తిడి ఉండదు . మన పని మనం చేసుకోవాలి. కానీ, మీరు నిర్మాత అయితే మాత్రం ప్రతి విషయం గురించి క్షుణ్ణంగా తెలుసుకోవాలి . చివరికీ టీజర్ కింద వచ్చే కామెంట్స్ కూడా చదవాలి . నటీనటులు, ప్రకటనలు సినిమా వ్యాపారాన్ని ప్రభావితం చేస్తాయి . ఒక నిర్మాతగా అది చాలా ఒత్తిడిగా అనిపిస్తుంది. దర్శకుడు మిస్కిన్తో కొన్ని రోజుల క్రితం దీని గురించి మాట్లాడా” అని అన్నారు. తన నిర్మాణ సంస్థలో వస్తోన్న మానుషి చిత్రం రివైజింగ్ కమిటీ వద్ద ఉందని పేర్కొన్నారు . కాగా .. బ్యాడ్ గర్ల్ సెప్టెంబర్ 5న విడుదలకు సిద్ధమవుతోంది.
నిర్మాణ రంగంలోని ఒత్తిడిని గుర్తించి, తన నిర్మాణ సంస్థను మూసివేస్తున్న వెట్రిమారన్ నిర్ణయం చర్చనీయాంశమైంది. ‘బ్యాడ్ గర్ల్’ చిత్రంతో ఆయన నిర్మాణ జీవితం ముగియనుంది.
