తెలుగు సినిమా ప్రేక్షకులను అలరించేందుకు ‘మిరాయ్’ సినిమా నుంచి ‘వైబ్ ఉంది’ అనే పాట విడుదలైంది. అర్మాన్ మాలిక్ గాత్రం, జెన్ జెడ్ లిరిక్స్ ఈ పాటకు ప్రత్యేక ఆకర్షణ.
Key Points
మిరాయ్ సినిమా నుంచి 'వైబ్ ఉంది' సాంగ్ రిలీజ్
అర్మాన్ మాలిక్ మాంత్రిక గాత్రం, జెన్ జెడ్ లిరిక్స్
తేజ సజ్జా, రితిక నాయక్ మధ్య అద్భుతమైన కెమిస్ట్రీ
విజయ్ పొలాకి కొరియోగ్రఫీతో సాంగ్ యూట్యూబ్ షేక్ అవుతోంది
‘వైబ్ ఉంది’ సాంగ్ విశేషాలు
క్యాచీ ట్యూన్స్.. కాళ్లు కదిలించే మూవ్స్.. మళ్లీ మళ్లీ వినాలనిపించే లిరిక్స్.. అదిరిపోయే స్టెప్పులు.. ఇలా మిరాయ్ నుంచి వచ్చిన ఫస్ట్ సింగిల్ ఇన్ స్టంట్ హిట్ గా నిలిచింది. ఇవాళ (జులై 26) రిలీజైన ‘వైబ్ ఉంది’ సాంగ్ యూట్యూబ్ ను షేక్ చేస్తోంది. ఈ మూవీతో మిరాయ్ (Mirai)పై అంచనాలు మరింత పెరిగిపోయాయి. ఈ సాంగ్ మళ్లీ మళ్లీ వినాలనిపించేలా ఉంది.
మిరాయ్ సినిమా నుంచి వచ్చిన ఫస్ట్ పాట ‘వైబ్ ఉంది’ ఇంటర్నెట్ ను షేక్ చేస్తోంది. ఇప్పుడు తెగ పాపులర్ గా మారిన జెన్ జెడ్ భాష లిరిక్స్ తో ఈ సాంగ్ మరింత ట్రెండీగా మారింది. ‘ఓ పోరి దిల్ దారు వయ్యారివే’ అంటూ స్టార్ట్ అవుతుంది ఈ పాట. ‘వైబ్ ఉంది బేబీ వైబ్ ఉందిలే.. ఈ గ్లోబ్ ను ఆపే వైబ్ ఉందిలే’ అంటూ సాంగ్ సాగుతుంది.
అర్మాన్ మాలిక్ గాత్రం ఆకట్టుకుంటోంది
వైబ్ ఉంది సాంగ్ లో అన్నీ చక్కగా కుదిరాయి అని చెప్పాలి. ఇంగ్లీష్ పదాలను వాడుతూ క్రిష్ణ కాంత్ చక్కగా పాట రాశారు. అంతకంటే గొప్పగా అర్మాన్ మాలిక్ దీన్ని ఆలపించారు. ఇక విజయ్ పొలాకి అందించిన కొరియోగ్రాఫీ సాంగ్ ను మరో లెవల్ కు తీసుకెళ్లింది. తేజ సజ్జా , రితిక నాయక్ మధ్య కెమిస్ట్రీ కూడా చక్కగా కుదిరింది. గౌర హరి మ్యూజిక్ కూడా సాంగ్ ను మరో రేంజ్ కు తీసుకెళ్లింది. మిరాయ్ మూవీకి గౌర హరి మ్యూజిక్ డైరెక్టర్.
ఓ సూపర్ యోధ కథ అంటూ మిరాయ్ ఇప్పటికే అంచనాలు పెంచేసింది. ఫస్ట్ గ్లింప్స్ నుంచి నెల రోజుల క్రితం వచ్చిన టీజర్ వరకూ అన్నీ అదిరిపోయాయి. ఈ మూవీలో తేజ సజ్జా ఎనర్జిటిక్ పర్ఫార్మెన్స్ కు మంచు మనోజ్ పవర్ ఫుల్ విలనిజం తోడు కావడం కూడా సినిమాపై అంచనాలు భారీగా ఉండటానికి కారణమైంది. ఇప్పుడు వైబ్ ఉంది సాంగ్ తో మిరాయ్ హైప్ మరింత పెరిగింది.
మిరాయ్ సినిమాపై అంచనాలు పెరిగాయి
యాక్షన్ అడ్వెంచరస్ మూవీగా మిరాయ్ తెరకెక్కుతోంది. ఇందులో తేజ సజ్జా, మంచు మనోజ్, రితికా నాయక్, శ్రియ, జగపతి బాబు, జయరాం తదితరులు నటిస్తున్నారు. ఈ సినిమా ప్రపంచవ్యాప్తంగా సెప్టెంబర్ 5, 2025న రిలీజ్ కానుంది. పాన్ ఇండియా మూవీగా తెలుగుతో పాటు తమిళం, కన్నడ, మలయాళం, హిందీ భాషల్లో ఈ మూవీ రూపొందుతోంది. ఈ మూవీకి కార్తీక్ ఘట్టమనేని డైరెక్టర్. పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్, కృతి ప్రసాద్ నిర్మిస్తున్నారు.
మొత్తంగా ‘వైబ్ ఉంది’ సాంగ్ మిరాయ్ సినిమాపై అంచనాలను మరింత పెంచింది. అర్మాన్ మాలిక్ గాత్రం, తేజ సజ్జా ప్రతిభ ఈ సాంగ్ ను విజయవంతం చేశాయి.
