విజయ్ దేవరకొండ నటించిన ‘కింగ్డమ్’ చిత్రం జులై 31న విడుదల కానుంది. ఇప్పటికే విడుదలైన గ్లింప్స్ ఆకట్టుకున్న నేపథ్యంలో, ట్రైలర్ జులై 26న తిరుపతిలో విడుదల కానుంది. భారీ ఈవెంట్ ప్లాన్ చేయబడింది.
Key Points
జులై 26న 'కింగ్డమ్' ట్రైలర్ రిలీజ్!
తిరుపతిలో గ్రాండ్ లాంచ్ ఈవెంట్!
స్పై యాక్షన్ థ్రిల్లర్ గా రూపొందిన సినిమా!
ట్రైలర్ రిలీజ్ డేట్ వెల్లడి
రౌడీ బాయ్ విజయ్ దేవరకొండ ఇప్పుడు `కింగ్డమ్` చిత్రంతో రాబోతున్నారు. `ఖుషి` వంటి డీసెంట్ హిట్ తర్వాత, `ఫ్యామిలీ స్టార్` వంటి ఫెయిల్యూర్ అనంతరం ఇప్పుడు `కింగ్ డమ్` మూవీతో వస్తున్నారు విజయ్.
గౌతమ్ తిన్ననూరి దర్శకత్వంలో ఈ మూవీ రూపొందింది. సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ పతాకాలపై నాగవంశీ, సాయి సౌజన్య నిర్మిస్తున్నారు. ఈ నెల 31న సినిమా విడుదల కానుంది.
ఈ క్రమంలో `కింగ్డమ్` మూవీ నుంచి అదిరిపోయే అప్ డేట్ వచ్చింది. ట్రైలర్ రిలీజ్ డేట్ వచ్చింది. ఈ నెల(జులై) 26న ట్రైలర్ని విడుదల చేయనున్నారు. ఇప్పటికే విడుదలైన గ్టింప్స్ ఆకట్టుకుంది.
ఇప్పుడు ట్రైలర్తో పూనకాలు తెప్పించేందుకు రెడీ అవుతున్నారు. జులై 26న తిరుపతిలో విడుదల చేయబోతున్నట్టు టీమ్ తెలిపింది. ఈ మేరకు కొత్త పోస్టర్ని విడుదల చేసింది టీమ్.
తిరుపతిలో గ్రాండ్ లాంచ్
తిరుపతిలో గ్రాండ్ ఈవెంట్ ప్లాన్ చేస్తున్నారు. అందులో అన్ని భాషల ట్రైలర్ని రిలీజ్ చేయనున్నారు. ఈ మూవీ పాన్ ఇండియారేంజ్లో ఇతర భాషల్లో కూడా విడుదలకాబోతున్న విషయం తెలిసిందే.
ఇక తాజాగా విడుదల చేసిన పోస్టర్లో విజయ్ లుక్ అదిరిపోయింది. ఇందులో విజయ్ దేవరకొండకి ఒక మహిళ వీరతిలకం దిద్దుతోంది. ఆ లుక్ చాలా పవర్ఫుల్గా ఉంది. సినిమాలోనూ విజయ్ దేవరకొండ పాత్ర అంతే బలంగా ఉంటుందని టీమ్ చెబుతోంది.
భాగ్య శ్రీ బోర్సే హీరోయిన్గా నటిస్తున్న ఈ మూవీ కోసం ఫ్యాన్స్ ఈగర్గా వెయిట్ చేస్తున్నారు. అయితే గత చిత్రాలు సరిగా ఆడలేకపోవడంతో విజయ్ ఎలాగైనా ఈ మూవీతో హిట్ కొట్టాలని భావిస్తున్నారు. అంతే నమ్మకంతో ఉన్నారు.
విజయ్ దేవరకొండ పాత్ర ప్రత్యేకత
దర్శకుడు గౌతమ్ తిన్ననూరి ఈ మూవీని స్పై యాక్షన్ థ్రిల్లర్గా రూపొందిస్తున్నారు. రెండు పీరియడ్ కాలాల్లో ఈ మూవీ సాగుతుందని తెలుస్తోంది. గతం తాలూకు ఎపిసోడ్ హైలైట్గా నిలుస్తుందని తెలుస్తోంది.
ఇందులో విజయ్ స్పైగా కనిపిస్తారనే ప్రచారం జరుగుతుంది. మరి అది ఎంత వరకు నిజమనేది తెలియాల్సి ఉంది. అదే సమయంలో అన్నా సెంటిమెంట్ హైలైట్గా నిలుస్తోందని టాక్. ఇవే ఇందులో హైలైట్గా ఉంటాయట.
ఇప్పటికే విడుదలైన పాటలు ఆద్యంతం అలరించాయి. అలాగే ఇటీవల రిలీజ్ చేసిన `అన్నా` సాంగ్ సైతం ఎమోషనల్గా అలరించింది. బాగా కనెక్ట్ అయ్యింది. సినిమాపై అంచనాలను పెంచుతోంది. మరి సినిమా కూడా అదే స్థాయిలో ఉంటుందా అనేది చూడాలి.
విజయ్ దేవరకొండ ‘కింగ్డమ్’ సినిమాపై భారీ అంచనాలున్నాయి. ట్రైలర్ రిలీజ్ తో మరింత ఉత్కంఠ పెరిగింది. ఈ సినిమా విజయవంతం అవుతుందా అని చూడాలి.
