📌 Key Points
- విజయ్, రష్మికల వివాహం ఫిబ్రవరి 26న రాజస్థాన్లో జరిగింది.
- థాయ్లాండ్లోని కో స్యామ్యూయ్ దీవుల్లో హనీమూన్ జరుపుకుంటున్నారు.
- వెకేషన్లో దిగిన ఫోటోలు, వీడియోలను రష్మిక సోషల్ మీడియాలో పంచుకుంది.
- పెళ్లి తర్వాత ‘రణబాలి’ సినిమాలో కలిసి నటించనున్నారు విరోష్ జంట.
విజయ్ దేవరకొండ, రష్మిక మందన్నలు రాజస్థాన్లో వివాహం చేసుకున్న తర్వాత థాయ్లాండ్లో హనీమూన్ జరుపుకుంటున్నారు. రష్మిక సోషల్ మీడియాలో వెకేషన్కు సంబంధించిన వీడియోలను షేర్ చేయడంతో అభిమానులు సంతోషం వ్యక్తం చేస్తున్నారు. త్వరలో వీరిద్దరూ ‘రణబాలి’లో కలిసి నటించనున్నారు.
రాజస్థాన్లో అంగరంగ వైభవంగా వివాహం
Virosh couple:టాలీవుడ్ మోస్ట్ క్యూట్ కపుల్ విజయ్ దేవరకొండ (Vijay Deverakonda), రష్మిక మందన్న (Rashmika mandanna) పెళ్లి తర్వాత వెకేషన్ మూడ్లోకి జారుకున్నారు. ఫిబ్రవరి 26న రాజస్థాన్లోని ఉదయ్పూర్లో అంగరంగ వైభవంగా వీరి వివాహం జరిగిన సంగతి తెలిసిందే. పెళ్లి హడావుడి, రిసెప్షన్ సందడి ముగిశాక, ఈ జంట థాయ్లాండ్లోని కో స్యామ్యూయ్ దీవుల్లో ఎంజాయ్ చేస్తున్నారు. అక్కడ గడిపిన అందమైన క్షణాలను రష్మిక సోషల్ మీడియాలో షేర్ చేస్తూ పెట్టిన పోస్ట్ ఇప్పుడు నెట్టింట వైరల్ అవుతోంది.
ఉదయ్పూర్లో రాయల్ వెడ్డింగ్, ఆ తర్వాత హైదరాబాద్లో సన్నిహితుల కోసం ఏర్పాటు చేసిన గ్రాండ్ విందు.. ఇలా వరుస వేడుకలతో బిజీగా గడిపిన విజయ్-రష్మికలకు ఇప్పుడు కాస్త విరామం దొరికింది. థాయ్లాండ్లోని కో స్యామ్యూయ్ వెకేషన్కు వెళ్లిన ఈ జంట, అక్కడ ఒక అందమైన ఎయిర్ బిఎన్బి (Airbnb) విల్లాలో స్టే చేస్తున్నారు. “పెళ్లి వేడుకల తర్వాత మాకు కాస్త ప్రశాంతత కావాలనిపించింది. ఇక్కడి ఉదయాలు చాలా నిశ్శబ్దంగా, సాయంత్రాలు స్విమ్మింగ్, టేబుల్ టెన్నిస్, పూల్ గేమ్స్తో సరదాగా గడిచిపోతున్నాయి” అంటూ రష్మిక తన ఆనందాన్ని పంచుకుంది.
ఇక ఫిబ్రవరి 26, 2026న జరిగిన వీరి వివాహ వేడుకకు సంబంధించిన ఫోటోలు ఇప్పటికీ సోషల్ మీడియాలో ట్రెండ్ అవుతూనే ఉన్నాయి. ముఖ్యంగా హల్దీ వేడుకలో విజయ్, రష్మికల అల్లరి, ఆ తర్వాత రాజస్థానీ స్టైల్లో జరిగిన వివాహ ఫోటోలు అభిమానులకు కంటి నిండా నచ్చేశాయి. ఎప్పుడెప్పుడు వీరు ఒక్కటవుతారా అని ఎదురుచూసిన ఫ్యాన్స్కు, ఆ ఫోటోలు పెద్ద ట్రీట్లా నిలిచాయి. ఇప్పుడు వెకేషన్లో ఫ్రెండ్స్తో కలిసి మూవీ నైట్స్ జరుపుకుంటూ, ఎంజాయ్ చేస్తున్న వీడియోలను రష్మిక పోస్ట్ చేయడంతో విరోజ్ ఫ్యాన్స్ ఫుల్ ఖుషీ అవుతున్నారు.
థాయ్లాండ్లో హనీమూన్ ఎంజాయ్ చేస్తున్న విరోష్
ఈ చిన్న బ్రేక్ తర్వాత విజయ్, రష్మిక ఇద్దరూ తమ ప్రొఫెషనల్ లైఫ్తో బిజీ కానున్నారు. విశేషం ఏంటంటే, పెళ్లి తర్వాత వీరిద్దరూ కలిసి ఓకే సినిమాలో నటిస్తున్నారు అదే భారీ ప్రాజెక్ట్ ‘రణబాలి’. ఆ షూటింగ్లో పాల్గొనాల్సి ఉంది. అటు విజయ్ కూడా ఈ మూవీ తో పాటు ‘రౌడీ జనార్ధన’ చిత్రాల పనుల్లో నిమగ్నమవ్వబోతున్నారు. షూటింగ్స్ మొదలయ్యే ముందే, తమ కోసం కొంత సమయం కేటాయించుకుని ఇలా రిలాక్స్ అవ్వడం మంచి విషయమని నెటిజన్లు కామెంట్స్ చేస్తున్నారు.
‘రణబాలి’ సినిమాలో కలిసి నటించనున్న జంట
మొత్తానికి విరోష్ జంట తమ వైవాహిక జీవితాన్ని చాలా హ్యాపీగా ఎంజాయ్ చేస్తోంది. థాయ్లాండ్ వెకేషన్ ముగించుకుని తిరిగి రాగానే, ఈ జంట కలిసి నటించబోయే సినిమా సెట్స్ పైకి వెళ్లనుంది. తెర మీద వీరి కెమిస్ట్రీ చూడాలని అభిమానులు ఎంతగానో ఎదురుచూస్తున్నారు. రష్మిక షేర్ చేసిన ఈ లేటెస్ట్ వీడియో చూస్తుంటే, ఈ జంట కేవలం భార్యాభర్తలు మాత్రమే కాదు, ఒకరికొకరు బెస్ట్ ఫ్రెండ్స్ అని కూడా అర్థమవుతోంది. షూటింగ్స్లో కూడా వీరు ఇదే ఉత్సాహంతో దూసుకుపోవాలని కోరుకుందాం.
?utm_source=ig_web_copy_link&igsh=MzRlODBiNWFlZA==
మొత్తానికి విరోష్ జంట పెళ్లి తరువాత హనీమూన్ను బాగా ఆస్వాదిస్తున్నారు. త్వరలోనే వీరిద్దరూ ‘రణబాలి’ సినిమా షూటింగ్లో పాల్గొననున్నారు. ఈ సినిమా కోసం అభిమానులు ఎంతగానో ఎదురుచూస్తున్నారు.
