📌 Key Points
- డీఎంకే పార్టీపై దళపతి విజయ్ సంచలన ఆరోపణలు, రాజకీయ ప్రకంపనలు!
- ప్రజల కోసం లగ్జరీ లైఫ్ వదులుకున్న విజయ్, త్యాగానికి ఫ్యాన్స్ ఫిదా!
- ప్రభుత్వ పరీక్షలు కరెక్ట్ టైమ్కి, నిరుద్యోగులకు భరోసా ఇచ్చిన దళపతి!
- డిగ్రీ పూర్తి చేసిన వాళ్లకు రూ.4,000 ఆర్థిక సాయం, విజయ్ భారీ హామీ!
దళపతి విజయ్ పొలిటికల్ ఎంట్రీతో తమిళనాడు రాజకీయాలు ఒక్కసారిగా వేడెక్కాయి. ప్రజల కోసం ఆయన తీసుకున్న నిర్ణయం ఇప్పుడు హాట్ టాపిక్గా మారింది. అసెంబ్లీ ఎన్నికల్లో విజయ్ ఎలాంటి సంచలనాలు సృష్టిస్తాడో చూడాలి.
డీఎంకేపై విజయ్ సంచలన విమర్శలు
తమిళనాడు అసెంబ్లీ ఎన్నికల్లో పోటీ చేస్తున్న టీవీకే చీఫ్ దళపతి విజయ్ తన విమర్శలకు పదును పెట్టాడు. అధికార డీఎంకేపై విమర్శలు ఎక్కుపెట్టడంతోపాటు తాను ప్రజల కోసం తన రిచ్ లైఫ్ వదులుకున్నట్లు చెప్పాడు.
తమిళనాడు అసెంబ్లీ ఎన్నికల్లో టీవీకే (తమిళగ వెట్రి కజగం) పార్టీ అధినేత, నటుడు దళపతి విజయ్ రెండు స్థానాల నుంచి పోటీ చేయబోతున్నాడు. సోమవారం (మార్చి 30) నాడు చెన్నైలోని పెరంబూర్ నియోజకవర్గం నుంచి అతడు తన నామినేషన్ వేశాడు. ఏప్రిల్ 23న జరగబోయే ఎన్నికల్లో తమ పార్టీకి ఒక్క అవకాశం ఇవ్వాలని, తమ పార్టీ గుర్తు అయిన విజిల్ కు ఓటు వేయాలని అతడు ప్రజలను కోరాడు.
లగ్జరీ లైఫ్కు గుడ్ బై చెప్పిన దళపతి
“మనం తమిళనాడు ను కాపాడుకోవాలి. మన రాష్ట్రం ఇలా తయారవ్వడానికి అసలు కారణం ఎవరు? ఈ దుష్ట శక్తి డీఎంకేనే దీనికంతటికీ కారణం, స్టాలిన్ సారే దీనికి ముఖ్య కారణం. ఇది రాబోయే జనరేషన్ కోసం జరిగే ఒక సెలెక్షన్. నేను కేవలం మీ కోసమే ఇక్కడికి వచ్చాను. నాకున్న ఆ లగ్జరీ లైఫ్ ను పూర్తిగా పక్కన పెట్టేసి, మీ రుణం తీర్చుకోవడానికే ఇలా మీ ముందుకు వచ్చాను. నేను మీకు ఎప్పటికీ అబద్ధం చెప్పను, మిమ్మల్ని ఎన్నటికీ మోసం చేయను,” అని అతడు అన్నాడు.
స్టాలిన్ కావాలా? విజయ్ కావాలా?
నిరుద్యోగులకు ఆర్థిక సాయం హామీ
మాదకద్రవ్యాలు లేని, స్వయం సమృద్ధ తమిళనాడును నిర్మించాలన్న తన కలను వివరిస్తూ విజయ్ పలు కీలకమైన ఎన్నికల హామీలను కూడా ప్రకటించాడు. ఎలాంటి ఆలస్యం లేకుండా ప్రభుత్వ పరీక్షలన్నీ కరెక్ట్ టైమ్కి నిర్వహిస్తామని అతడు హామీ ఇచ్చాడు. యువత సంక్షేమాన్ని దృష్టిలో పెట్టుకుని, డిగ్రీ పూర్తయిన వాళ్లకు నెలకు రూ.4,000, డిప్లొమా చదివిన వాళ్లకు నెలకు రూ.2,000 చొప్పున ఆర్థిక సాయం అందిస్తామని విజయ్ ప్రకటించాడు.
దళపతి విజయ్ రాజకీయ ఎంట్రీ ఇప్పుడు హాట్ టాపిక్. ఎన్నికల ఫలితాలు ఎలా ఉండబోతున్నాయో చూడాలి. మరిన్ని అప్డేట్స్ కోసం చూస్తూ ఉండండి.
