📌 Key Points
- విశాఖ-తిరుపతి ప్రత్యేక రైలు ఇకపై రెగ్యులర్ సర్వీసుగా అందుబాటులో ఉంటుంది.
- రైలు నంబర్ 08547/08548 నుండి 18505/18506కు మార్చబడింది.
- విశాఖపట్నం నుండి బుధవారం రాత్రి 7 గంటలకు, తిరుపతి నుండి గురువారం రాత్రి 9:50 గంటలకు రైలు బయలుదేరుతుంది.
- ఈ రైలు అనకాపల్లి, రాజమండ్రి, విజయవాడ, ఒంగోలు, నెల్లూరుతో సహా అనేక స్టేషన్లలో ఆగుతుంది.
ఏపీలోని రైల్వే ప్రయాణికులకు ఇది నిజంగా శుభవార్త. విశాఖపట్నం మరియు తిరుపతి మధ్య నడిచే ప్రత్యేక రైలును ఇకపై రెగ్యులర్ సర్వీసుగా మార్చారు. దీనికి సంబంధించిన పూర్తి వివరాలు ఇప్పుడు తెలుసుకుందాం.
విశాఖ-తిరుపతి రైలు ఇక రెగ్యులర్ సర్వీసు
ఏపీలోని రైల్వే ప్రయాణికులకు శుభవార్త వచ్చేసింది. విశాఖపట్నం – తిరుపతి మధ్య నడుస్తున్న ప్రత్యేక రైలును రెగ్యూలర్ సర్వీసుగా క్రమబద్ధీకరించారు. ఈ మేరకు రైల్వేశాఖ నిర్ణయం తీసుకుంది.
విశాఖపట్నం – తిరుపతి( 08547/08548) మధ్య స్పెషల్ ట్రైన్ నడుస్తోంది. ఇకపై ఈ ట్రైన్ రెగ్యూలర్ ట్రైన్ గా సేవలు అందించనుంది. దీంతో ఈ ట్రైన్ నెంబర్ ను 18505/18506 గా మార్పు చేశారు.
రైలు వేళలు మరియు స్టేషన్ల వివరాలు
విశాఖపట్నం – తిరుపతి మధ్య నడిచే (ట్రైన్ నెంబర్ 18505) బుధవారం రాత్రి 7 గంటలకు విశాఖపట్నం నుంచి బయల్దేరుతుంది. మరుసటి రోజు ఉదయం 09:30 గంటలకు తిరుపతి చేరుకుంటుంది.
ఇక తిరుపతి – విశాఖపట్నం(18506) మధ్య నడిచే ట్రైన్ గురువారం రాత్రి 21:50 నిమిషాలకు బయల్దేరుతుంది. మరునాడు 13:30 నిమిషాలకు విశాఖపట్నంకు చేరుకుంటుంది.
ప్రయాణికులకు రైల్వే శాఖ శుభవార్త
ఈ రెగ్యూలర్ ట్రైన్…. అనకాపల్లి, ఎలమంచిలి, అన్నవరం, సామర్లకోట, రాజమండ్రి, నిడదవోలు, తణుకు, భీమవరం టౌన్, కైకలూరు, గుడివాడ, విజయవాడ, తెనాలి, చీరాల, ఒంగోలు, నెల్లూరు, గూడూరు, శ్రీకాళహస్తి, రేణిగుంట స్టేషన్లలో ఆగనుంది. వారానికి ఒకసారి (బుధవారం విశాఖపట్నం నుండి / గురువారం తిరుపతి నుండి) మాత్రమే ఈ సర్వీస్ అందుబాటులో ఉంటుంది.
విశాఖపట్నం – తిరుపతి మధ్య నడిచే ఈ రెగ్యూలర్ ట్రైన్ లో 2 లగేజీ, గార్డ్ వ్యాన్లు, 04 జనరల్, 09 స్లీపర్ క్లాస్, 04 థర్డ్ ఏసీ (3rd AC), మరియు 03 సెకండ్ ఏసీ (2nd AC) కోచ్లుంటాయని ఈస్ట్ కోస్ట్ రైల్వే ఓ ప్రకటన ద్వారా వెల్లడించింది.
విశాఖపట్నం-తిరుపతి మధ్య రైలు ప్రయాణం మరింత సులభతరం కానుంది. రెగ్యులర్ సర్వీసుగా మారడంతో ప్రయాణికులకు సౌకర్యవంతంగా ఉంటుందని రైల్వే శాఖ భావిస్తోంది.
