బాలీవుడ్ స్పై థ్రిల్లర్ వార్ 2 ఓటీటీ రిలీజ్ కోసం ప్రేక్షకులు ఎదురుచూస్తున్నారు. 350 కోట్లతో నిర్మించబడిన ఈ సినిమా దసరాకు ఓటీటీలో విడుదల కావచ్చని వార్తలు వినిపిస్తున్నాయి.
Key Points
వార్ 2 ఓటీటీ రిలీజ్ కు సిద్ధమవుతోంది.
దసరా సందర్భంగా నెట్ఫ్లిక్స్ లో స్ట్రీమింగ్ అవకాశం.
హృతిక్ రోషన్, జూనియర్ ఎన్టీఆర్ నటించిన యాక్షన్ థ్రిల్లర్.
రూ. 350 కోట్ల గ్రాస్ కలెక్షన్లను సాధించింది.
వార్ 2 ఓటీటీ ప్రయాణం
2025 సంవత్సరంలో విడుదలైన బిగ్గెస్ట్ సినిమాల్లో వార్ 2 ఒకటి. ఎంతో హైప్ తో థియేటర్లకు వచ్చిన ఈ స్పై థ్రిల్లర్ అంచనాలను మాత్రం అందుకోలేకపోయింది. ఈ మూవీ థియేటర్ రిలీజ్ అయి ఇప్పటికే ఒక నెల గడిచిపోయింది. ఈ నేపథ్యంలో సినిమా ఓటీటీ రిలీజ్ కోసం ఫ్యాన్స్ ఆత్రుతగా ఎదురు చూస్తున్నారు. ఈ మూవీ త్వరలోనే ఓటీటీలో ప్రీమియర్ కానుంది.
వైఆర్ఎఫ్ స్పై యూనివర్స్లోని తాజా చిత్రమైన వార్ 2 ఆగస్టు 14న థియేటర్లలో విడుదలైంది. అదే రోజు రజినీకాంత్ సినిమా కూలీ కూడా విడుదలైంది. కూలీ ఇప్పటికే ఓటీటీ లోకి వచ్చేసింది. కానీ వార్ 2 ఇంకా డిజిటల్ స్ట్రీమింగ్ కు రాలేదు. అయితే ఈ సినిమా ఇప్పుడు ఆన్లైన్లో స్ట్రీమింగ్కు సిద్ధమవుతున్నట్లు టాక్. హృతిక్ రోషన్, జూనియర్ ఎన్టీఆర్ నటించిన యాక్షన్ థ్రిల్లర్ వార్ 2 నెట్ఫ్లిక్స్ లోకి రాబోతుంది.
దసరా స్పెషల్ రిలీజ్?
వార్ 2 ఓటీటీ రిలీజ్ డేట్ పై ఇంకా అఫీషియల్ అనౌన్స్ మెంట్ అయితే రాలేదు. కానీ దసరా స్పెషల్ గా ఇది డిజిటల్ స్ట్రీమింగ్ కోసం నెట్ఫ్లిక్స్ లోకి వచ్చే సూచనలు కనిపిస్తున్నాయి. నవరాత్రి ఉత్సావాలు, బతుకమ్మ సంబరాలు సెప్టెంబర్ 22 నుంచి ప్రారంభం కానున్నాయి. అక్టోబర్ 2న దసరా ఉంది. ఈ నేపథ్యంలో సెప్టెంబర్ 22 నుంచి అక్టోబర్ 2 మధ్యలో ఈ మూవీని ఓటీటీ రిలీజ్ చేసే ఛాన్స్ ఉంది.
వార్ 2 అనేది వైఆర్ఎఫ్ స్పై యూనివర్స్లోని ఆరవ చిత్రం. ఈ యూనివర్స్ సల్మాన్ ఖాన్, కత్రినా కైఫ్ నటించిన ఏక్ తా టైగర్ తో ప్రారంభమైంది. ఈ హిట్ ఫ్రాంచైజ్ టైగర్ జిందా హై, వార్, పఠాన్, టైగర్ 3 వంటి హిట్ సినిమాలను అందించింది. వార్ 2 మూవీకి అయాన్ ముఖర్జీ దర్శకత్వం వహించారు. అది అదిత్య చోప్రా తన బ్యానర్ అయిన యశ్ రాజ్ ఫిల్మ్స్ పై నిర్మించారు. వార్ 2 స్క్రిప్ట్ను శ్రీధర్ రాఘవన్, అబ్బాస్ టైరేవాళా రాశారు. ఈ మూవీతో తారక్ బాలీవుడ్ లో అడుగుపెట్టారు.
సినిమా విశేషాలు
ఈ సినిమా 2019లో విడుదలైన వార్ సినిమాకు సీక్వెల్. ఇందులో జూనియర్ ఎన్టీఆర్, హృతిక్ రోషన్, కియారా అద్వాణి, అశుతోష్ రానా, అనిల్ కపూర్ తదితరులు నటించారు. సక్నిల్క్ ప్రకారం వార్ 2 ప్రపంచవ్యాప్తంగా రూ.350 కోట్ల గ్రాస్ కలెక్షన్లు సాధించింది.
వార్ 2 సినిమా ఓటీటీ ప్రేక్షకులను అలరించడానికి సిద్ధంగా ఉంది. దసరా పండుగ సందర్భంగా రిలీజ్ అవ్వడం ఖచ్చితంగా సినిమాకు మరింత ఆదరణను తెస్తుంది.
