రవి ప్రకాష్ రెడ్డి నిర్మాణంలో బసీర్ ఆలూరి దర్శకత్వం వహించిన ‘6జర్నీ’ చిత్రం మే 9న విడుదలవుతోంది. ఆరుగురు యువతల జీవిత ప్రయాణాన్ని తెరకెక్కించిన ఈ చిత్రం టెర్రరిజం మరియు దేశభక్తి అంశాలతో రూపొందించబడింది.
Key Points
మే 9న విడుదలవుతున్న ‘6జర్నీ’ సినిమా టెర్రరిజం నేపథ్యంలో సాగుతుంది.
గోవా ట్రిప్లో సూసైడ్ చేసుకోవాలనుకునే ఆరుగురి జీవితాల ప్రయాణం చిత్ర కథాంశం.
దేశభక్తిని రేకెత్తిస్తూ ఉగ్రవాదంపై ఆకట్టుకునే క్లైమాక్స్.
సమీర్, పల్లవి, అభిరాం తదితరుల అద్భుత నటనతో సినిమా ప్రేక్షకులను అలరించనుంది.
‘6జర్నీ’ కథాంశం
రవి ప్రకాష్ రెడ్డి, సమీర్ దత్త, టేస్టీ తేజ, పల్లవి, రమ్యా రెడ్డి తదితరులు ప్రధాన పాత్రల్లో నటించిన తాజా చిత్రం ‘6జర్నీ’. పాల్యం శేషమ్మ, బసిరెడ్డి సమర్పణలో అరుణ కుమారి ఫిలింస్ బ్యానర్పై పాల్యం రవి ప్రకాష్ రెడ్డి నిర్మిస్తున్న ఈ చిత్రానికి బసీర్ ఆలూరి దర్శకత్వం వహిస్తున్నాడు. సెన్సార్ సహా అన్నీ కార్యక్రమాలను పూర్తి చేసుకున్న ఈ చిత్రాన్ని మే 9న గ్రాండ్గా రిలీజ్ చేయబోతున్నారు. ఈ నేపథ్యంలో తాజాగా దర్శకుడు బసీర్ మీడియాతో ముచ్చటించారు. ఆ విశేషాలు..
→ సినిమా ఇండస్ట్రీలో ఎన్నో కష్టాలు పడ్డాను. ఇది వరకు తెలుగులో సమరం, కన్నడలో మరో చిత్రాన్ని చేశాను. ఇప్పుడు నా మూడో సినిమా 6 జర్నీ అంటూ ఆడియెన్స్ ముందుకు వస్తున్నాను. ఇది ఆరుగురి జీవిత ప్రయాణం. గోవా ట్రిప్ను ఎంజాయ్ చేసి సూసైడ్ చేసుకోవాలని అనుకునే ఓ బ్యాచ్ కథే ‘6జర్నీ’. అలాంటి వారి ప్రయాణంలో ఎదురైన పరిస్థితులు ఏంటి? అన్నది ఈ సినిమా కథ.
→ సమీర్, పల్లవి జంట అద్భుతంగా నటించింది. కొత్త అబ్బాయి విలన్గా అభిరాం చక్కగా నటించారు. కొత్త మ్యూజిక్ డైరెక్టర్, కొత్త ఫైట్ మాస్టర్ ఇలా అందరూ అద్భుతంగా పని చేశారు. నిర్మాతది మా ఊరే. ఆయనకు సినిమా అంటే చాలా ఇష్టం. ఈ కథ ఆయనకు నచ్చడంతో ప్రాజెక్ట్ ముందుకు వచ్చింది.
నటీనటులు మరియు సాంకేతిక నిపుణులు
→ వర్షాకాలంలో ఈ మూవీ షూటింగ్ చేశాం. షూటింగ్ సమయంలో ఎన్నో కష్టాలు వచ్చాయి. ప్రకృతి మాకు ఎంతో సహకరించింది. ఎన్ని అడ్డంకులు వచ్చినా షూటింగ్ సక్సెస్ ఫుల్గా కంప్లీట్ చేశాం.
→ మ్యూజిక్ డైరెక్టర్ ఎంఎన్ సింహా మంచి పాటల్ని ఇచ్చారు. మంచి సంగీతం, మంచి పాటలు ఉన్నాయి. ఆల్రెడీ మా పాట యూట్యూబ్లో ట్రెండ్ అవుతున్నాయి. మంచి కాన్సెప్ట్తో తీసిన ఈ చిత్రం అందరినీ ఆకట్టుకుంటుంది.
చిత్రీకరణ మరియు విడుదల
→ క్లైమాక్స్ చాలా గొప్పగా ఉంటుంది. శ్రీరాముడు పుట్టిన నేల మీద ఉగ్రవాదులు దాడి చేయడం ఏంటి? ఇక్కడ యువత ఎలా పోరాడాలి అంటూ దేశ భక్తిని రేకెత్తించేలా క్లైమాక్స్ను అద్భుతంగా తెరకెక్కించాం. ప్రస్తుతం ఉన్న పరిస్థితులకు తగ్గట్టుగా క్లైమాక్స్ ఉంటుంది. సినిమా పూర్తిగా టెర్రరిజం మీదే నడుస్తుంది. అనుకున్న బడ్జెట్ కంటే కాస్త ఎక్కువే అయింది. బోర్డర్లో సినిమా షూటింగ్, వర్షాకాలం అవ్వడంతో కాస్త బడ్జెట్ పెరిగింది.
→ మళ్లీ అక్టోబర్లో ఓ సినిమాను చేయబోతోన్నాను. ముంబై బ్యాక్ డ్రాప్లో ఆ చిత్రం ఉంటుంది. ఇంకా చర్చలు జరుగుతున్నాయి. పూర్తి వివరాలను త్వరలోనే తెలియజేస్తాను.
‘6జర్నీ’ సినిమా టెర్రరిజం, దేశభక్తి అంశాలతో ప్రేక్షకులను ఆకట్టుకోవడానికి సిద్ధంగా ఉంది. అద్భుతమైన క్లైమాక్స్తో ఈ చిత్రం విజయవంతం కావాలని ఆశిద్దాం.
