నటి హర్షిత వెంకటేష్, వినయ్ శ్యామ్ సుందర్ దంపతులు తల్లిదండ్రులయ్యారు. పెళ్లైన ఐదేళ్లకు తమకు కూతురు పుట్టినట్లు వెల్లడిస్తూ, భావోద్వేగమైన పోస్ట్తో అభిమానులకు సడెన్ సర్ప్రైజ్ ఇచ్చారు. ఈ వార్త ప్రస్తుతం టాలీవుడ్లో చర్చనీయాంశంగా మారింది.
Key Points
కన్నడ నటి హర్షిత వెంకటేష్ తెలుగు సీరియల్స్తో పాపులర్ అయ్యారు.
వినయ్ శ్యామ్ సుందర్తో వివాహం, 'ఇస్మార్ట్ జోడీ సీజన్ 2' విజేతలు.
తమకు కూతురు పుట్టిన విషయాన్ని సడెన్ సర్ప్రైజ్గా ప్రకటించారు.
ఐదేళ్ల వివాహ బంధం తర్వాత తల్లిదండ్రులుగా మారిన జంట.
హర్షిత వెంకటేష్ సినీ ప్రస్థానం
ఇతర ఇండస్ట్రీ నుంచి వచ్చిన నటీనటులెందరో తెలుగులోనూ రాణిస్తున్నారు. అలా వచ్చిన వారిలో హర్షిత(Harshita Venkatesh) కూడా ఒకరు. కన్నడ నటి అయినప్పటికీ నటనపై ఆసక్తితో సీరియల్స్ ద్వారా ఫుల్ పాపులారిటీ సొంతం చేసుకుంది. లక్ష్మీ కళ్యాణం, అమ్మకోసం వంటి సీరియల్స్లో హీరోయిన్గా నటించి తెలుగు ప్రేక్షకులకు దగ్గరైంది. ఈ క్రమంలోనే.. వినయ్ శ్యామ్ సుందర్ (Vinay Shyam Sundar)అనే వ్యక్తిని ప్రేమించి పెళ్లి చేసుకుంది. ఇక వీరిద్దరు పలు షోస్లోనూ పాల్గొన్నారు. చివరగా.. ఇస్మార్ట్ జోడీ సీజన్-2లో పాల్గొన్న ఈ జంట ఎన్నోసార్లు ఎలిమినేషన్ వరకు వెళ్లినప్పటికీ ఎంతో కష్టపడి ఫినాలే చోటు దక్కించుకున్నారు.
ఇస్మార్ట్ జోడీ టైటిల్ విజేతలుగా
చివరకు ఊహించని ట్విస్ట్ ఇచ్చి తమ ముందున్న జోడీలను ఓడించి ఏకంగా ఇస్మార్ట్ జోడీ ట్రోఫీ గెలుచుకున్నారు. టైటిల్తో పాటు.. ఈ జంట రూ. 25 లక్షల ప్రైజ్ మనీ సొంతం చేసుకున్నారు. ఇక ఇటీవల వీరిద్దరు తల్లిదండ్రులుగా ప్రమోషన్ పొందారు. హర్షిత పండంటి బిడ్డకు జన్మనిచ్చింది. ఇన్నాళ్లూ ప్రెగ్నెంట్ అయిన విషయాన్ని దాచిన ఈ జంట.. తమకు కూతురు పుట్టినట్లు వెల్లడిస్తూ చిన్నపాటి వీడియోను షేర్ చేసి అందరికీ సడెన్ సర్ప్రైజ్ ఇచ్చింది. దాదాపు పెళ్లైన ఐదేళ్ల తర్వాత ఈ జంట తల్లిదండ్రులు కావడం విశేషం. ఇక ఈ పోస్ట్ చూసిన వారంతా ఈ జంటకు కంగ్రాట్స్ చెబుతున్నారు. అలాగే మీ ఇంటికి మహాలక్ష్మి వచ్చిందని కామెంట్లు పెడుతున్నారు.
ఐదేళ్ల తర్వాత తల్లిదండ్రులైన హర్షిత-వినయ్
A post shared by Harshitha Venkatesh (@harshitha_venkatesh_actress)
మొత్తంగా, పెళ్లైన ఐదేళ్లకు తల్లిదండ్రులైన హర్షిత-వినయ్ దంపతులకు అభిమానుల నుంచి శుభాకాంక్షలు వెల్లువెత్తుతున్నాయి. తమ ఆనందాన్ని పంచుకున్న ఈ జంటకు అందరూ సంతోషంగా స్పందిస్తున్నారు. వారి కుటుంబానికి మహాలక్ష్మి వచ్చిందని కామెంట్స్ చేస్తున్నారు.
