📌 Key Points
- అఖిల్ ‘ఏజెంట్’ డిజాస్టర్ తర్వాత ‘లెనిన్’ తో రీఎంట్రీ ఇస్తున్నాడు.
- మురళీ కిషోర్ అబ్బూరి దర్శకత్వంలో అన్నపూర్ణ స్టూడియోస్ ఈ చిత్రాన్ని నిర్మిస్తోంది.
- ‘లెనిన్’ లో మాస్ డ్యాన్స్ కోసం బాలీవుడ్ హీరోయిన్ అనన్య పాండే ఎంట్రీ ఇస్తోంది.
- అనన్య పాండే స్పెషల్ సాంగ్తో పాటు చిన్న పాత్రలోనూ కనిపించనుంది.
అక్కినేని అఖిల్ ‘లెనిన్’ సినిమాతో రీఎంట్రీ ఇస్తున్నాడు. ఈసారి ఎలాగైనా విజయం సాధించాలని పట్టుదలగా ఉన్న అఖిల్కు బాలీవుడ్ బ్యూటీ అనన్య పాండే జతకట్టనుంది. ఆమె మాస్ డ్యాన్స్తో పాటు చిన్న పాత్రలోనూ కనిపించనుందని వార్తలు వస్తున్నాయి. ఈ వార్తతో సినిమాపై అంచనాలు రెట్టింపు అయ్యాయి.
అఖిల్ సెకండ్ ఇన్నింగ్స్: ‘లెనిన్’ మూవీతో రీఎంట్రీ
అక్కినేని నాగార్జున తనయుడిగా ఇండస్ట్రీకి వచ్చిన అఖిల్ పెద్దగా ఫేమ్ రాబట్టుకోలేకపోయాడు. స్టార్ కిడ్ అయినప్పటికీ ఆయన నటించిన సినిమాలు బాక్సాఫీసు వద్ద విజయం సాధించలేకపోయాయి. ఇక చివరగా అఖిల్ (Akkineni Akhil)నటించిన సినిమా ‘ఏజెంట్’ భారీ డిజాస్టర్గా నిలిచింది. దీంతో ఆయన రెండేళ్ల పాటు ఇండస్ట్రీకి దూరం అయ్యాడు. ప్రజెంట్ ‘లెనిన్’ (Lenin)సినిమాతో సెకండ్ ఇన్నింగ్స్ స్టార్ట్ చేయనున్నాడు. ఈ సారి ఎలాగైనా హిట్ అందుకోవాలని తాపత్రయ పడుతున్నాడు. మురళీ కిషోర్ అబ్బూరి దర్శకత్వంలో తెరకెక్కుతున్న ఈ సినిమాలో హీరోయిన్గా భాగ్యశ్రీ బోర్సే నటిస్తున్నట్లు టాక్. మొదట శ్రీలీలను తీసుకున్నప్పటికీ కొన్ని కారణాల వల్ల తొలగించారని తెలుస్తోంది. ఈ చిత్రాన్ని ప్రతిష్ఠాత్యక నిర్మాణ సంస్థ అన్నపూర్ణ స్టూడియోస్ నిర్మిస్తోంది.
ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఎప్పుడెప్పుడు అప్డేట్స్ వస్తాయా? అని ఆసక్తిగా ఎదురుచూస్తున్నారు. తాజాగా, ‘లెనిన్’ చిత్రానికి సంబంధించిన ఓ వార్త సోషల్ మీడియాలో వైరల్గా మారుతోంది. ఈ సినిమాలోని మాస్ డ్యాన్స్ కోసం బాలీవుడ్ బ్యూటీ రంగంలోకి దింపుతున్నట్లు ప్రచారం జరుగుతోంది. అత్యంత భారీ స్థాయిలో డిజైన్ చేస్తున్న ఈ పాటలో బాలీవుడ్ హీరోయిన్ అనన్య పాండే(Ananya Panday), అక్కినేని వారసుడితో చిందులేయబోతున్నట్లు టాక్. తన గ్లామర్తో, డ్యాన్స్తో యువతను ఆకర్షిస్తున్న అనన్య.. ఇందులో స్పెషల్ సాంగ్ చేయడంతో పాటుగా.. చిన్న రోల్ కూడా చేయనున్నట్లు వార్తలు వస్తున్నాయి. ఇక ఈ విషయం తెలుసుకున్న వారు అనన్య పాండే, అఖిల్ కెమిస్ట్రీ చూసేందుకు ఇంట్రెస్ట్ చూపిస్తున్నారు.
‘లెనిన్’ లో బాలీవుడ్ బ్యూటీ ఎంట్రీ!
అనన్య పాండే పాత్రపై సర్వత్రా ఆసక్తి
అనన్య పాండే చేరికతో ‘లెనిన్’ సినిమాపై అంచనాలు అమాంతం పెరిగాయి. అఖిల్ కెరీర్కు ఈ చిత్రం కీలకమని, ఆమె గ్లామర్, డ్యాన్స్ సినిమాకు ప్లస్ అవుతాయని సినీ విశ్లేషకులు భావిస్తున్నారు. ఈ కాంబినేషన్ వెండితెరపై మ్యాజిక్ చేస్తుందని అభిమానులు ఆశిస్తున్నారు.
