ఎనర్జిటిక్ స్టార్ రామ్ పోతినేని నటించిన ఆంధ్రా కింగ్ తాలూకా సినిమా రాజమండ్రిలో షూటింగ్ జరుపుకుంటోంది. మహేష్ బాబు దర్శకత్వంలో రూపొందుతున్న ఈ చిత్రంలో రామ్ పోతినేని, ఉపేంద్రలపై కీలక సన్నివేశాలు చిత్రీకరించబడుతున్నాయి.
Key Points
రాజమండ్రిలో ఆంధ్రా కింగ్ తాలూకా చిత్రీకరణ ప్రారంభం.
రామ్ పోతినేని డై హార్డ్ అభిమాని పాత్రలో నటన.
మహేష్ బాబు దర్శకత్వంలో అత్యున్నత సినిమాటిక్ అనుభవం.
ఆంధ్రా కింగ్ తాలూకా చిత్రీకరణ
ఎనర్జిటిక్ స్టార్ రామ్ పోతినేని చివరిగా స్కంద, డబుల్ ఇస్మార్ట్ సినిమాలతో అలరించాడు. అయితే, ఈ రెండు సినిమా బాక్సాఫీస్ వద్ద ఫెయిల్యూర్గా నిలిచాయి. ఈసారి ఎలాగైన హిట్ కొట్టాలని డిఫరెంట్ పాత్రతో ప్రేక్షకుల ముందుకు రానున్నాడు హీరో రామ్ పోతినేని.
రామ్ పోతినేని హీరోగా నటిస్తున్న లేటెస్ట్ మూవీ ఆంధ్రా కింగ్ తాలూకా. మైత్రీ మూవీ మేకర్స్ బ్యానర్పై నవీన్ యెర్నేని, వై. రవి శంకర్ నిర్మాతలుగా భారీ స్థాయిలో ఈ సినిమాను నిర్మిస్తున్నారు. ఆంధ్రా కింగ్ తాలూకా తాజా కొత్త షూటింగ్ షెడ్యూల్ రాజమండ్రిలో ప్రారంభమైంది.
రామ్ పోతినేని, కన్నడ స్టార్ ఉపేంద్ర లపై కీలకమైన సన్నివేశాలను చిత్రీకరిస్తున్నారు. ఈ ఆసక్తికరమైన కథాంశంలో రామ్ పోతినేని డై హార్డ్ అభిమాని పాత్రను పోషిస్తుండగా, ఉపేంద్ర సూపర్ స్టార్గా పాత్రలో కనిపిస్తారు. అంటే సినిమాలో హీరో రామ్ పోతినేని మొదటిసారిగా డై హార్డ్ ఫ్యాన్ రోల్ చేయనున్నాడు.
రామ్ పోతినేని, ఉపేంద్రల కీలక పాత్రలు
దీంతో ఈ సినిమాపై ఆసక్తి నెలకొంది. రామ్ పోతినేని-ఉపేంద్రతోపాటు కమెడియన్ సత్య కు సంబంధించిన షూటింగ్ను చిత్రీకరిస్తున్నట్లు సమాచారం. ఇక ఇటీవల విడుదలైన ‘ఆంధ్రా కింగ్ తాలూకా’ టైటిల్ గ్లింప్స్కు ప్రేక్షకుల నుంచి అద్భుతమైన స్పందన వచ్చింది.
ఈ సినిమాలో రామ్ పోతినేని కి జోడీగా లేటెస్ట్ టాలీవుడ్ సెన్సేషన్ భాగ్యశ్రీ బోర్సే హీరోయిన్గా చేస్తోంది. రవితేజ మిస్టర్ బచ్చన్ సినిమా తర్వాత భాగ్యశ్రీ చేస్తున్న రెండో తెలుగు సినిమా ఇది. ఇదే కాకుండా విజయ్ దేవరకొండ కింగ్డమ్, అక్కినేని అఖిల్ లెనిన్ సినిమాల్లో కూడా భాగ్యశ్రీ బోర్సే నటిస్తున్నట్లు సమాచారం.
మహేష్ బాబు దర్శకత్వం
ఇక ఆంధ్రా కింగ్ తాలూకా సినిమాకు మహేష్ బాబు పి దర్శకత్వం వహిస్తున్నారు. టాప్ టెక్నిషియన్స్తో ఈ ప్రాజెక్ట్ అత్యున్నత స్థాయి సినిమాటిక్ ఎక్స్పీరియన్స్ ఇచ్చేందుకు రూపుదిద్దుకుంటోంది. సిద్ధార్థ నుని సినిమాటోగ్రాఫర్గా పని చ్దేస్తున్నారు. వివేక్-మెర్విన్ మ్యూజిక్ అందిస్తున్నారు.
జాతీయ అవార్డు గ్రహీత ఎడిటర్ శ్రీకర్ ప్రసాద్ ఎడిటింగ్ బాధ్యతలు చేపట్టారు. ప్రొడక్షన్ డిజైనర్గా అవినాష్ కొల్లా చేస్తున్నారు. ఇక ఆంధ్రా కింగ్ తాలూకా సినిమాలో రామ్ పోతినేని, ఉపేంద్ర, భాగ్యశ్రీ బోర్సే తోపాటు రావు రమేష్, మురళి శర్మ, సత్య, రాహుల్ రామకృష్ణ, వీటీవీ గణేష్ ఇతర కీలక పాత్రలు పోషిస్తున్నారు.
మొత్తం మీద, ఆంధ్రా కింగ్ తాలూకా సినిమా భారీ ఎత్తున నిర్మించబడుతోంది. రామ్ పోతినేని, ఉపేంద్రల కలయికతో ఈ సినిమాకు మంచి ఆదరణ లభించే అవకాశం ఉంది.
