📌 Key Points
- అనురాగ్ కశ్యప్: ‘ది కేరళ స్టోరీ 2’ ట్రైలర్ ఒక చెత్త ప్రొపగాండా సినిమా అని విమర్శ.
- బీఫ్ పరోటా అంటే చాలా ఇష్టమని, అది తనకు సమస్య కాదని అనురాగ్ కశ్యప్ స్పష్టం చేశారు.
- ‘ది కేరళ స్టోరీ 2’ వాస్తవ సంఘటనల ఆధారంగా తెరకెక్కిందని దర్శకుడు నారాయణ్ సింగ్ వెల్లడి.
- సినిమాలోని ప్రతి సీన్ నిజమైనదే, కావాలంటే ఆధారాలు పంపిస్తామని నారాయణ్ సింగ్ సవాల్ విసిరారు.
బాలీవుడ్ డైరెక్టర్ అనురాగ్ కశ్యప్ మరోసారి ‘ది కేరళ స్టోరీ 2’ మూవీపై సంచలన వ్యాఖ్యలు చేశారు. ఈ సినిమా ట్రైలర్పై గతంలోనే విమర్శలు గుప్పించిన ఆయన, ఇప్పుడు బీఫ్ పరోటా గురించి చేసిన కామెంట్స్ వైరల్ అవుతున్నాయి.
బీఫ్ పరోటాపై అనురాగ్ కశ్యప్ ఇంట్రెస్టింగ్ కామెంట్స్
బాలీవుడ్ డైరెక్టర్ అనురాగ్ కశ్యప్ మరోసారి ది కేరళ స్టోరీ 2 (The Kerala Story 2) మూవీపై షాకింగ్ కామెంట్స్ చేశాడు. ఈ మూవీ ట్రైలర్లో బీఫ్ ను బలవంతంగా తినిపించే సీన్ పై గతంలోనే మాట్లాడిన అతడు.. తాజాగా తనకు బీఫ్ పరోటా అంటే ఇష్టమని అనడం విశేషం.
బాలీవుడ్ ప్రముఖ ఫిల్మ్ మేకర్ అనురాగ్ కశ్యప్ ‘ది కేరళ స్టోరీ 2’ సినిమా ఒక ప్రాపగాండా మూవీ అని మరోసారి కుండబద్దలు కొట్టాడు. ఇటీవల కేరళలో జరిగిన ‘ఫిల్మ్ఫేర్ సౌత్ అవార్డ్స్’ వేడుకల సందర్భంగా మీడియాతో మాట్లాడిన అతడు.. బీఫ్ పరోటా (Beef parotta) చాలా అద్భుతంగా ఉంటుందని ప్రశంసించాడు. అలాగే త్వరలో విడుదల కానున్న ఈ వివాదాస్పద సినిమాపై తీవ్ర స్థాయిలో విరుచుకుపడుతూ.. అదొక బుల్ షిట్ ట్రైలర్ అని తేల్చి చెప్పాడు.
బీఫ్ పరోటా బెస్ట్ అన్న అనురాగ్ కశ్యప్
‘ది కేరళ స్టోరీ 2’ ట్రైలర్ను చెత్త అన్న అనురాగ్
మీకు బీఫ్ (గొడ్డు మాంసం) ఇష్టమా అని అడిగిన ప్రశ్నకు కూడా అతడు అవునని సమాధానం ఇచ్చాడు. ఈ రోజుల్లో ‘బీఫ్ తినడం ఒక సమస్య కదా’ అని గుర్తు చేసినప్పుడు.. “అది అస్సలు సమస్యే కాదు. నాకెలాంటి సమస్యా లేదు” అని ఆయన తేల్చి చెప్పాడు.
ఆ తర్వాత ‘ ది కేరళ స్టోరీ 2 ‘ సినిమా ట్రైలర్ గురించి విలేకరులు ప్రశ్నించగా.. “అదొక చెత్త ట్రైలర్” అని అతడు ఘాటుగా సమాధానమిచ్చాడు. “ఇది పక్కా ప్రొపగాండా సినిమా అని మీరు అనుకుంటున్నారా?” అని ఒకరు అడగగా, “కచ్చితంగా అవును” అని అతడు బదులిచ్చాడు.
అవార్డుల ప్రదానోత్సవానికి వెళ్లే ముందు అనురాగ్ మీడియాతో మాట్లాడుతూ.. “ఇదొక చెత్త ప్రాపగాండా సినిమా. ఈ మూవీ ప్రజలను విడదీసి, వారి మధ్య విద్వేషాలను వ్యాప్తి చేయడానికి ప్రయత్నిస్తోంది. ఈ సినిమా నిర్మాత ఒక అత్యాశపరుడు. సినిమాలో చూపిస్తున్నట్లుగా బీఫ్ను ఎవరూ అలా బలవంతంగా నోట్లో కుక్కరు కదా, కనీసం కిచిడీని కూడా ఎవరూ అలా తినిపించరు” అని అతడు ఎద్దేవా చేశాడు.
సినిమాను ప్రోపగాండా మూవీగా అభివర్ణించిన డైరెక్టర్
అనురాగ్ కశ్యప్పై ‘ది కేరళ స్టోరీ 2’ దర్శకుడి ఫైర్
‘ది కేరళ స్టోరీ 2’ మూవీ పూర్తిగా వాస్తవ సంఘటనల ఆధారంగానే తెరకెక్కిందని నారాయణ్ సింగ్ మరోసారి స్పష్టం చేశాడు. “మా సినిమాలోని ప్రతి సీన్ నిజమైన సంఘటనల ఆధారంగానే తీశాం. ఇది మాకు తెలుసు. ఒకవేళ అనురాగ్ కశ్యప్ గారు కోరుకుంటే, ఈ సినిమాకి సంబంధించిన పూర్తి పరిశోధనా పత్రాలను మేము ఆయన ఇంటికే పంపిస్తాం. కానీ ఆయనకు ప్రతి దాంట్లో తప్పులు వెతకడమే పని. వాస్తవాన్ని చూసే కళ్ళు ఆయనకు మూసుకుపోయాయి. ఆయన ఆ నిజాన్ని చూడటానికి గానీ, అర్థం చేసుకోవడానికి గానీ అస్సలు ఇష్టపడటం లేదు” అని సింగ్ మండిపడ్డాడు.
రిలీజ్కు ముందే స్క్రీనింగ్కు హైకోర్టు ఆదేశం
అనురాగ్ కశ్యప్ చేసిన ఈ కామెంట్స్ ఇప్పుడు సోషల్ మీడియాలో హాట్ టాపిక్గా మారాయి. దీనిపై మీ అభిప్రాయాలను తెలియజేయండి. మరిన్ని సినిమా అప్డేట్స్ కోసం చూస్తూ ఉండండి.
