మంచు ఫ్యామిలీ మూడు తరాలు నటించిన ‘కన్నప్ప’ చిత్రం నుంచి అవ్రామ్ మంచు మేకింగ్ వీడియో విడుదలైంది. అవ్రామ్ తెరంగేట్రం గురించి విష్ణు మంచు ఎమోషనల్ ట్వీట్ చేయడం విశేషం.
Key Points
మంచు ఫ్యామిలీ మూడు తరాలు ‘కన్నప్ప’ లో నటించాయి.
అవ్రామ్ మంచు ‘కన్నప్ప’ తో తెరంగేట్రం చేశాడు.
విష్ణు మంచు తనయుడి తెరంగేట్రం గురించి ఎమోషనల్ ట్వీట్ చేశాడు.
జూన్ 27న ‘కన్నప్ప’ సినిమా ప్రపంచ వ్యాప్తంగా విడుదల కానుంది.
మూడు తరాల మంచు ఫ్యామిలీ
‘కన్నప్ప’ (kannappa) చిత్రంలో మంచు ఫ్యామిలీకి చెందిన మూడు తరాలు నటించాయి. మోహన్ బాబు, విష్ణు మంచుతో పాటు ఆయన కొడుకు అవ్రామ్, కుమార్తెలు అరియానా, వివియానా కూడా ఈ చిత్రంలో కీలక పాత్రలు పోషించారు. ఇలా మూడు తరాలు కలిసి నటించిన అతి కొద్ది ప్రముఖ చిత్రాల్లో ‘కన్నప్ప’ నిలిచింది. తాజాగా ఈ చిత్రం నుంచి అవ్రామ్ మేకింగ్ వీడియోని రీలీజ్ చేశారు.
అవ్రామ్ మంచు డెబ్యూ
అవ్రామ్ ‘కన్నప్ప’ చిత్రంలో తిన్నడు చిన్నప్పటి పాత్రలో కనిపిస్తారు. ట్రైలర్లోనూ అవ్రామ్కు సంబంధించిన సీన్లు ఉన్నాయి. ఇక ఈ పాత్రకు సంబంధించిన మేకింగ్ వీడియోని విష్ణు మంచు షేర్ చేస్తూ.. ‘కన్నప్ప’తో నా తనయుడు అవ్రామ్ తెరంగేట్రం చేస్తున్నారు. అవ్రామ్ సెట్లోకి అడుగు పెట్టడం, కెమెరా ఎదుట నిల్చోవడం, డైలాగ్స్ చెప్పడం.. ఇలా ప్రతీదీ నా జీవితంలో భావోద్వేగపూరితమైన క్షణాలు. ఓ తండ్రిగా, ఒకప్పుడు నేను కలలుగన్న అదే ప్రపంచంలోకి నా తనయుడు అడుగు పెట్టడం చూస్తుంటే నాకు ఎంతో ఆనందంగా ఉంది. ఈ క్షణంలో నేను అనుభవిస్తున్న ఆనందానికి ఏదీ సాటి రాదు.. ఇది అవ్రామ్ తెరంగేట్రం మాత్రమే కాదు.. నా జీవితాంతం గుర్తుండిపోయే ఓ మధుర జ్ఞాపకం. నాపై చూపించిన ప్రేమాభిమానాలే నా కుమారుడిపైనా చూపిస్తారని భావిస్తున్నాను. అవ్రామ్ ప్రయాణం ‘కన్నప్ప’తో మొదలైంది’ అని విష్ణు ట్వీట్ వేశారు.
విష్ణు మంచు ఎమోషనల్ ట్వీట్
అవా ఎంటర్టైన్మెంట్, 24 ఫ్రేమ్స్ ఫ్యాక్టరీ బ్యానర్ల మీద డా. ఎం. మోహన్ బాబు నిర్మాతగా ముఖేష్ కుమార్ సింగ్ దర్శకత్వంలో ‘కన్నప్ప’ చిత్రం తెరకెక్కింది. ఈ సినిమాలో అక్షయ్ కుమార్, మోహన్ లాల్, మోహన్ బాబు, ప్రభాస్, బ్రహ్మానందం వంటి దిగ్గజ నటులు ముఖ్య పాత్రల్ని పోషించారు. జూన్ 27న కన్నప్ప చిత్రం ప్రపంచ వ్యాప్తంగా భారీ ఎత్తున రిలీజ్ కాబోతోంది.
అవ్రామ్ మంచు ‘కన్నప్ప’ తో సినీ ప్రయాణం మొదలు కావడంతో మంచు ఫ్యామిలీ అభిమానులు ఆనందంలో ఉన్నారు. విష్ణు మంచు ఎమోషనల్ ట్వీట్ సినిమాపై ఆసక్తిని పెంచింది.
