📌 Key Points
- బాలాదిత్య చిన్నతనంలో వెంకటేష్ తో కలిసి ‘సూపర్ పోలీస్’ సినిమాలో నటించారు.
- షూటింగ్ సమయంలో ప్రమాదం జరిగి మంటల్లో చిక్కుకున్న బాలాదిత్యను కాపాడిన వెంకటేష్.
- జయసుధ కొడుకు పాత్రలో బాలాదిత్య, తలకొరివి పెట్టే సన్నివేశంలో అసలు ప్రమాదం జరిగింది.
- వెంకటేష్ గారు వెంటనే స్పందించి నన్ను లాగారు, లేకపోతే నేను కూడా మంటల్లో కాలిపోయేవాడిని – బాలాదిత్య
టాలీవుడ్ లో సంచలనం! హీరో వెంకటేష్ ఒక చిన్నారి ప్రాణాలను కాపాడారు. ఇంతకీ ఏం జరిగింది? బాలాదిత్య స్వయంగా ఆనాటి భయానక సంఘటన గురించి వెల్లడించారు. పూర్తి వివరాల్లోకి వెళితే…
సూపర్ పోలీస్ సినిమా షూటింగ్ లో ఘటన
Baladitya : చైల్డ్ ఆర్టిస్ట్ గా కెరీర్ మొదలుపెట్టిన బాలాదిత్య చిన్నప్పుడే చాలా సినిమాల్లో నటించాడు. స్టార్ హీరోలతో సినిమాలు చేసాడు. ఆ తర్వాత హీరోగా, సీరియల్స్ లో, సినిమాల్లో ఆర్టిస్ట్ గా నటిస్తూ వస్తున్నాడు. బాలాదిత్య ప్రస్తుతం క్యారెక్టర్ ఆర్టిస్ట్ గా సినిమాలు, హీరోగా సీరియల్స్ చేస్తున్నాడు.
మంటల్లో చిక్కుకున్న బాలాదిత్య
తాజాగా బాలాదిత్య ఇచ్చిన ఓ ఇంటర్వ్యూలో తన చిన్ననాటి సంగతులు, తను పనిచేసిన హీరోల గురించి మాట్లాడాడు. ఈ క్రమంలో వెంకటేష్ తన ప్రాణాలు కాపాడారు అంటూ ఓ సంఘటన గురించి తెలిపారు.
వెంకటేష్ చేసిన సాహసం
బాలాదిత్య మాట్లాడుతూ.. సూపర్ పోలీస్ సినిమాలో నేను వెంకటేష్ తో నటించా. ఆ సినిమాలో నేను జయసుధ కొడుకు పాత్ర చేశాను. ఆవిడ పాత్ర చనిపోతుంది. నేను తలకొరివి పెట్టాలి. పక్కనే వెంకటేష్ ఉన్నారు. కట్టెల మీద శవం సెటప్ ఉంది. దాన్ని తగలపెట్టాలి. దానికి మంటలు సరిగ్గా రావట్లేదని సెట్ బాయ్ ఒక్కసారిగా పెట్రోల్ పోసాడు. అది నా మీద నుంచి వెళ్ళింది. మంటలు ఒక్కసారిగా పైకి వచ్చాయి. వెంటనే వెంకటేష్ గారు నన్ను పక్కకు లాగారు. లేకపోతే నాకు కూడా మంటలు అంటేవి. వెంకటేష్ గారు ఆ రోజు నన్ను కాపాడారు. ఈ సంఘటన నాకు 9 ఏళ్ళు ఉన్నప్పుడు జరిగింది అని తెలిపారు.
బాలాదిత్య చెప్పిన ఈ షాకింగ్ సంఘటన టాలీవుడ్ లో హాట్ టాపిక్ గా మారింది. వెంకటేష్ గారు నిజంగానే గ్రేట్ అని అభిమానులు కామెంట్ చేస్తున్నారు. మరిన్ని సినిమా అప్డేట్స్ కోసం చూస్తూనే ఉండండి.
