ప్రైమ్ వీడియోలో స్ట్రీమ్ అవుతున్న తమిళ చిత్రం ‘బాంబ్’ రివ్యూతో మీ ముందుకు వచ్చాం. ఇది అంచనాలకు అందని ఒక వినూత్న కథాంశం. రెండుగా విడిపోయిన గ్రామాలను ఒక మరణం ఎలా కలిపిందనేది ఈ సినిమాలోని ప్రధానాంశం. దీపావళికి చూడదగిన అద్భుతమైన చిత్రం ఇది.
Key Points
'బాంబ్' తమిళ చిత్రం ప్రస్తుతం ప్రైమ్ వీడియోలో స్ట్రీమ్ అవుతోంది.
ఇది క్రైమ్ థ్రిల్లర్ కాదు, ప్రేక్షకుల అంచనాలకు అందని అద్భుతమైన కథాంశం.
విడిపోయిన రెండు గ్రామాలను ఒక వ్యక్తి మరణం ఎలా కలిపిందో చూపించే చిత్రం.
దీపావళికి తప్పకుండా చూడదగిన, ఆహ్లాదకరమైన ఓటీటీ సినిమా.
‘బాంబ్’ సినిమా: అంచనాలకు అందని కథాంశం
ఓటీటీలో ‘ఇది చూడొచ్చు’ అనే ప్రాజెక్ట్స్ చాలా ఉంటాయి. ప్రస్తుతం స్ట్రీమ్ అవుతున్న వాటిలో తమిళ చిత్రం ‘బాంబ్’ ఒకటి. ఈ చిత్రం గురించి తెలుసుకుందాం. ఆలోచన… ఓ అణువంత ఆలోచన కూడా పరమాణువంత ఫలితాన్ని ఇస్తుందనడంలో సందేహం లేదు. ఇక ఇదే ఆలోచనకు సృజనాత్మకత తోడైతే వెండితెరకు ప్రేక్షకులు పూర్తిగా కట్టుబడిపోతారు. అదే పంథాలో విడుదలైన సినిమా ‘బాంబ్’(Bomb Movie Review). ఈ టైటిల్ చూసి ఇదేదో ఫక్తు క్రైమ్ థ్రిల్లర్ అనుకునేరు! అస్సలు కానే కాదు. ఈ సినిమా ప్రేక్షకుడి అంచనాలకు ఏమాత్రం అందదు. అందుకే ఈ సినిమా ఆలోచన ఓ అద్భుతం. మణికందన్, అభిషేక్తోపాటు విశాల్ వెంకట్ అందించిన ఈ కథను విశాల్ వెంకట్ దర్శకత్వం వహించి దృశ్య కావ్యంగా మలిచిన విధానం అభినందనీయం. అంతలా ఈ ‘బాంబు’లో ఏముందో ఓసారి చూద్దాం.
రెండు ఊళ్లను కలిపిన అద్భుత మరణం
కాలకమ్మాయిపట్టి అనే ఊరు పెద్ద గాలివాన సమయంలో ఓ బండ పగలడం వల్ల కాలపట్టి, కమ్మాయిపట్టి అని రెండు గ్రామాలుగా విడిపోతుంది. బండ పగిలి ఒకటి చిన్న ముక్కగా, మరొకటి పెద్ద ముక్కగా… రెండు వేరు వేరు ప్రాంతాలలో పడడం వల్ల ఆ ఊరులోని జనాల మధ్య భేదాభ్రిపాయాలు రగిలి రెండు ఊళ్ళుగా విడిపోతారు. ఎంతో అన్యోన్యంగా ఉండే ఆ ఊరు ముక్కలవడంతో ఊరిలో పాటించే కట్టుబాట్లతో పాటు జరగబోయే పండగ పబ్బాలు కూడా కళ తప్పుతాయి.
దీపావళికి తప్పక చూడాల్సిన చిత్రం
ఊరు కలిసున్నప్పటి నుండి ఉంటున్న కదిరవన్ అనే వ్యక్తి రెండుగా విడిపోయిన ఊరుని చూసి బాధతో ఉన్నట్టుండి చని΄ోతాడు. కదిరవన్నే అంటిపెట్టుకుని ఉండే స్నేహితుడైన మణిముత్తు మాత్రం తను చని΄ోలేదనే వాదిస్తుంటాడు. దానికి తోడు చని΄ోయిన కదిరవన్ శరీరం నుండి అ΄ానవాయువు వింత వింత శబ్దాలతో ఇంకా వస్తూనే ఉంటుంది. ఇంతలో కదిరవన్ శరీరాన్ని ఊరు మధ్యలో ఉన్న ఓ కుర్చీలో శవంగా కూర్చోపెడతారు. చని΄ోయిన కదిరవన్ శరీరం విడి΄ోయిన రెండు గ్రామాలను ఎలా కలుపుతుందనేది మాత్రం ప్రైమ్ వీడియోలో స్ట్రీమ్ అవుతున్న ‘బాంబ్’ సినిమాలోనే చూడాలి. రాబోయే దీ΄ావళికి చెవులు దద్దరిల్లే శబ్దాలతో ఎన్నో బాంబులు మన చెవులను అదరగొడతాయి. కానీ ఈ సినిమా బాంబు మాత్రం మీ అంచనాలకు అందకుండా ఆహ్లాదపరుస్తుంది. కాబట్టి మీ దీ΄ావళి బాంబులతో ΄ాటు ఈ ‘బాంబు’ను కూడా ఓసారి చూసేయండి. వర్త్ టు వాచ్ ఫర్ దిస్ దివాలి. – హరికృష్ణ ఇంటూరు
మొత్తం మీద ‘బాంబ్’ సినిమా ఒక వినూత్న అనుభూతిని పంచుతుంది. ఇది మీ అంచనాలకు అందకుండా ఆహ్లాదపరుస్తుంది. ఈ దీపావళికి బాణసంచాతో పాటు ఈ ‘బాంబు’ను కూడా ఓసారి చూసేయండి. వర్త్ టు వాచ్!
