📌 Key Points
- దుబాయ్లోని బుర్జ్ ఖలీఫాపై పిడుగుపాటు దృశ్యాలు సోషల్ మీడియాలో వైరల్.
- భవనంపై పిడుగు పడినప్పటికీ, దాని నిర్మాణంలోని ఉక్కు చట్రం రక్షణ కవచంగా పనిచేసింది.
- ప్రత్యేక పిడుగుల రక్షణ వ్యవస్థ ద్వారా విద్యుత్ భూమిలోకి పంపబడుతుంది.
- క్షిపణి దాడులను తట్టుకున్న ఈ భవనం ప్రకృతి వైపరీత్యాలను సైతం ఎదుర్కొంటుంది.
దుబాయ్లో భారీ వర్షాలు, ఉరుములతో కూడిన తుఫాను బీభత్సం సృష్టించాయి. ప్రపంచంలోనే ఎత్తైన బుర్జ్ ఖలీఫా భవనంపై పిడుగు పడింది. ఈ దృశ్యాలు సోషల్ మీడియాలో వైరల్ అవుతున్నాయి. భవనం ఎలా సురక్షితంగా ఉందో తెలుసుకోండి.
బుర్జ్ ఖలీఫాపై పిడుగుపాటు: వైరల్ దృశ్యాలు
యూఏఈ వ్యాప్తంగా కురిసిన భారీ వర్షాలు, ఉరుములతో కూడిన తుఫాను కారణంగా దుబాయ్లోని ప్రపంచంలోనే ఎత్తైన భవనం ‘బుర్జ్ ఖలీఫా’పై గురువారం రాత్రి భారీ పిడుగు పడింది. 2,272 అడుగుల ఎత్తైన ఈ భవనంపై పిడుగు పడిన దృశ్యాలు ప్రస్తుతం సోషల్ మీడియాలో వైరల్గా మారాయి. భవనంపై చివరి భాగంలో పిడుగు ఢీ కొట్టే సమయంలో భారీ మెరుపు దృశ్యాలకు సంబంధించిన సీసీ టీవీ ఫుటేజీ వీడియోలు నెటిజన్లను ఆశ్చర్యపరిచింది. ఆ విజువల్స్ చూడటానికి ఎంతో ఆకర్షనీయంగా ఉందని నెటిజన్లు కామెంట్స్ చేశారు.
భవనాన్ని రక్షిస్తున్న ఉక్కు చట్రం, సాంకేతికత
కాగా, ఇటీవల ఉద్రిక్త పరిస్థితుల (క్షిపణి దాడుల భయం) నడుమ కూడా నిలబడిన ఈ అద్భుత కట్టడం.. ప్రకృతి కోపాన్ని సైతం అంతే ధీటుగా ఎదుర్కొని సురక్షితంగా నిలిచింది. ఆకాశం నుంచి పడే భయంకరమైన పిడుగుల నుంచి ఈ భవనం తనను తాను ఎలా రక్షించుకుంటుందో తెలుసుకుందాం.. భవన నిర్మాణంలో ఉపయోగించిన బలమైన ఉక్కు చట్రం (Steel frame) ఒక రక్షణ కవచంలా పనిచేస్తుంది. భవనం పైభాగంలో ప్రత్యేకమైన పిడుగుల రక్షణ వ్యవస్థను ఏర్పాటు చేశారు. తుఫాను సమయంలో ఈ ‘లైట్నింగ్ రాడ్’ (Lightning Rod) పిడుగులను తన వైపు ఆకర్షించి, భవనంపై మరెక్కడా పడకుండా చేస్తుంది. పైభాగంలో ఆకర్షించిన పిడుగు విద్యుత్ను భవనం లోపలికి వెళ్లనివ్వకుండా, కింది భాగంలో ఉన్న గ్రౌండింగ్ సిస్టమ్ (Grounding System) ద్వారా సురక్షితంగా భూమిలోకి పంపుతారు. ఒకేసారి ఎన్ని పిడుగులు పడినా తట్టుకునేలా రూపొందించారు. ఈ అత్యాధునిక సాంకేతికత వల్లే భవనంలోని ప్రజలకు, లిఫ్టులకు, ఇతర విద్యుత్ పరికరాలకు ఎలాంటి ప్రమాదం జరగదని నిపుణులు చెబుతున్నారు.
ప్రకృతి వైపరీత్యాలను తట్టుకునేలా నిర్మాణం
A post shared by MyRadar Weather Radar (@myradar)
బుర్జ్ ఖలీఫా తన అధునాతన సాంకేతిక పరిజ్ఞానం, నిర్మాణ నైపుణ్యంతో ప్రకృతి వైపరీత్యాలను సైతం తట్టుకొని నిలబడగలదని మరోసారి నిరూపించింది. ఇది ఇంజనీరింగ్ అద్భుతానికి నిదర్శనం.
