📌 Key Points
- థియేటర్లలో అధిక టికెట్, స్నాక్స్ ధరలపై సీపీఐ నారాయణ తీవ్ర అభ్యంతరం వ్యక్తం చేశారు.
- ప్రభుత్వాలు సినిమా థియేటర్లు, మల్టీప్లెక్స్లను కట్టడి చేయాల్సిన అవసరం ఉందని డిమాండ్ చేశారు.
- నందమూరి బాలకృష్ణ నటించిన ‘అఖండ-2’ పైరసీ విడుదలైన ఒక్కరోజే బయటపడటంపై ప్రశ్నలు లేవనెత్తారు.
- సినిమా పైరసీకి వ్యవస్థాపక లోపాలే మూలమని, కేవలం లాభాలు రాబట్టడం సరికాదని నారాయణ పేర్కొన్నారు.
సినిమా థియేటర్లలో అధిక టికెట్ ధరలు, స్నాక్స్ విక్రయాలు, పైరసీపై సీపీఐ నారాయణ సంచలన వ్యాఖ్యలు చేశారు. ‘అఖండ-2’ పైరసీ బయటపడిన నేపథ్యంలో ప్రభుత్వాలు థియేటర్లను కట్టడి చేయాలని, వ్యవస్థాపక లోపాలపై దృష్టి సారించాలని డిమాండ్ చేశారు. ప్రజలపై భారం మోపడం సరికాదన్నారు.
థియేటర్లలో అధిక ధరలు: సీపీఐ నారాయణ విమర్శలు
మితిమీరిన టికెట్ ధరలు, అధిక ధరలకు స్నాక్స్ విక్రయాలతో థియేటర్లు సమాన్య ప్రజల జేబులకు గుల్లా చేస్తున్నాయని, సినిమా థియేటర్లు, మల్టీఫ్లెక్స్లను ప్రభుత్వాలు కట్టడి చేయాల్సిన అవసరం ఉందని సీపీఐ నేత నారాయణ (CPI Narayana) సంచలన వ్యాఖ్యలు చేశారు. విడుదలైన ఒక్కరోజేనే నందమూరి బాలకృష్ణ నటించిన అఖండ-2 (Akhanda-2) మూవీ పైరసీ బయటకు రావడంపై ఆయన మీడియాతో మాట్లాడారు. పైరసీకి పాల్పడిన నిందితుడు ఐబొమ్మ రవి (iBOMMA Ravi)ని ఉరి తీయాలని కొందరు డిమాండ్ చేస్తున్నారని అన్నారు. అలా చేసినా సినిమాల పైరసీ ఆగదన్నారు. అలా అయితే రవి పోలీస్ కస్టడీలో ఉండగానే అఖండ-2 మూవీ ఎలా బయటకు వచ్చిందని ప్రశ్నించారు.
అసలు పైరసీకి మూలం ఎక్కడుంది.. అందుకు సంబంధించి సమూల ఆధారాలు ఎక్కడ లభ్యం అవుతాయో కనిపెట్టాలన్నారు. వ్యవస్థీకృతమైన లోపాల వల్లే పైరసీ పుట్టుకొస్తోందని కామెంట్ చేశారు. కేవలం టికెట్ ధరలు పెంచుకోవాలి, లాభాలు రాబట్టుకోవాలి అంటే ఎలా కుదురుతుందని ఫైర్ అయ్యారు. ప్రజలపై భారం మోపడం వల్లే వాళ్లు ఇతర మార్గాలు వెతుక్కుంటున్నారని.. అందుకే థియేటర్లకు జనం రావట్లేదని సీపీఐ నారాయణ అన్నారు.
‘అఖండ-2’ పైరసీపై సీపీఐ నారాయణ ప్రశ్నలు
పైరసీకి వ్యవస్థాపక లోపాలు కారణమా?
సీపీఐ నారాయణ వ్యాఖ్యలు సినిమా పరిశ్రమలోని లోపాలను ఎత్తి చూపాయి. ప్రభుత్వాల జోక్యం, సరైన నియంత్రణతోనే టికెట్ ధరలు, పైరసీ సమస్యలకు పరిష్కారం లభిస్తుందని ఆయన అభిప్రాయపడ్డారు. ఇది సినీ రంగానికి కీలక సమయం.
