కల్కి 2898 ఏడీ సినిమా నుండి దీపికా పదుకొణెను తొలగించిన తర్వాత, ఆమె ఇన్స్టాగ్రామ్లో పోస్ట్ చేసింది. ఈ పోస్ట్ వైరల్గా మారింది. సినిమా విజయం కంటే పనిచేసే వారితో ఉన్న సంబంధమే ముఖ్యమని ఆమె అభిప్రాయపడింది.
Key Points
కల్కి 2898 AD సినిమా నుండి దీపికా పదుకొణె వేటు
దీపికా ఇన్స్టాగ్రామ్ పోస్ట్ వైరల్గా మారింది
సినిమా విజయం కంటే పనిచేసే ప్రజలే ముఖ్యమని దీపికా అభిప్రాయం
కల్కి మేకర్స్ కు దీపికా కౌంటర్ ఇచ్చిందా అనే చర్చ
కల్కి 2898 AD వివాదం
కల్కి 2898 ఏడీ మేకర్స్, దీపికా పదుకొణె మధ్య వివాదం కొనసాగుతున్నట్లే కనిపిస్తోంది. ఈ మూవీ సీక్వెల్ లో దీపికా భాగం కాదని కల్కి మేకర్స్ ప్రకటించడం సంచలనంగా మారింది. ఆ తర్వాత కర్మ అంటూ కల్కి డైరెక్టర్ నాగ్ అశ్విన్ సోషల్ మీడియాలో పోస్టు పెట్టడం గమనార్హం. ఇప్పుడు కల్కి నుంచి వేటు తర్వాత దీపికా పదుకొణె ఇన్ స్టాగ్రామ్ లో పెట్టిన పోస్టు వైరల్ గా మారింది.
తాజాగా ఇన్ స్టాగ్రామ్ లో దీపికా పదుకొణె పోస్టు వైరల్ గా మారింది. కల్కి 2898 ఏడీ మూవీ మేకర్స్ కు కౌంటర్ గానే దీపికా ఈ పోస్టు పెట్టిందనే కామెంట్లు వినిపిస్తున్నాయి. ఆమె తన ఇన్స్టాగ్రామ్ ఖాతాలో షారూక్ ఖాన్ చేతిని పట్టుకున్న ఫోటోను పంచుకుంది. ఆమె షారూక్ ఖాన్ తో ఉన్న దీర్ఘకాల సంబంధం గురించి క్యాప్షన్ రాసింది.
దీపికా పదుకొణె ఇన్స్టాగ్రామ్ పోస్ట్
‘‘దాదాపు 18 సంవత్సరాల క్రితం ఓం శాంతి ఓం చిత్రీకరణ సమయంలో ఆయన నాకు నేర్పిన మొదటి పాఠం ఏమిటంటే.. సినిమా విజయం కంటే కూడా మూవీ తీయడం, దానితో పనిచేసే ప్రజలు చాలా ముఖ్యం. నేను దానితో పూర్తిగా ఏకీభవిస్తున్నా. అప్పటి నుండి నేను తీసుకున్న ప్రతి నిర్ణయానికి దాన్ని వర్తింపజేశా. అందుకే మేము కలిసి 6వ సినిమా చేస్తున్నాము’’ అని రాసుకొచ్చింది దీపికా. ఆమె పోస్ట్ కు ‘#king’, ‘#day1’ తో ట్యాగ్ చేసింది. షారూక్ ఖాన్, దర్శకుడు సిద్ధార్థ్ ఆనంద్ను కూడా ట్యాగ్ చేసింది. షారుక్ తో కలిసి కింగ్ సినిమా చేస్తోంది దీపికా.
ఈ పోస్టుతో దీపికాకు షారూక్ మీద ఉన్న ప్రేమ స్పష్టంగా కనిపిస్తుంది. కానీ సినిమా సక్సెస్ కంటే కూడా అనుభవం, పనిచేసే వాళ్లు ముఖ్యమని దీపికా పేర్కొనడం కల్కి 2898 AD బృందంపై విమర్శనే అనే కామెంట్లు వస్తున్నాయి. ఈ పోస్టుతో దీపికా, కల్కి 2 వివాదం ఇంకా కొనసాగుతూనే ఉందనే విషయం మాత్రం స్పష్టమవుతోందని నెటిజన్లు ఫీల్ అవుతున్నారు.
సినిమా విజయం vs. పనిచేసే వారు
కల్కి 2898 ఏడీ మూవీలో నటించింది దీపికా. ఇందులో ప్రభాస్ హీరో. దేవుణ్ని కడుపులో మోసే తల్లిగా కనిపించింది దీపికా. పార్ట్ 1లో ఆమె క్యారెక్టర్ అన్ ఫినిష్డ్ గానే ఉంది. కానీ ఇప్పుడు సీక్వెల్ లో దీపికా భాగం కాదని వైజయంతి మూవీస్ అఫీషియల్ అనౌన్స్ చేసిన సంగతి తెలిసిందే.
ప్రధాన తారాగణం మారడం చిత్ర నిర్మాణంలో సాధారణం అయినప్పటికీ దీపికా లాంటి గ్లోబల్ స్టార్ విషయంలో ఇలాంటి ప్రకటన అసాధారణం. దీపికా ఈ పరిస్థితిని నేరుగా ఎదుర్కోదని అందరూ అనుకున్నారు. కానీ ఆమె తనదైన శైలిలో ఇప్పుడు స్పందించిందనే కామెంట్లు వస్తున్నాయి.
దీపికా పదుకొణె తన ఇన్స్టాగ్రామ్ పోస్ట్ ద్వారా తన అభిప్రాయాన్ని వ్యక్తపరిచింది. కల్కి 2898 AD మేకర్స్ తో వివాదం ఇంకా కొనసాగుతుందని అనిపిస్తుంది.
