నటి దీపికా పదుకోన్ వృత్తి, వ్యక్తిగత జీవిత సమన్వయంపై తన అభిప్రాయాలను పంచుకున్నారు. తల్లిగా మారిన తర్వాత ఎదురైన సవాళ్లను ప్రస్తావించారు. 8 గంటల పని విధానం ఆవశ్యకతను నొక్కి చెబుతూ, తన ఈ నిర్ణయం సరైనదేనని ధీమా వ్యక్తం చేశారు.
Key Points
తల్లిగా మారిన తర్వాత తన తల్లిపై మరింత గౌరవం పెరిగిందని దీపికా పదుకోన్ అన్నారు.
వృత్తి, పిల్లల పెంపకాన్ని సమన్వయం చేయడం చాలా కష్టమైన పని అని దీపికా అభిప్రాయపడ్డారు.
సినిమా పరిశ్రమలో మహిళలకు 8 గంటల పని చేసే వెసులుబాటును కల్పించాలని దీపికా సూచించారు.
8 గంటల పని మానవ శరీరానికి, మనసుకు సరిపోతుందని, నా నిర్ణయం సరైనదేనని ఆమె నొక్కి చెప్పారు.
తల్లిపాత్రపై దీపికా అభిప్రాయాలు
‘‘నేనో బిడ్డకు జన్మనిచ్చిన తర్వాత మా అమ్మగారిపై మరింత గౌరవం పెరిగింది. వృత్తి జీవితాన్ని, పిల్లల పెంపకాన్ని బ్యాలెన్స్ చేయొచ్చని చాలామంది అంటుంటారు. కానీ అది చాలా కష్టమైన పని. కొత్తగా తల్లయిన వారు తిరిగి పనికి వచ్చినప్పుడు వారికి అందరూ సపోర్ట్ చేయాలి’’ అని దీపికా పదుకోన్ అన్నారు. సినిమా ఇండస్ట్రీలో మహిళలకు 8 గంటలు మాత్రమే పని చేసే వెసులుబాటును కల్పించాలని దీపిక కొంత కాలంగా పలు సందర్భాల్లో మాట్లాడిన సంగతి తెలిసిందే. తాజాగా ఓ ఇంటర్యూలో మరోమారు ఈ అంశంపై ఆమె మాట్లాడుతూ– ‘‘రోజుకి 8 గంటల పని మానవ శరీరానికి, మనసుకు సరిపోతుంది.
మనం ఆరోగ్యంగా ఉండి, పని చేసినప్పుడే అవుట్పుట్ బాగా వస్తుంది. ఒత్తిడితో పని చేస్తే సరైన ఫలితం రాకపోవచ్చు. మా ఆఫీసులో సోమవారం నుంచి శుక్రవారం వరకు మేం 8 గంటలే పని చేస్తాం. వినేవారికి బోరింగ్గా ఉండొచ్చు. టైమ్ అనేది మన చేతుల్లో ఉన్న ధనంతో సమానం. దీన్ని ఎవరితో, ఎప్పుడు, ఎలా స్పెండ్ చేయాలని నిర్ణయించుకునే స్వేచ్ఛ నాకు ఉండాలి. నా దృష్టిలో సక్సెస్ అంటే ఇదే. 8 గంటలు మాత్రమే పని చేయాలనే నా నిర్ణయం కరెక్టే’’ అని చెప్పుకొచ్చారు దీపికా పదుకోన్.
సినిమా పరిశ్రమలో 8 గంటల పని
వృత్తి, వ్యక్తిగత జీవిత సమన్వయం
దీపికా పదుకోన్ తన వ్యక్తిగత అనుభవాల ద్వారా వృత్తి, కుటుంబ జీవితాల సమన్వయంపై లోతైన విశ్లేషణ అందించారు. ఆమె 8 గంటల పని విధానంపై చేసిన వ్యాఖ్యలు సినిమా పరిశ్రమలో చర్చకు దారితీసే అవకాశం ఉంది.
