📌 Key Points
- ఉత్తర ఢిల్లీలో 60 అడుగుల ఐరన్ ఫుట్ బ్రిడ్జి కూలిపోయింది.
- మురికి కాలువలో పడి యాచకురాలు దుర్మరణం చెందింది.
- ప్రమాదకరమని హెచ్చరించినా వంతెనను ఉపయోగించిన ప్రజలు.
- సహాయక చర్యలు కొనసాగుతున్నాయి, విచారణ ప్రారంభించారు.
దేశ రాజధాని ఢిల్లీలో పెను విషాదం చోటుచేసుకుంది. ఉత్తర ఢిల్లీలోని రూప్ నగర్ ప్రాంతంలో ఐరన్ ఫుట్ బ్రిడ్జి కూలిపోవడంతో ఒక మహిళ మురికి కాలువలో పడి మరణించింది. ఈ ఘటన స్థానికంగా కలకలం రేపింది.
కూలిన ఐరన్ ఫుట్ బ్రిడ్జి
దేశ రాజధానిలో పెను ప్రమాదం సంభవించింది. ఉత్తర ఢిల్లీలోని రూప్ నగర్ ప్రాంతంలో మంగళవారం ఒక భారీ ఐరన్ ఫుట్ బ్రిడ్జ్ ఒక్కసారిగా కుప్పకూలింది. సుమారు 60 అడుగుల పొడవున్న ఈ వంతెన కింద ఉన్న మురికి కాలువలో పడిపోవడంతో, అక్కడే ఉన్న ఒక మహిళ ప్రాణాలు కోల్పోయింది. పోలీసుల సమాచారం ప్రకారం.. మంగళవారం ఉదయం 9:28 గంటలకు వంతెన కూలినట్లు పీసీఆర్ కాల్ అందింది. వెంటనే ఢిల్లీ పోలీసులు, అగ్నిమాపక సిబ్బంది (DFS), ఎన్డీఆర్ఎఫ్ (NDRF) బృందాలు ఘటనా స్థలానికి చేరుకున్నాయి. నీటి ఉధృతి ఎక్కువగా ఉన్న మురికి కాలువలో గాలింపు చేపట్టిన అధికారులు, సుమారు 50 ఏళ్ల వయసున్న మహిళ మృతదేహాన్ని వెలికి తీశారు. మృతురాలు వంతెన చివర కూర్చునే యాచకురాలని స్థానికులు తెలిపారు. ఆమె వివరాలను సేకరించేందుకు పోలీసులు ప్రయత్నిస్తున్నారు.
కూలిపోయిన ఈ వంతెన ఇరిగేషన్, ఫ్లడ్ కంట్రోల్ విభాగానికి చెందినది. ఇది పాతబడటంతో అధికారులు ఇప్పటికే దీనిని ‘ప్రమాదకరమైనది’ (Unsafe) గా ప్రకటించినట్లు స్థానిక నివాసి తెలిపారు. ప్రజలు రాకపోకలు సాగించకుండా ఇరువైపులా బారికేడ్లు కూడా ఏర్పాటు చేశారు. అయితే, హెచ్చరికలను లేక్క చేయకుండ ప్రజలు వంతెనను ఉపయోగిస్తున్నారని, ఈ క్రమంలోనే ఈ విషాదం చోటుచేసుకుందని స్థానిక నివాసి ఒకరు జాతీయ మీడియాకు తెలిపారు. ఘటన జరిగిన వెంటనే రంగంలోకి దిగిన ఢిల్లీ బోట్ క్లబ్ బృందం మహిళ మృతదేహాన్ని బయటకు తీసింది. మరికొందరు కాలువలో చిక్కుకున్నారేమో అన్న అనుమానంతో సహాయక చర్యలు కొనసాగాయి. ప్రస్తుతం ఆ ప్రాంతాన్ని అధికారులు పూర్తిగా తమ ఆధీనంలోకి తీసుకున్నారు. ప్రమాదానికి గల ఖచ్చితమైన కారణాలను తెలుసుకోవడానికి తదుపరి విచారణ చేపట్టారు.
మురికి కాలువలో మహిళ దుర్మరణం
సహాయక చర్యలు, విచారణ ప్రారంభం
ఈ ఘటనపై అధికారులు విచారణ చేపట్టారు. ప్రజలు అప్రమత్తంగా ఉండాలని, ప్రమాదకర ప్రాంతాల్లో సంచరించకుండా జాగ్రత్తలు తీసుకోవాలని సూచిస్తున్నారు. మరింత సమాచారం కోసం చూస్తూ ఉండండి.
