📌 Key Points
- బిగ్ బాస్ తెలుగు గ్రాండ్ ఫినాలేలో డిమాన్ పవన్, తనూజ, కళ్యాణ్ టాప్ 3గా నిలిచారు.
- మాస్ మహారాజ్ రవితేజ 5 లక్షలతో సూట్కేస్ ఆఫర్ చేసి, ఆ తర్వాత 15 లక్షలకు పెంచారు.
- డిమాన్ పవన్ విన్నర్ అయ్యే అవకాశం లేదని తెలుసుకుని 15 లక్షల ఆఫర్ను స్వీకరించాడు.
- ఆడియన్స్ ఓటింగ్ ప్రకారం పవనే ఎలిమినేట్ అయ్యేవాడని నాగార్జున తర్వాత వెల్లడించారు.
బిగ్ బాస్ తెలుగు 9 గ్రాండ్ ఫినాలేలో డిమాన్ పవన్ తీసుకున్న సంచలన నిర్ణయం ఇప్పుడు హాట్ టాపిక్. రవితేజ ఆఫర్ చేసిన 15 లక్షల నగదును స్వీకరించి అతను పోటీ నుండి నిష్క్రమించాడు. విన్నర్ కాదని తెలిసి పవన్ తీసుకున్న ఈ నిర్ణయం తెలివైనదా, అదృష్టమా అనేది ఇప్పుడు ఆసక్తికర చర్చగా మారింది.
రవితేజ ఆఫర్: డిమాన్ పవన్ కు సవాల్
బిగ్ బాస్ తెలుగు 9 గ్రాండ్ ఫినాలేలో ఉత్కంఠని రేపే సంఘటనలు చోటు చేసుకున్నాయి. ఇమ్మాన్యుయేల్ ఎలిమినేట్ అయ్యాక టాప్ 3గా డిమాన్ పవన్, తనూజ, కళ్యాణ్ మిగిలారు. వారిలో ఒకరిని ఎలిమినేట్ చేసే బాధ్యతని నాగార్జున మాస్ మహారాజ్ రవితేజకి ఇచ్చారు. రవితేజ సిల్వర్ సూట్కేస్ తో హౌస్ లోకి ఎంట్రీ ఇచ్చారు.
15 లక్షలకు బేరం: పవన్ తెలివైన నిర్ణయం
రవితేజ హౌస్ లోకి వెళ్లగానే టాప్ 3 సభ్యులకు ఆఫర్ ఇచ్చారు. ఈ సూట్కేస్ లో బిగ్ బాస్ ఇచ్చిన 5 లక్షల మనీ ఉంది. ఇది తీసుకుని ఒకరు డ్రాప్ అయిపోవచ్చు అని ఆఫర్ ఇచ్చారు. దానికి ముగ్గురూ నో చెప్పారు. ఆ తర్వాత రవితేజ బేరం మొదలు పెట్టారు. అమౌంట్ ని ఏడున్నర లక్షలకు పెంచారు. ఆ డబ్బుకి డిమాన్ పవన్ టెంప్ట్ అవుతూ కనిపించాడు. కానీ కేవలం ఏడున్నర లక్షలకే డ్రాప్ కావడానికి ఇష్టపడలేదు. ఆ తర్వాత 10 లక్షలకు పెంచినా ఒప్పుకోలేదు.
అదృష్టం వరించింది: గెలుపు కంటే గొప్పదేనా?
డిమాన్ పవన్ తన కుటుంబ సభ్యుల అభిప్రాయం తెలుసుకున్నాడు. వాళ్ళు నీ ఇష్టమే మా ఇష్టం అని చెప్పారు. చివరికి ఫైనల్ ఆఫర్ 15 లక్షలు అని రవితేజ చెప్పారు. దీనితో డిమాన్ పవన్ కాసేపు అలోచించి.. విన్నర్ అయ్యే అవకాశం నాకు లేదు అని తెలుసు. ఎక్కడో వెనుకబడ్డాను. ఇక్కడి వరకు నన్ను తీసుకువచ్చిన ఆడియన్స్ కి థ్యాంక్స్. కానీ డబ్బు అవసరం చాలా ఉంది. అందుకే ఈ 15 లక్షల ఆఫర్ తీసుకుంటున్నా అని అంగీకారం తెలిపాడు. పవన్ ఎంత అదృష్టవంతుడో ఆ తర్వాతే తెలిసింది. ఒక వేళ పవన్ ఈ ఆఫర్ తీసుకోకపోయినా ఆడియన్స్ ఓటింగ్ ప్రకారం ఎలిమినేట్ అయ్యేది అతడే అని నాగార్జున తెలిపారు. అలా జరిగి ఉంటే పవన్ ఖాళీ చేతులతో వెళ్లాల్సి వచ్చేది. కానీ 15 లక్షల ఆఫర్ అందుకోవడం తెలివైన నిర్ణయం అని చెప్పొచ్చు.
మొత్తం మీద డిమాన్ పవన్ తెలివైన నిర్ణయంతో 15 లక్షలు గెలుచుకున్నాడు. విజేత కాకపోయినా, ఖాళీ చేతులతో వెళ్ళకుండా భారీ మొత్తాన్ని పొందడం అతని అదృష్టాన్ని నిరూపించింది. ఈ సంఘటన బిగ్ బాస్ చరిత్రలో ప్రత్యేకంగా నిలిచిపోతుంది.
