పాన్ ఇండియా ట్రెండ్లో భాగంగా, తమిళ హీరో ప్రదీప్ రంగనాథన్ మరియు మలయాళ హీరోయిన్ మమిత బైజు తెలుగు తెరకు పరిచయం అవుతున్నారు. ‘డ్యూడ్’ అనే సినిమా ద్వారా వీరిద్దరూ తెలుగు ప్రేక్షకులను అలరించేందుకు సిద్ధమవుతున్నారు.
Key Points
తమిళ హీరో ప్రదీప్ రంగనాథన్ హీరోగా 'డ్యూడ్' సినిమా
మలయాళ హీరోయిన్ మమిత బైజు ప్రదీప్ కి జోడీగా
మైత్రీ మూవీ మేకర్స్ నిర్మాణంలో ఈ కామెడీ ఎంటర్ టైనర్
ఈ ఏడాది దీపావళికి థియేటర్లలో విడుదల
‘డ్యూడ్’ సినిమా విడుదల తేదీ
ఇప్పుడంతా పాన్ ఇండియా ట్రెండ్ నడుస్తోంది. భాషాభేదం లేకుండా పలు భాషల్లోనూ యాక్టర్స్ తెలుగులోనూ హీరోహీరోయిన్లుగా నటిస్తూ గుర్తింపు తెచ్చుకుంటున్నారు. ఇప్పుడు ఆ లిస్టులోకి చేరేందుకు ప్రదీప్ రంగనాథన్, మమిత బైజు రెడీ అయిపోయారు. ఇంతకీ వీళ్ల కొత్త సినిమా సంగతేంటి?
ప్రదీప్ రంగనాథన్ మరియు మమిత బైజు జంట
‘కోమలి’ సినిమాతో దర్శకుడిగా మారిన ప్రదీప్ రంగనాథన్.. ‘లవ్ టుడే’ మూవీతో అటు దర్శకత్వం చేస్తూనే హీరోగా మారిపోయాడు. రీసెంట్ గా ‘డ్రాగన్’ మూవీతో వచ్చి బ్లాక్ బస్టర్ హిట్ కొట్టాడు. ఈ క్రమంలోనే ఇతడిని హీరోగా పెట్టి తెలుగు నిర్మాతలైన మైత్రీ మూవీ మేకర్స్ కొత్త సినిమాని ప్రకటించారు.
‘డ్యూడ్’ పేరుతో తీస్తున్న ఈ సినిమాని ఈ ఏడాది దీపావళి కానుకాగ థియేటర్లలో రిలీజ్ చేస్తున్నట్లు ప్రకటించారు. ‘ప్రేమలు’ మూవీతో ఫేమ్ తెచ్చుకున్న మలయాళ హీరోయిన్ మమిత బైజు.. డ్యూడ్ చిత్రంలో ప్రదీప్ కి జోడీగా నటిస్తోంది. ఈ మేరకు వీళ్లిద్దరూ కలిసున్న లుక్ ని రిలీజ్ చేశారు. షర్ట్ లేకుండా ప్రదీప్ ఉండటం చూస్తుంటే ఇది కూడా కామెడీ ఎంటర్ టైనర్ అని తెలుస్తోంది.
కామెడీ ఎంటర్ టైనర్ గా ‘డ్యూడ్’
మొత్తంమీద, ‘డ్యూడ్’ సినిమా దీపావళి కానుకగా ప్రేక్షకుల ముందుకు రావడం ఆసక్తికరంగా ఉంది. ప్రదీప్ మరియు మమితల కొత్త జంట ప్రేక్షకులను ఎలా అలరించబోతుందో చూడాలి.
