📌 Key Points
- దుల్కర్ సల్మాన్ ‘ఆకాశంలో ఒక తార’లో సాత్విక వీరవల్లి హీరోయిన్గా ఎంట్రీ – క్యారెక్టర్ టీజర్ విడుదల!
- జీవీ ప్రకాష్ కుమార్ సంగీతం, మనసుకు హత్తుకునే బీజీఎమ్తో సినిమాపై అంచనాలు భారీగా పెరిగాయి.
- పవన్ సాధినేని దర్శకత్వంలో గీతా ఆర్ట్స్, స్వప్న సినిమా సమర్పణలో ‘ఆకాశంలో ఒక తార’ చిత్రం!
- సమ్మర్ రిలీజ్ టార్గెట్గా 80 శాతం షూటింగ్ పూర్తి చేసుకున్న ‘ఆకాశంలో ఒక తార’ మూవీ!
మలయాళ స్టార్ హీరో దుల్కర్ సల్మాన్ మరోసారి టాలీవుడ్లో తన సత్తా చాటేందుకు సిద్ధమయ్యారు. ఆయన నటిస్తున్న ‘ఆకాశంలో ఒక తార’ చిత్రం ప్రేక్షకుల్లో భారీ అంచనాలను క్రియేట్ చేస్తోంది. ఈ మూవీ విశేషాలు ఇప్పుడు చూద్దాం.
సాత్విక వీరవల్లి క్యారెక్టర్ టీజర్ విడుదల!
మలయాళ స్టార్ హీరో దుల్కర్ సల్మాన్ నటిస్తున్న మరో డిఫరెంట్ మూవీ ఆకాశంలో ఒక తార. ఈ సినిమాలో హీరోయిన్గా సాత్విక వీరవల్లి చేస్తోంది. ఈ సందర్భంగా సాత్విక వీరవల్లి క్యారెక్టర్ టీజర్ను విడుదల చేశారు. జీవీ ప్రకాష్ బీజీఎమ్, దుల్కర్ సల్మాన్ ఎంట్రీతో ఆకాశంలో ఒక తార సినిమాపై అంచనాలు పెరిగాయి.
మలయాళ స్టార్ హీరో దుల్కర్ సల్మాన్కు తెలుగులోనూ విపరీతమైన క్రేజ్ ఉంది. లక్కీ భాస్కర్, కాంత సినిమాలతో అలరించిన దుల్కర్ సల్మాన్ కంటెంట్ బేస్డ్ మూవీస్ ప్రేక్షకులపై ఎక్కువ ప్రభావాన్ని చూపుతాయని ఆయన గట్టిగా నమ్ముతుంటారు.
దుల్కర్ సల్మాన్తో గీతా ఆర్ట్స్ మూవీ!
యూనిక్ సినిమాటిక్ ఎప్రోచ్, ఇన్నోవేటివ్ స్టోరీ టెల్లింగ్తో సినిమాను రూపొందించే డైరెక్టర్ పవన్ సాధినేని ఈ చిత్రాన్ని తెరకెక్కిస్తున్నారు. ‘ఆకాశంలో ఒక తార’ చిత్రాన్ని ప్రముఖ నిర్మాణ సంస్థలు గీతా ఆర్ట్స్, స్వప్న సినిమా సమర్పణలో లైట్ బాక్స్ మీడియా బ్యానర్పై సందీప్ గున్నం, రమ్య గున్నం నిర్మిస్తున్నారు.
సోమవారం (జనవరి 19) రోజున ఆకాశంలో ఒక తార సినిమాలో హీరోయిన్ సాత్విక వీరవల్లి క్యారెక్టర్ టీజర్ను విడుదల చేశారు మేకర్స్. ఈ టీజర్ను గమనిస్తే.. సరైన రోడ్లు కూడా లేని ఓ మారమూల పల్లె నుంచి వచ్చిన ఓ అమ్మాయి ఆకాశంలో తారలను చేరుకోవాలంటూ కనే కలలను కథగా చూపించారు.
సమ్మర్ రిలీజ్ టార్గెట్తో మూవీ షూటింగ్!
అయితే, ఆకాశంలో ఒక తార సినిమాలో నటీనటులెవరనే విషయాలను ఇంకా పూర్తిగా చెప్పకపోయినప్పటికీ విడుదలైన గ్లింప్స్ మాత్రం ప్రేక్షకులను ఆకట్టుకుంటోంది. ఆమె ప్రయాణంలోని నిశ్శబ్దమైన క్షణాలు చాలా భావాలను వ్యక్తం చేసేలా ఉన్నాయి. అలాగే, , చివరల్లో దుల్కర్ సల్మాన్ తళుక్కున కనిపించటం హైలెట్గా ఉంది.
విడుదలైన గ్లింప్స్ చూస్తుంటే సినిమా సెన్సెటివ్ కథతో, బలమైన ఎమోషన్స్తో రూపొందుతోందని స్పష్టంగా తెలుస్తోంది. ఇప్పటి వరకు సినిమా 80 శాతం చిత్రీకరణను పూర్తి చేసుకుంది. ఈ ఏడాది సమ్మర్లో సినిమాను రిలీజ్ చేయాలని మేకర్స్ ప్లాన్ చేస్తున్నారు.
దుల్కర్ సల్మాన్ ‘ఆకాశంలో ఒక తార’ చిత్రం సమ్మర్ లో విడుదల కానుంది. ఈ సినిమా గురించి మరిన్ని అప్డేట్స్ కోసం చూస్తూ ఉండండి. త్వరలో మరిన్ని వివరాలతో మీ ముందుకు వస్తాం.
