📌 Key Points
- E-85 పెట్రోల్ ఢిల్లీలో రూ.82కు అందుబాటులో, సీఎన్జీ కంటే తక్కువ ధర.
- 85% ఇథనాల్, 15% గ్యాసోలిన్ మిశ్రమం; చెరుకు, మొక్కజొన్న నుండి తయారీ.
- కాలుష్యాన్ని తగ్గించి, ఇంజిన్ శక్తిని పెంచుతుంది; అధిక ఆక్టేన్ రేటింగ్.
- ఫ్లెక్స్-ఫ్యూయల్ వాహనాలకు మాత్రమే అనుకూలం; మైలేజీ తగ్గే అవకాశం.
పర్యావరణ పరిరక్షణ, ఇంధన స్వయం సమృద్ధి లక్ష్యంగా భారత్ E-85 పెట్రోల్ను అందుబాటులోకి తెచ్చింది. ఇది తక్కువ ధరకే లభించడమే కాకుండా, కాలుష్యాన్ని గణనీయంగా తగ్గిస్తుంది. ప్రభుత్వ ఈ నిర్ణయం దేశ ఇంధన విధానంలో కీలక మార్పులకు నాంది పలకనుంది.
E-85 పెట్రోల్: ధర, ప్రత్యేకతలు
భారత్లోకి కొత్తరకం పెట్రోల్ అందుబాటులోకి వచ్చింది. అదే E-85 పెట్రోల్.. ప్రస్తుతం ఈ పెట్రోల్ ను ఢిల్లీలో అందుబాటులోకి తీసుకువచ్చారు. సీఎన్జీ కంటే తక్కువ ధరలో ఈ పెట్రోల్ అందుబాటులో ఉండటం విశేషం. దీనిని లీటర్ రూ.82కు అమ్ముతున్నారు. ఇది సాధారణ పెట్రోల్ కంటే భిన్నమైన ఒక ఇథనాల్ బ్లెండెడ్ ఫ్యూయల్. ప్రస్తుతం మనదేశంలో వాడే పెట్రోల్ లో ఇతనాల్ శాతం కేవలం 10 నుండి 20 శాతం మాత్రమే ఉంటుంది. కానీ ఈ E-85 ప్రెట్రోల్ లో 85శాతం ఇథనాల్ ఉంటే, 15శాతం గ్యాసోలిన్ ఉంటుంది. ఇథనాల్ ఎక్కువగా ఉండటం వల్ల ఇది ఎకో ఫ్రెండ్లీగా ఉంటుంది. ఇథనాల్ అనేది చెరుకు, మొక్కజొన్న నుండి తయారు అవుతుంది. కాబట్టి సాధారణ పెట్రోల్ తో పోలిస్తే ఈ E-85 తక్కువ కార్బన్ మోనాక్సైడ్, గ్రీన్ హౌస్ వాయువులను విడుదల చేస్తుంది.
దీని వల్ల కాలుష్యం తగ్గుతుంది. అంతే కాకుండా దీనికి అధిక ఆక్టేన్ రేటింగ్ ఉంటుంది. ఆక్టేన్ రేటింగ్ ఎక్కువగా ఉంటే ఇంజిన్లో నాకింగ్ సమస్య ఉండదు. ఈ పెట్రోల్ వాడకం వల్ల ఇంజిన్ శక్తి పెరుగుతుంది. అందువల్ల రేసింగ్ కార్లు, హై పెర్ఫామెన్స్ ఇంజిన్లలో దీనిని వాడేందుకు ఇష్టపడుతుంటారు. ఇథనాల్ కు త్వరగా ఆవిరి అయ్యే గుణం ఉండటం వల్ల ఇంజిన్ లోపల ఉష్ణోగ్రత తక్కువగా ఉంటుంది. ఇది ఇంజిన్ వేడెక్కకుండా కాపాడుతుంది. ఇక ఇథనాల్ లో పెట్రోల్ కంటే తక్కువ శక్తి ఉంటుంది. కాబట్టి మైలేజీ కూడా 20 నుండి 30 శాతం వరకు తగ్గే అవకాశం ఉంది. అంతే కాకుండా సాధారణ పెట్రోల్ ఇంజిన్లలో దీనిని వాడలేము. దీనికోసం ప్రత్యేకంగా తయారు చేసిన (FFV) Flex-Fuel Vehicles అవసరం అవుతాయి. ఈ ఇంజిన్లు పెట్రోల్ లేదా E-85 రెండింటితోనూ నడవగలవు. ఇక వాతావరణ కాలుష్యం దృష్యా భారత్ సైతం దీని వాడకాన్ని పెంచేలా ప్రోత్సహించాలని చూస్తోంది.
పర్యావరణానికి మేలు, ఇంజిన్కు శక్తి
సవాళ్లు, ప్రభుత్వ లక్ష్యాలు
E-85 పెట్రోల్ ప్రవేశంతో భారత్ పర్యావరణ అనుకూల ఇంధనాల వైపు అడుగులు వేస్తోంది. ఇది కాలుష్య నియంత్రణకు, ఇంధన భద్రతకు దోహదపడుతుంది. దీని విస్తృత వినియోగానికి ప్రభుత్వం మరిన్ని చర్యలు తీసుకోవాలి.
