ప్రతీ ఏటా తనంతట తానుగా పెరుగుతూ, చెవిలో కోరికలు చెప్తే నెరవేర్చే మహిమ గల వినాయకుడు కొలువై ఉన్న ఆలయం గురించి మీకు తెలుసా? తూర్పు గోదావరి జిల్లా బిక్కవోలులోని ఈ శ్రీ లక్ష్మీ గణపతి ఆలయం పురాతనమైనది, ఎన్నో విశిష్టతలను కలిగి ఉంది.
Key Points
ప్రతీ ఏటా పెరుగుతూ భక్తుల కోరికలు తీర్చే బిక్కవోలు లక్ష్మీ గణపతి ఆలయం.
తూర్పు గోదావరి జిల్లా బిక్కవోలులో ఉన్న ఈ ఆలయాన్ని క్రీ.శ 840లో చాళుక్యులు నిర్మించారు.
వినాయకుడి చెవిలో కోరికలు చెప్పి ముడుపు కడితే అవి తీరుతాయని భక్తుల విశ్వాసం.
గణపతి హోమం, సుబ్రహ్మణ్యేశ్వర స్వామి ఉత్సవాలతో స్వామి అనుగ్రహం లభిస్తుంది.
బిక్కవోలు లక్ష్మీ గణపతి ఆలయ విశిష్టత
మొట్టమొదట మనం ఏ పూజ చేసినా వినాయకుడిని ఆరాధిస్తాము. ఏదైనా వ్రతం చేసుకున్నా, పూజ చేసుకున్నా వినాయకుని ఖచ్చితంగా ఆరాధిస్తాము. పెళ్లి వంటి శుభకార్యాలలో కూడా మొట్టమొదట గణపతిని పూజిస్తాము. వినాయకుడు విఘ్నాలను తొలగించి, పనిలో విజయాన్ని దక్కేలా చూస్తాడు. కోరికలను తీర్చగల గణపతి ఆలయం గురించి మీకు తెలుసా? మన కోరికలను ఈ వినాయకుడి చెవిలో చెబితే అవి నెరవేరిపోతాయని మీకు తెలుసా?
విఘ్నాలకు అధిపతి, అగ్ర పూజలు అందుకునే వినాయకుడిని నిత్యం దేవతల సైతం ఆరాధిస్తారు. ఆయన శక్తి గురించి ప్రత్యేకించి చెప్పక్కర్లేదు. వినాయకుడు అన్ని చోట్ల కొలువై ఉంటాడు, భక్తులకు అండగా నిలుస్తాడు. ఇక మరి ఈ వినాయక ఆలయం గురించి కచ్చితంగా తెలుసుకుని తీరాలి. ఇది చాలా ప్రత్యేకమైన ఆలయం. పైగా ఇక్కడ వినాయకుడు ప్రతీ ఏటా పెరుగుతూ ఉంటాడట.
ఆలయ నిర్మాణం, చరిత్ర
ప్రత్యేకమైన వినాయకుని ఆలయాల్లో ఒకటి. ఈ ఆలయం తూర్పు గోదావరి జిల్లా బిక్కవోలులో ఉంది. శ్రీ లక్ష్మీ గణపతి దేవాలయానికి చాలా మంది భక్తులు దూర ప్రాంతాల నుంచీ కూడా వస్తుంటారు.
ఈ వినాయకుని ఆలయం ఎంతో ప్రాముఖ్యత కలిగి ఉంది. పురాతనమైన ఈ ఆలయంలో వినాయకుడిని ఆరాధిస్తే శుభాలు కలుగుతాయని విశ్వాసం. ఈ ఆలయాన్ని క్రీ.శ 840లో చాళుక్యులు నిర్మించారు. ఈ ఆలయ స్తంభాలపై చాళుక్యుల కాలం నాటి శాసనాలు కూడా లిఖించబడి ఉన్నాయి.
కోరికలు తీర్చే గణపతి మహిమ
అప్పట్లో ఈ ఆలయం భూమిలో ఉండేది. 19వ శతాబ్దంలో ఒక భక్తుడికి వినాయకుడు కలలో కనిపించి ఈ ఆలయం గురించి చెప్పడంతో వెలికి తీయడం జరిగిందట. భూమిలో నుండి బయటపడ్డ తర్వాత ఆ వినాయకుడి విగ్రహం పెరిగినట్లు ప్రచారం కూడా ఉంది.
ఇక్కడ వినాయకుడి చెవిలో మన కోరికలు చెప్పి ముడుపు కడితే కోరికలు తీరిపోతాయని నమ్ముతారు. అదే విధంగా ఇక్కడ ఉన్న నందీశ్వరుడు, బూలింగేశ్వరుడిని దర్శించుకుంటే పాపాలన్నీ తొలగిపోతాయి. ఇక్కడే రాజరాజేశ్వరి ఆలయం కూడా ఉంది. ప్రతి ఏటా వినాయక నవరాత్రులతో పాటు సుబ్రహ్మణ్యేశ్వర స్వామివారి ఉత్సవాలను కూడా జరుపుతారు. అదే విధంగా గణపతి హోమం చేయించుకుంటే స్వామివారి అనుగ్రహం లభిస్తుందని చెబుతారు.
బిక్కవోలు లక్ష్మీ గణపతి ఆలయం ప్రతీ ఏటా పెరుగుతూ, కోరికలు నెరవేర్చే మహిమ గల విశిష్ట పుణ్యక్షేత్రం. ఈ పురాతన ఆలయాన్ని దర్శించి, గణపతి అనుగ్రహం పొందితే, సకల శుభాలు కలుగుతాయని భక్తులు నమ్ముతారు.
