గుండె నిండా గుడి గంటలు సీరియల్ లోని ఈరోజు ఎపిసోడ్ లో మీనా అనారోగ్యంతో బాధపడుతుంది. ప్రభావతి, మనోజ్ తో గొడవ జరుగుతుంది. రోహిణి గురించి బాలు, మీనా కొత్త విషయాలు తెలుసుకుంటారు.
Key Points
రోహిణి మెడలో పసుపు తాడు చూసి ప్రభావతి బాధపడుతుంది.
మీనాకు ఒంట్లో బాగుండక, మనోజ్ గదిలో పడుకుంటుంది.
మనోజ్, రోహిణి రావడంతో ప్రభావతి మరింత రెచ్చిపోతుంది.
బాలు, మీనాకు రోహిణికి కొడుకు ఉన్నాడనే అనుమానం కలుగుతుంది.
ప్రభావతి – మీనా గొడవ
గుండె నిండా గుడి గంటలు సీరియల్ ఈరోజు అంటే 515వ ఎపిసోడ్ లో మనోజ్ గది విషయంలో మరోసారి మీనాను ప్రభావతి దారుణంగా అవమానించడం, ఆమెకు బాలు, సత్యం క్లాస్ పీకడం.. చివర్లో రోహిణికి కొడుకు ఉన్నాడన్న అనుమానం బాలు, మీనాల్లో కలగడంలాంటి సీన్లతో సాగిపోయింది.
మీనాకు సపోర్ట్ చేస్తూ అత్తకు క్లాస్ పీకిన శృతి
గుండె నిండా గుడి గంటలు సీరియల్ సోమవారం (సెప్టెంబర్ 22) ఎపిసోడ్ అత్త ప్రభావతికి శృతి క్లాస్ పీకే సీన్ తో మొదలైంది. రోహిణి మెడలో పసుపు తాడు చూసి ప్రభావతి బాధ పడుతుంటే.. ఇంట్లో మీనా కూడా ఇలాగే తిరుగుతుందని, ఆమె కూడా ఈ ఇంటి కోడలే కదా అని శృతి నిలదీస్తుంది.
అసలు తనకంటే, రోహిణి కంటే మీనా కే ఈ ఇంటి గురించి ఎక్కువగా తెలుసని అంటుంది. అయినా తన తల్లి మంగళసూత్రం తాకట్టు పెట్టి మరీ డబ్బు అడగలేదు కదా అని చెబుతుంది. శృతి ఎదురు తిరగడంతో ప్రభావతికి ఏం మాట్లాడాలో అర్థం కాక బిక్కమొహం వేస్తుంది.
అటు తన ఫ్రెండ్ దగ్గరికి వెళ్లిన రోహిణి తాను ఇలా పసుపు తాడుతో తిరగడానికి పెద్ద ప్లానే ఉందని చెబుతుంది. తన అత్త దగ్గర డబ్బు తీసుకోవడం కంటే బయట వడ్డీకి తీసుకోవడం బెటరని అంటుంది. ఈ పసుపు తాడు తనకో అస్త్రం అని, దీనిని చూసినప్పుడల్లా మనోజ్ ఎమోషనల్ అయిపోయి ఇంట్లో తనకు అండగా ఉంటాడని అంటుంది.
రోహిణి యొక్క రహస్య ప్లాన్
ఓ భార్యకు తన భర్త అండగా ఉండటం కంటే ఎక్కువ ఇంకేం కావాలని చెబుతుంది. అటు తన అత్త కూడా ఈ పసుపు తాడు చూసినప్పుడు కొన్నాళ్లయినా తన తండ్రి గురించి అడగడం మానేస్తుందని అంటుంది.
మనోజ్ రూమ్లో మీనా.. ప్రభావతి రచ్చ
ఇటు మీనాకు ఒంట్లో బాగుండదు. ఉదయం బాలు వెళ్లేటప్పుడే నీరసంగా కనిపించిన ఆమె.. తర్వాత అతడు వచ్చేసరికి మరింత నీరసపడిపోయి సోఫాలోనే పడుకుంటుంది. బాలు వచ్చి ఆమెను మనోజ్ రూమ్ లో పడుకోమని చెప్పి ట్యాబ్లెట్ తెస్తానని వెళ్తాడు. ఇంతలో మనోజ్, రోహిణి వస్తారు. తాను చాలా అలసిపోయానని, వెళ్లి పడుకుంటానంటాడు.
గదిలోకి వెళ్లేసరికి అక్కడ మీనా పడుకోవడం చూసి మనోజ్ రచ్చ చేస్తాడు. అది చూసి ప్రభావతి కూడా మరింత రెచ్చిపోతుంది. వాళ్ల మాటలు విన్న సత్యం.. మీనాకు ఒంట్లో బాగా లేదని, ఆమెను లేపొద్దని ప్రభావతికి వార్నింగ్ ఇచ్చి వెళ్తాడు.
మీనాను నానా మాటలు అన్న ప్రభావతి
బాలు, మీనా అనుమానం
అయినా వినకుండా ప్రభావతి గదిలోకి వెళ్లి మీనాను నానా మాటలు అంటుంది. పూలమ్ముకునేదానికి ఇంట్లో ఏసీ రూమ్ కావాలా.. నీ పుట్టింట్లో ఇలాగే ఉందా.. ఒంట్లో బాగా లేదని నాటకాలు ఆడుతున్నావా.. మనోజ్ గది కోసం కావాలనే ఇలా చేస్తున్నావని తిడుతుంది.
అప్పుడే ఇంటికి వచ్చిన బాలు కింది నుంచే ఆ మాటలు వింటాడు. ప్రభావతి అన్ని మాటలు అన్నా మీనా ఏమీ అనకుండా క్షమించమని అడుగుతుంది. అయినా ప్రభావతి మాత్రం ఆమెను చేయి పట్టుకొని కిందికి ఈడ్చుకొస్తుంది. అది బాలు చూస్తాడు.
ప్రభావతికి క్లాస్ పీకిన బాలు, సత్యం
అతన్ని చూడగానే భయపడిపోయిన ప్రభావతి.. మీనా చేయి వదిలేస్తుంది. తల్లి దగ్గరికి వెళ్లిన బాలు తీవ్రంగా మండిపడతాడు. ఎందుకు వదిలేశావ్.. వీధి వరకూ ఈడ్చుకెళ్లు అంటూ అని అంటాడు. అప్పుడే వచ్చిన సత్యం.. విషయం తెలుసుకొని అసలు ఏం జన్మే నీది అంటూ ప్రభావతిని దారుణంగా తిడతాడు. అటు రవి, శృతి కూడా ప్రభావతినే నిందిస్తారు. గది కోసం రోజూ ఈ గొడవేంటని వాళ్లు విసుక్కుంటారు. తాము గది ఇవ్వాల్సి వస్తే.. మీనాకు ఇచ్చేసి తాను రవిని తీసుకొని పుట్టింటికి వెళ్లిపోతానని శృతి అనడంతో అందరూ షాక్ తింటారు. దీంతో జోక్యం చేసుకున్న సత్యం.. ఎవరు ఎక్కడ పడుకోవాలో చెబుతూ ఇక గొడవ చేయకండని అరుస్తాడు.
అటు రోహిణి తల్లి ఆమెకు ఫోన్ చేసిన తన కొడుకుకు యాక్సిడెంట్ అయిందని, హాస్పిటల్లో ఉన్నాడని చెబుతుంది. దీంతో కంగారు పడిన రోహిణి తాను వెంటనే వస్తానని అనడంతో బాలు, మీనా ఇక్కడే ఉన్నారని, వాళ్లు వెళ్లిన తర్వాత రమ్మంటుంది. రోహిణి హాస్పిటల్ కు వెళ్లే సరికి బాలు, మీనా అక్కడే ఉంటారు. రోహిణిని చూసి నువ్వు ఇక్కడేం చేస్తున్నావని అడుగుతారు. చింటూకి, రోహిణికి ఏదో సంబంధం ఉందన్న సందేహం బాలులో మొదలవుతుంది. అక్కడితో గుండె నిండా గుడి గంటలు సీరియల్ ఈరోజు ఎపిసోడ్ ముగుస్తుంది.
ఈ ఎపిసోడ్ లోని సంఘటనలు అనూహ్యమైన మలుపులతో ముగిశాయి. రోహిణి రహస్యం బయటపడుతుందా? మీనా అనారోగ్యం ఏమిటి? తదుపరి ఎపిసోడ్ కోసం వేచి చూద్దాం.
