📌 Key Points
- ఐఫోన్ 18 ప్రో సిరీస్లో ఫోల్డబుల్ ఐఫోన్ విడుదలయ్యే అవకాశం ఉంది.
- ఆపిల్ తన సెప్టెంబర్ లాంచ్ సంప్రదాయాన్ని కొనసాగించనుంది.
- కొత్త ఐఫోన్ 6.9-అంగుళాల స్క్రీన్తో వస్తుందని అంచనా.
- ఐఫోన్ ప్రో సిరీస్లో 48MP సెన్సార్ ట్రిపుల్ రియర్ కెమెరా సెటప్తో రావచ్చు.
ఆపిల్ ఐఫోన్ 18 ప్రో సిరీస్ త్వరలో విడుదల కానుంది. ఈ సిరీస్లో ఫోల్డబుల్ ఐఫోన్ కూడా ఉండవచ్చునని సమాచారం. దీనికి సంబంధించిన ఫీచర్లు లీక్ అయ్యాయి. పూర్తి వివరాలు ఇప్పుడు చూద్దాం.
ఐఫోన్ 18 ప్రో మాక్స్ డిజైన్ ఎలా ఉండబోతోంది?
iPhone 18 Pro Series : ఆపిల్ ఐఫోన్ 18 ప్రో సిరీస్ ఫోన్ల ధర, ఫీచర్లు లాంచ్కు ముందుగానే లీక్ అయ్యాయి. ఈసారి ఫోల్డబుల్ ఐఫోన్ కూడా రిలీజ్ అయ్యే అవకాశం ఉంది. పూర్తి వివరాలివే..
iPhone 18 Pro Series : ఆపిల్ లవర్స్కు గుడ్ న్యూస్.. ఆపిల్ ఐఫోన్ 18 ప్రో, ఐఫోన్ 18 ప్రో మాక్స్ అతి త్వరలో లాంచ్ కానున్నాయి. ముందస్తు లీక్ల ప్రకారం.. కుపెర్టినో ఆధారిత టెక్ దిగ్గజం 2026 ప్రో ఫ్లాగ్షిప్ లైనప్ ఫోన్లను రిలీజ్ చేయనుంది.
ఆపిల్ ఎప్పటిలాగే సెప్టెంబర్ లాంచ్ సంప్రదాయాన్ని కొనసాగించనుంది. ప్రపంచవ్యాప్తంగా ఆపిల్ ఐఫోన్ 18 ప్రో, ఐఫోన్ 18 ప్రో మ్యాక్స్ రిలీజ్ కానుండగా ఆ తర్వాత భారతీయ కస్టమర్ల కోసం త్వరలోనే అందుబాటులోకి రానున్నాయి.
ఆపిల్, ఐఫోన్ తయారీదారు ప్రో సిరీస్తో పాటు ఫస్ట్ ఫోల్డబుల్ ఐఫోన్ కూడా ప్రవేశపెట్టే అవకాశం ఉంది. స్టాండర్డ్ ఐఫోన్ మోడల్ వచ్చే ఏడాదికి వాయిదా వేస్తుందనే పుకారు ఉంది. అయితే ఆపిల్ దీనిపై ఎలాంటి అధికారిక ప్రకటన చేయలేదు. లీక్ డేటా ప్రకారం.. పూర్తి వివరాలపై ఓసారి లుక్కేయండి..
కెమెరాలో ఆపిల్ ఎలాంటి మార్పులు చేయనుంది?
ఐఫోన్ 18 ప్రో మాక్స్ డిజైన్ : టెక్ దిగ్గజం సాధారణంగా వరుసగా 2 ఏళ్ల డిజైన్ లాంగ్వేజీని మార్చదు. ఐఫోన్ 18 ప్రో మాక్స్ కూడా అదే ట్రెండ్ను ఫాలో చేయనుంది. 6.9-అంగుళాల స్క్రీన్ సైజులోనే వస్తుందని అంచనా. కొన్ని నివేదికలను పరిశీలిస్తే.. ఆపిల్ డైనమిక్ ఐలాండ్ను మరింత కుదించే అవకాశం ఉంది.
Read Also : Honda March 2026 Offers : మిడిల్ క్లాస్కు పండగే.. ఈ హోండా కార్లపై రూ.1.97 లక్షల వరకూ బంపర్ డిస్కౌంట్లు.. ఏ కారు కొంటారంటే?
అండర్ డిస్ప్లేతో ఫేస్ ఐడీని పూర్తిగా మార్చేయనుందని భావిస్తుందన్నారు. ఇంటర్నల్ సెమీ-ట్రాన్స్పరెంట్ ఎండ్ టెస్టింగ్తో వస్తుందని అంచనా. ఈ హ్యాండ్సెట్ డీప్ రెడ్, కాఫీ, డీప్ పర్పుల్ కలర్ వేరియంట్లలో అందించే అవకాశం ఉంది.
కెమెరాల విషయానికి వస్తే.. ఆపిల్ ఇటీవలి ఐఫోన్ హిస్టరీలో అత్యంత ముఖ్యమైన కెమెరా అప్గ్రేడ్లలో ఒకటిగా చెప్పవచ్చు. ఐఫోన్ ప్రో సిరీస్లో 48MP సెన్సార్, టెలికాన్వర్టర్ జూమ్ సిస్టమ్, ముఖ్యంగా, వేరియబుల్ ఎపర్చరు మెకానిజంతో ట్రిపుల్ రియర్ కెమెరా సెటప్తో వస్తుందని భావిస్తున్నారు. ఆపిల్ క్లీన్గా తీసుకుంటే ఐఫోన్ ఫోటోగ్రఫీ లో-లైటింగ్, లాంగ్-రేంజ్ షాట్స్ కోసం డెడికేటెడ్ కెమెరా ఫీచర్లకు దగ్గరగా ఉంటుంది.
ఐఫోన్ 18 ప్రో మాక్స్ పనితీరు, బ్యాటరీ ఎలా ఉండవచ్చు?
ఐఫోన్ 18 ప్రో మాక్స్ పర్ఫార్మెన్స్, బ్యాటరీ : ఆపిల్ ఐఫోన్ 18 ప్రో లైనప్లో ఆపిల్ సిలికాన్ చిప్తో వస్తుంది. ఐఫోన్ 18 ప్రో మాక్స్ A20 ప్రో స్పీడ్, సామర్థ్యంతో పాటు ఏఐ ఫీచర్లతో వస్తుంది. బ్యాటరీ లైఫ్ కూడా అద్భుతంగా ఉంటుంది. ముఖ్యంగా ప్రో మాక్స్లో దాదాపు 5100mAh బ్యాటరీతో రానుంది.
భారత్లో ఐఫోన్ 18 ప్రో మ్యాక్స్ ధర, లాంచ్ తేదీ : నివేదికల ప్రకారం.. ఆపిల్ 2026లో వార్షిక సెప్టెంబర్ ఈవెంట్ జరగనుంది. సెప్టెంబర్ 3 నుంచి సెప్టెంబర్ 9 మధ్య జరిగే ఈవెంట్లో ఐఫోన్ 18 ప్రో, ఐఫోన్ 18 ప్రో మాక్స్తో పాటు ఫోల్డబుల్ లాంచ్ కానుంది.
లాంచ్కు ముందు వారంలోనే ప్రీ-ఆర్డర్లు ప్రారంభం కానున్నాయి. ఆ తర్వాత వెంటనే భారత మార్కెట్లో కూడా సేల్స్ ప్రారంభమవుతాయి. ధర విషయానికొస్తే.. భారత మార్కెట్లో దాదాపు ధర రూ.1,54,900 నుంచి ఐఫోన్ 18 ప్రో మాక్స్ లాంచ్ అయ్యే అవకాశం ఉంది.
ఐఫోన్ 18 ప్రో సిరీస్ విడుదల కోసం ఆపిల్ లవర్స్ ఎంతగానో ఎదురుచూస్తున్నారు. ఫోల్డబుల్ ఐఫోన్ రానుందనే వార్త మరింత ఆసక్తిని రేకెత్తిస్తోంది. మరిన్ని వివరాల కోసం వేచి చూడాల్సిందే.
