బిగ్ బాస్ తెలుగు సీజన్ 9లో తనూజ కేంద్రంగా వివాదాలు రాజుకుంటున్నాయి. ఆమెకు బిగ్ బాస్ అనుకూలంగా వ్యవహరిస్తుందనే ఆరోపణలు, మాజీ కంటెస్టెంట్ శ్రీజ వ్యాఖ్యలతో ఊపందుకున్నాయి. తాజాగా కళ్యాణ్ తో జరిగిన గొడవ, ఆదిరెడ్డి విమర్శలతో తనూజ వ్యవహారంపై సర్వత్రా చర్చ జరుగుతోంది.
Key Points
తనూజకి బిగ్ బాస్ టీమ్ తరచుగా సీక్రెట్ ఫీడ్బ్యాక్ ఇస్తుందని శ్రీజ ఆరోపణ.
బిగ్ బాస్ టాస్క్ లో సంజన, సుమన్ మధ్య వివాదం తనూజ, కళ్యాణ్ గొడవగా మారింది.
ఎత్తు తక్కువ ఉన్న సుమన్ శెట్టిని విజేతగా ప్రకటించాలని తనూజ వాదించింది.
ఆదిరెడ్డి తనూజ చెప్పిన లాజిక్ ని 'తుప్పాస్ లాజిక్'గా అభివర్ణించారు.
తనూజకి బిగ్ బాస్ ఫేవరిటిజం ఆరోపణలు
బిగ్ బాస్ తెలుగు సీజన్ 9లో పరిణామాలు హీటెక్కుతున్నాయి. బిగ్ బాస్ హౌస్ ప్రస్తుతం బీబీ రాజ్యంగా మారింది. ఈ రాజ్యానికి కళ్యాణ్ రాజు. దివ్య,రీతూ చౌదరి మహారాణులుగా ఉన్నారు. తనూజ, పవన్, సంజన, నిఖిల్ లని రాజు కమాండర్లుగా ఎంపిక చేశారు. ఈ క్రమంలో సంజన, సుమన్ శెట్టి మధ్య బాక్స్ లని అమర్చే టాస్క్ వివాదానికి కారణం అయింది.
వీరిద్దరి టాస్క్ కాస్త తనూజ, కళ్యాణ్ ల మధ్య గొడవగా మారిపోయింది. ప్రతి అంశంలో తనూజ హైలైట్ అవుతుండడంతో సోషల్ మీడియాలో నెటిజన్లు ఆమెని ట్రోల్ చేస్తున్నారు. తనూజకి బిగ్ బాస్ నిర్వాహకులు ఫేవరిటిజం చేస్తున్నారు అనే విమర్శలు ఎక్కువ అవుతున్నాయి. ఎలిమినేట్ అయిన శ్రీజ శ్రీజ వ్యాఖ్యలు ఈ ఊహాగానాలకు బలం చేకూరుస్తున్నాయి. శ్రీజ తన వీడియోలో.. తనూజని బిగ్ బాస్ టీమ్ తరచుగా సీక్రెట్ రూమ్ కి పిలిచి ఫీడ్ బ్యాక్ ఇస్తున్నారని.. దాని ప్రకారం ఆమె స్ట్రాటజీ మార్చుకుంటోంది అని ఆరోపించింది.
సంజన-సుమన్ టాస్క్: తనూజ-కళ్యాణ్ గొడవ
నవంబర్ 11న మంగళవారం జరిగిన ఎపిసోడ్ లో తనూజ, కళ్యాణ్ మధ్య వివాదం చెలరేగింది. బిగ్ బాస్ ఇచ్చిన టాస్క్ లో సంజన, సుమన్ శెట్టి పోటీ పడ్డారు. బాక్స్ లని ఒకదానిపై ఒకటి అమర్చాలి. సంజన సుమన్ శెట్టి కంటే హైట్ ఉంది కనుక ఆమెకి అడ్వాంటేజ్ ఉంటుంది. ఒకసారి టాస్క్ మొదలయ్యాక ఎవరు హైట్ ఉన్నారు ? ఎవరు తక్కువ హైట్ ఉన్నారు అనేది లెక్కలోకి రాదు. ఎవరి ప్రయత్నం వాళ్ళు చేసి గెలవాల్సిందే.
తనకి అందినంత వరకు సుమన్ బాక్స్ లని అమర్చారు. టాస్క్ అయిపోయే లోపు ఇద్దరూ బాక్స్ లని అమర్చారు. ఇద్దరూ సమానంగా ఉన్నప్పుడు ఎవరి అమరిక బావుందో అని చెక్ చేసి సంచాలకుడిగా కళ్యాణ్ నిర్ణయం తీసుకోవాలి. సంజన అమర్చిన విధానం బావుంది. దీనితో ఆమె విజయం సాధించినట్లు కళ్యాణ్ ప్రకటించారు. కానీ తనూజ, దివ్య.. కళ్యాణ్ తో గొడవ పడ్డారు. సుమన్ శెట్టి హైట్ తక్కువగా ఉన్నప్పటికీ సంజనతో సమానంగా బాక్స్ లు పెట్టారు. అలాంటప్పుడు అతడే విజేత అనే లాజిక్ చెప్పింది తనూజ.
తనూజ ‘తుప్పాస్ లాజిక్’పై ఆదిరెడ్డి ఆగ్రహం
తనూజ కామెంట్స్ పై బిగ్ బాస్ మాజీ కంటెస్టెంట్, యూట్యూబర్ ఆదిరెడ్డి విరుచుకుపడ్డారు. అసలు ఈ టాస్క్ లో వ్యక్తుల హైట్ గురించి తనూజ ఎందుకు ప్రస్తావించింది ? హైట్ తక్కువగా ఉన్న సుమన్ శెట్టికి అడ్వాంటేజ్ ఇవ్వమని బిగ్ బాస్ చెప్పారా ? ఆమె చెప్పింది తుప్పాస్ లాజిక్ అంటూ ఆదిరెడ్డి అభివర్ణించారు. ఇద్దరి బాక్స్ లు సమానంగా ఉన్నాయి. అలాంటప్పుడు ఎవరు బాగా అమర్చారో చూసి సంచాలక్ నిర్ణయం తీసుకోవాలి. కళ్యాణ్ చేసింది ఈ టాస్క్ లో కరెక్ట్ అని ఆదిరెడ్డి అన్నారు.
బిగ్ బాస్ ఇంట్లో తనూజ ప్రవర్తన, ఆమె వాదించిన లాజిక్ పై ప్రేక్షకులు, మాజీ కంటెస్టెంట్ల నుండి భిన్నాభిప్రాయాలు వ్యక్తమవుతున్నాయి. ఇది బిగ్ బాస్ హౌస్ లో మరింత ఉత్కంఠను రేకెత్తిస్తోంది. రాబోయే ఎపిసోడ్లలో ఈ వివాదం ఎలాంటి మలుపు తిరుగుతుందో వేచి చూడాలి.
