థ్రిల్లర్ సినిమాలను ఇష్టపడే వారికి ‘ది ఉమెన్ ఇన్ క్యాబిన్ 10’ ఒక అద్భుతమైన ఎంపిక. నెట్ఫ్లిక్స్లో తెలుగు డబ్బింగ్లో అందుబాటులో ఉన్న ఈ సైకలాజికల్ థ్రిల్లర్, చూసే ప్రేక్షకుడిని చివరి వరకు ఉత్కంఠకు గురి చేస్తుంది. ఒక షిప్ ప్రయాణంలో జరిగిన విచిత్ర సంఘటనల చుట్టూ ఈ కథ సాగుతుంది.
Key Points
'ది ఉమెన్ ఇన్ క్యాబిన్ 10' నెట్ఫ్లిక్స్లో స్ట్రీమింగ్ అవుతున్న సైకలాజికల్ థ్రిల్లర్.
ప్రముఖ నవలా రచయిత్రి రూత్ వేర్ రాసిన పుస్తకం ఆధారంగా ఈ సినిమా తెరకెక్కింది.
విలాసవంతమైన షిప్ ప్రయాణంలో గది నెం.10లో జరిగిన మిస్టరీ చుట్టూ కథ సాగుతుంది.
జర్నలిస్ట్ లారా, గదిలో ఉన్న అమ్మాయి అదృశ్యం వెనుక ఉన్న రహస్యాన్ని ఛేదించే ప్రయత్నం చేస్తుంది.
‘ది ఉమెన్ ఇన్ క్యాబిన్ 10’ కథాంశం
థ్రిల్లర్ జోనర్లందు సైకలాజికల్ థ్రిల్లింగే వేరయా…నిజానికి సినిమాల్లో ఉన్న అన్ని జోనర్లలో థ్రిల్లర్ జోనర్ కు ఓ ప్రత్యేకమైన స్థానం ఉంది. అందులోను సైకలాజికల్ థ్రిల్లర్ మరింత ప్రత్యేకమైనది, ఎందుకంటే చూసే ప్రేక్షకుడిని ఆద్యంతం కట్టిపడేసేది ఈ సైకలాజికల్ థ్రిల్లరే. నెట్ ఫ్లిక్స్ ఓటిటి వేదికగా ఇటీవలే విడుదలైన సినిమా ది ఉమెన్ ఇన్ కేబిన్ 10(The Woman In Cabin 10 OTT Movie Review) ఈ కోవకు చెందినదే. ప్రముఖ నవలా రచయిత్రి రూత్ వేర్ రాసిన పుస్తకం ఆధారంగా తీసిన ఈ సినిమాను దర్శకులు సైమన్ స్టోన్ తెరకెక్కించారు. నెట్ ఫ్లిక్స్ వేదికగా ఈ సినిమా తెలుగు డబ్బింగ్ వెర్షన్ కూడా లభ్యమవుతోంది.
ఈ సినిమా చాలా వరకు విమర్శకుల ప్రశంసలు పొందింది. ఇక ఈ సినిమా కథాంశానికొస్తే…ఇన్వేస్టిగేటివ్ జర్నలిస్ట్ అయిన లారా కు ధనవంతురాలైన అనీబల్మర్ నుండి ఓ ఆహ్వానం అందుతుంది. క్యాన్సర్ బాధితురాలిగా ఆఖరి దశలో ఉన్న అనీబల్మర్ తన యావదాస్తిని తన భర్త అయిన రిచర్డ్ పేరిట రాయడానికి, అలాగే తాను నిర్వహించే స్వచ్ఛంధ సంస్థకు ఫండ్ రైజింగ్ కోసం ప్రపంచంలో ఉన్న ధనవంతులతో పాటు లారాని కూడా ఓ షిప్ ప్రయాణానికి ఆహ్వానిస్తుంది.
సస్పెన్స్, థ్రిల్లింగ్ క్షణాలు
వీరంతా కలిసి ఓ విలాసవంతమైన షిప్ లో నార్వేకి వెళుతుంటారు. లారాకి ఆ షిప్ లో 8వ నెంబరు గదిని కేటాయిస్తారు. రెండు రోజుల ఈ ప్రయాణంలో ప్రతి క్షణం విందులు, వినోదాలతో ఆహ్లాదకరంగా ఉంటుంది. అనూహ్యంగా ఓ రోజు రాత్రి 10 వ నెంబరు గది నుండి ఓ అమ్మాయి సముద్రంలోకి పడిపోవడం లారా గమనిస్తుంది. ఇదే విషయం నిర్వాహకులకు చెబితే ఆ గదిని ఎప్పుడూ తెరవలేదని, దాంట్లో ఎవరూ లేరని లారాకు చెబుతారు.
నెట్ఫ్లిక్స్లో తెలుగు డబ్బింగ్
లారా వాళ్ళ మాటలు నమ్మదు, ఇంతలో లారా పై కూడా ఓ హత్యా ప్రయత్నం జరుగుతుంది. ఆ 10వ నెంబరులో ఉన్న అమ్మాయి ఎవరో, ఎందుకు పడిపోయిందో తెలుసుకోవడానికి లారా శతవిధాలా ప్రయత్నిస్తూ ఉంటుంది. ఇంతకీ ఆ గదిలో ఆమె ఉన్నట్టా లేనట్టా, అలాగే లారా పై హత్యాయత్నం చేసిందెవరు ? ఈ ప్రశ్నలన్నిటికీ సమాధానలు కావాలంటే నెట్ ఫ్లిక్స్ లో స్ట్రీమ్ అవుతున్న ది ఉమెన్ ఇన్ కేబిన్ 10 సినిమాని చూడాల్సిందే. అక్కడక్కడా కాస్త స్లో గా అనిపించినా ఈ సైకలాజికల్ థ్రిల్లర్ మస్ట్ వాచ్ ఫర్ ది వీకెండ్. ఫైండ్ అవుట్ ది ఉమెన్ ఇన్ కేబిన్ 10 దిస్ వీక్. – హరికృష్ణ ఇంటూరు
మొత్తం మీద, ‘ది ఉమెన్ ఇన్ క్యాబిన్ 10’ వీకెండ్ కోసం తప్పక చూడాల్సిన సైకలాజికల్ థ్రిల్లర్. నెమ్మదిగా సాగినా, సస్పెన్స్, మిస్టరీ ప్రేమించే వారికి ఈ సినిమా మంచి అనుభూతిని అందిస్తుంది. వెంటనే నెట్ఫ్లిక్స్లో చూడండి.
