రవితేజ మేనల్లుడు అవినాశ్ వర్మ నటించిన ‘జగమెరిగిన సత్యం’ సినిమా ఓటీటీలోకి ప్రవేశించబోతోంది. ఐఎండీబీలో 9.5 రేటింగ్తో ప్రేక్షకులను ఆకట్టుకున్న ఈ రొమాంటిక్ థ్రిల్లర్, రెండున్నర నెలల తర్వాత సన్ నెక్స్ట్లో స్ట్రీమింగ్ కానుంది.
Key Points
రవితేజ మేనల్లుడు అవినాశ్ వర్మ నటించిన 'జగమెరిగిన సత్యం' ఓటీటీలోకి రానుంది.
ఐఎండీబీలో 9.5 అద్భుతమైన రేటింగ్ సొంతం చేసుకున్న ఈ సినిమా జులై 4 నుంచి స్ట్రీమింగ్.
తెలంగాణ బ్యాక్డ్రాప్లో రొమాంటిక్ థ్రిల్లర్గా తెరకెక్కిన ఈ చిత్రం సన్ నెక్స్ట్లో అందుబాటులో ఉంటుంది.
ఏప్రిల్ 18న విడుదలైన ఈ సినిమా రెండున్నర నెలల తర్వాత ఓటీటీ ప్రేక్షకుల ముందుకు వస్తోంది.
జగమెరిగిన సత్యం: ఓటీటీ విడుదల వివరాలు
ఓటీటీలోకి రవితేజ మేనల్లుడు నటించిన మూవీ స్ట్రీమింగ్ కు రాబోతోంది. ఈ సినిమా పేరు జగమెరిగిన సత్యం. తెలంగాణ బ్యాక్డ్రాప్ లో వచ్చిన ఈ సినిమా ఏప్రిల్ 18న థియేటర్లలో రిలీజ్ కాగా.. మొత్తానికి రెండున్నర నెలల తర్వాత ఈ వారమే ఓటీటీలోకి వస్తోంది. మరి ఈ సినిమా ఎప్పుడు, ఎక్కడ చూడాలి? అసలు కథేంటి అన్న వివరాలు ఇక్కడ చూడండి.
తెలుగు రొమాంటిక్ థ్రిల్లర్ మూవీ జగమెరిగిన సత్యం. ఈ సినిమా వచ్చే శుక్రవారం (జులై 4) నుంచి సన్ నెక్ట్స్ (Sun NXT) ఓటీటీలో స్ట్రీమింగ్ అవుతుంది. ఈ విషయాన్ని సోమవారం (జూన్ 30) ఆ ఓటీటీ తన ఎక్స్ అకౌంట్ ద్వారా వెల్లడించింది.
9.5 ఐఎండీబీ రేటింగ్తో ఆకట్టుకున్న సినిమా
“అహంకారంతో నడిచే ఓ ఊళ్లో ఒక వ్యక్తి ప్రేమ అతని అతిపెద్ద తిరుగుబాటు అయింది. జగమెరిగిన సత్యం.. జులై 4 నుంచి సన్ నెక్ట్స్ లో స్ట్రీమింగ్ కానుంది” అనే క్యాప్షన్ తో ట్వీట్ చేసింది.
జగమెరిగిన సత్యం సినిమా ఈ ఏడాది ఏప్రిల్ 18న థియేటర్లలో రిలీజైంది. ఐఎండీబీ లో ఏకంగా 9.5 రేటింగ్ సొంతం చేసుకుంది. అయితే బాక్సాఫీస్ దగ్గర పెద్దగా ప్రభావం చూపలేదు. ఇదో రొమాంటిక్ థ్రిల్లర్ మూవీ. తెలంగాణ బ్యాక్డ్రాప్ లో వచ్చిన మరో సినిమా. తెలంగాణ, మహారాష్ట్ర సరిహద్దుల్లో ఉండే దిండ అనే గ్రామంలో 1994లో జరిగిన కథగా సాగుతుంది.
కథ, నటీనటులు మరియు సాంకేతిక నిపుణులు
ఈ సినిమాలో సత్యం అనే పాత్రలో రవితేజ మేనల్లుడు అవినాశ్ వర్మ నటించాడు. సత్యం, సరిత ప్రేమ చుట్టూ తిరిగే స్టోరీ ఇది. సర్పంచ్ మేనకోడలైన సరితను సత్యం ప్రేమించడం ఆ ఊళ్లో పెద్ద దుమారమే రేపుతుంది. తిరుపతి డైరెక్ట్ చేసిన ఈ సినిమాను విజయ భాస్కర్ నిర్మించాడు. సురేష్ బొబ్బిలి మ్యూజిక్ అందించాడు.
అవినాశ్ వర్మతోపాటు ఆద్యరెడ్డి, నీలిమ, వాసుదేవరావు, నితిన్ భోగరాజు లాంటి వాళ్లు నటించారు. ఈ సినిమాకు మిక్స్డ్ రివ్యూలు వచ్చాయి. బాక్సాఫీస్ దగ్గర పెద్దగా ప్రభావం చూపని ఈ జగమెరిగిన సత్యం మూవీ ఇప్పుడు సన్ నెక్ట్స్ ఓటీటీలోకి జులై 4న అడుగుపెట్టబోతోంది.
చివరగా, ఐఎండీబీలో 9.5 రేటింగ్ సాధించిన ‘జగమెరిగిన సత్యం’ సినిమా జులై 4 నుంచి సన్ నెక్స్ట్ లో ప్రసారం కానుండటంతో, ప్రేక్షకులు ఆసక్తిగా ఎదురుచూస్తున్నారు.
