రిషబ్ శెట్టి దర్శకత్వంలో వచ్చిన కాంతార చాప్టర్ 1 బాక్సాఫీస్ వద్ద రికార్డులు సృష్టిస్తోంది. ఐదు రోజుల్లో ప్రపంచవ్యాప్తంగా రూ.362.75 కోట్లు సాధించి, ముఖ్యంగా హిందీ మార్కెట్లో అద్భుతమైన వసూళ్లను రాబట్టింది. కన్నడ కంటే హిందీలోనే ఎక్కువ కలెక్షన్లు వచ్చాయి.
Key Points
కాంతార చాప్టర్ 1 ఐదు రోజుల్లో ప్రపంచవ్యాప్తంగా రూ.362.75 కోట్లు వసూలు చేసింది.
ఇండియాలో నికర వసూళ్లు రూ.256.5 కోట్లు, గ్రాస్ రూ.307 కోట్లు.
హిందీలో రూ.82.25 కోట్లతో కన్నడ (రూ.75.85 కోట్లు) కంటే ఎక్కువ కలెక్షన్లు సాధించింది.
రిషబ్ శెట్టి దర్శకత్వం వహించిన ఈ చిత్రం బడ్జెట్ రూ.125 కోట్లు.
కాంతార చాప్టర్ 1 ఐదు రోజుల కలెక్షన్లు
2022 కాంతారా చిత్రానికి ప్రీక్వెల్గా వచ్చిన కాంతార చాప్టర్ 1 సినిమా బాక్స్ ఆఫీస్ వద్ద తన కలెక్షన్ల పరుగును కొనసాగిస్తోంది. ఈ శాండల్వుడ్ చిత్రం ప్రపంచవ్యాప్తంగా బాక్సాఫీస్ ను షేక్ చేస్తోంది. పాన్ ఇండియా భాషల్లో రిలీజైన ఈ మూవీ కలెక్షన్లలో దూసుకెళ్తోంది. ప్రపంచవ్యాప్తంగా రూ.350 కోట్లు, ఇండియాలో రూ.250 కోట్లు దాటింది.
కాంతార చాప్టర్ 1 కలెక్షన్లు
ఇండస్ట్రీ ట్రాకర్ సక్నిల్క్ ప్రకారం కాంతార చాప్టర్ 1 ఇండియాలో అయిదు రోజుల్లో రూ.256.5 కోట్ల నెట్ కలెక్షన్లు సొంతం చేసుకుంది. రిషబ్ శెట్టి స్వీయ దర్శకత్వంలో హీరోగా యాక్ట్ చేసిన ఈ సినిమా బాక్సాఫీస్ దగ్గర నిలకడ ప్రదర్శిస్తోంది. సోమవారం (అక్టోబర్ 6) ఈ మూవీ ఇండియాలో రూ.31.25 కోట్ల నెట్ వసూళ్లు రాబట్టింది.
హిందీలో భారీ వసూళ్లు, భాషల వారీగా గణాంకాలు
కాంతార చాప్టర్ 1 మూవీకి హిందీలో ఎక్కువ కలెక్షన్లు వస్తున్నాయి. అయిదు రోజుల్లో హిందీలో ఈ సినిమా రూ.82.25 కోట్లు ఖాతాలో వేసుకుంది. ఆ తర్వాత కన్నడలో రూ.75.85 కోట్లు సొంతం చేసుకుంది. తెలుగులోనూ మంచి ఆదరణ లభిస్తోంది. ఇక్కడ రూ.52.75 కోట్లు, తమిళంలో రూ.24.75 కోట్లు, మలయాళంలో రూ.20.9 కోట్లు దక్కించుకుంది.
కాంతార చాప్టర్ 1 సినిమా ప్రపంచవ్యాప్తంగా అయిదు రోజుల్లో రూ.362.75 కోట్ల కలెక్షన్లు రాబట్టింది. ఇందులో ఇండియా గ్రాస్ రూ.307 కోట్లు కాగా, ఓవర్సీస్ వాటా రూ.55.75 కోట్లు. వీక్ డేస్ లో కూడా కాంతార చాప్టర్ 1 జోరు కొనసాగిస్తోంది. ఇప్పటికే అత్యధిక వసూళ్లు సాధించిన మూడో కన్నడ సినిమాగా నిలిచిన కాంతార 2 మరికొన్ని రికార్డులు బ్రేక్ చేసే అవకాశముంది.
కాంతార చాప్టర్ 1 సినిమాకు అన్ని వర్గాల నుంచి పాజిటివ్ టాక్ వస్తోంది. ఇది సినిమా రన్ ను మరించ పెంచే అవకాశముంది. రిషబ్ శెట్టి రచన, దర్శకత్వం వహించిన ఈ చిత్రం బడ్జెట్ రూ. 125 కోట్లు.
ప్రపంచవ్యాప్తంగా, ఇండియాలో కాంతార 1 దూకుడు
దసరా సందర్భంగా అక్టోబర్ 2న విడుదలైన ఈ చిత్రం ప్రారంభ రోజున రూ. 61.85 కోట్ల నికర వసూళ్లు చేసింది. 169 నిమిషాల నిడివితో విడుదలైన ఈ చిత్రం కన్నడ బాక్సాఫీస్ వద్ద ఉదయం 41.91% ఆక్యుపెన్సీతో రికార్డు సృష్టించింది. హిందీ, తెలుగు, తమిళ, మలయాళ షోలకు కూడా భారీ సంఖ్యలో ప్రేక్షకులు వచ్చారు.
చిత్ర విశ్లేషకుడు తరణ్ ఆదర్శ్ ఎక్స్ లో కాంతారా చాప్టర్ 1 అక్టోబర్ 3, 4 తేదీల్లో అద్భుతమైన ప్రదర్శన కనబరిచినట్లు పోస్ట్ చేశారు. ఆ పోస్ట్లో “కాంతార చాప్టర్ 1 తన ఫస్ట్ వీకెండ్ లో అద్భుతమైన వసూళ్లు సాధించింది. సెలవు తర్వాత పనిదినమైన శుక్రవారం మినహా మిగిలిన మూడు రోజులు గురువారం, శనివారం, ఆదివారం సూపర్ వృద్ధిని చూశాయి. ఇప్పుడు అందరి దృష్టి సోమవారంపై ఉంది.” అని పేర్కొన్నారు.
కాంతార చాప్టర్ 1 చిత్రం వీక్ డేస్లోనూ అద్భుతమైన జోరును కొనసాగిస్తూ, పాన్ ఇండియా స్థాయిలో ప్రేక్షకులను అలరిస్తోంది. రిషబ్ శెట్టి విజన్, సినిమాకు లభిస్తున్న పాజిటివ్ టాక్ మరిన్ని రికార్డులను బద్దలు కొట్టే అవకాశాన్ని సూచిస్తున్నాయి.
