యంగ్ హీరోయిన్ కయాదు లోహర్ తన అభిమాన తెలుగు చిత్రం ‘ఏమాయ చేసావే’ గురించి చేసిన వ్యాఖ్యలు ప్రస్తుతం చర్చనీయాంశంగా మారాయి. ఈ సినిమా ఎంతో స్ఫూర్తినిస్తుందని ఆమె కీర్తించింది. అయితే, ఆమె వ్యాఖ్యలపై నెటిజన్లు మిశ్రమంగా స్పందిస్తున్నారు.
Key Points
కయాదు లోహర్ త్వరలో 'డ్యూడ్' సినిమాతో ప్రేక్షకుల ముందుకు.
ఆమెకి 'ఏమాయ చేసావే' అత్యంత ఇష్టమైన తెలుగు చిత్రం.
'ఏమాయ చేసావే' స్ఫూర్తిదాయకమని, తన హృదయంలో ప్రత్యేక స్థానం ఉందని పేర్కొంది.
సమంత-నాగచైతన్య జంటను ప్రస్తావించనందుకు నెటిజన్ల నుండి విమర్శలు.
కయాదు లోహర్ అభిమాన చిత్రం
కోలీవుడ్ యంగ్ హీరోయిన్ కయాదు లోహర్ (Kayadu Lohar)తెలుగు, తమిళ, మలయాళ, కన్నడ భాషల్లో వరుస అవకాశాలు అందుకుంటూ ఫుల్ ఫామ్లో ఉంది. త్వరలో ఈ అమ్మడు ‘డ్యూడ్’ (Dude)సినిమాతో ప్రేక్షకుల ముందుకు రాబోతుంది. ప్రదీప్ రంగనాథన్(Pradeep Ranganathan), కీర్తిశ్వరన్ కాంబోలో తెరకెక్కుతోంది. మైత్రీ మూవీ మేకర్స్ నిర్మాణంలో రాబోతున్న ఈ భారీ బడ్జెట్ చిత్రం దీపావళి కానుకగా విడుదల కాబోతుంది. ఈనేపథ్యంలో.. తాజాగా, ఓ ఈవెంట్లో పాల్గొన్న కయాదు లోహర్ తనకు నచ్చిన సినిమా గురించి ఆసక్తికర కామెంట్స్ చేసింది. ‘‘నాకెంతో ఇష్టమైన తెలుగు చిత్రం ‘ఏమాయ చేసావే’. ఇది అందరికీ స్ఫూర్తిని కలిగించే మూవీ.
తెలుగు, తమిళ వెర్షన్లకు నేను వీరాభిమానిని. నా మనస్సును కదిలించే స్టోరీ టెల్లింగ్ చాలా మందికి ప్రేరణ కలిగించేలా ఈ రొమాంటిక్ డ్రామా సాగుతుంది. ఈ చిత్రానికి నా హృదయంలో ప్రత్యేక స్థానం ఉంటుంది. తమిళ వెర్షన్లో త్రిష, శింబు కాంబో అద్భుతంగా ఉంది. ఏఆర్ రెహమాన్ మ్యూజిక్ ఆల్బమ్ ఆల్టైమ్ ఫేవరేట్ హిట్ లిస్టులో ఉంటుంది’’ అని చెప్పుకొచ్చింది. ప్రస్తుతం ఈ అమ్మడు కామెంట్స్ సోషల్ మీడియాలో చక్కర్లు కొడుతున్నాయి. ఇక ఈ విషయం తెలుసుకున్న నెటిజన్లు.. రకరకాలుగా స్పందిస్తూ కయాదుని తిడుతున్నారు. సమంత, నాగచైతన్య జంట గురించి మాట్లాడలేదని ఫుల్ ఫైర్ అవుతున్నారు.
‘ఏమాయ చేసావే’పై ప్రశంసలు
నెటిజన్ల ఫైర్: కారణం ఏంటి?
కయాదు లోహర్ ‘ఏమాయ చేసావే’ చిత్రం పట్ల తన అభిమానాన్ని వ్యక్తం చేసినప్పటికీ, నెటిజన్ల ఆగ్రహానికి గురికావడం గమనార్హం. ఆమె వ్యాఖ్యలు సోషల్ మీడియాలో విభిన్న చర్చలకు దారితీశాయి, సినిమాపై వ్యక్తిగత అభిప్రాయాలు, అభిమానుల అంచనాల మధ్య వ్యత్యాసాన్ని చూపాయి.
