విజయ్ దేవరకొండ నటించిన కింగ్డమ్ చిత్రం ప్రీ-రిలీజ్ ఈవెంట్ లో, మలయాళ నటుడు వెంకటేశ్ తన అనుభవాలను పంచుకున్నారు. ఆయన మలయాళ సీరియల్స్ నుండి సినిమా రంగంలోకి ప్రయాణం చేసిన విధానాన్ని వివరించారు.
Key Points
కింగ్డమ్ చిత్రంలో వెంకటేశ్ కీలక పాత్ర పోషిస్తున్నారు.
వెంకటేశ్ కు ఇది మొదటి క్యారవాన్ మూవీ అని ఆయన వెల్లడించారు.
మలయాళ సీరియల్ నుండి సినిమా ప్రయాణం గురించి వెంకటేశ్ తన అనుభవాన్ని పంచుకున్నారు.
సితార ఎంటర్టైన్మెంట్స్తో మళ్ళీ పనిచేయాలని ఆయన ఆశించారు.
కింగ్డమ్ ప్రీ-రిలీజ్ ఈవెంట్ హైలైట్స్
విజయ్ దేవరకొండ ఫ్యాన్స్ ఎంతో ఆసక్తిగా ఎదురు చూస్తోన్న చిత్రం కింగ్ డమ్ . గౌతమ్ తిన్ననూరి దర్శకత్వంలో వస్తోన్న ఈ యాక్షన్ థ్రిల్లర్ విడుదలకు అంతా సిద్ధమైంది . ఇప్పటికే ట్రైలర్ విడుదల కాగా .. అంచనాలు మరింత పెంచేసింది . రిలీజ్ కు రెండు రోజులు మాత్రమే సమయం ఉండడంతో కింగ్ డమ్ మూవీ మేకర్స్ హైదరాబాద్ లో గ్రాండ్ గా ప్రీ రిలీజ్ ఈవెంట్ నిర్వహించారు .
వెంకటేశ్ యొక్క సినీ ప్రయాణం
అయితే ఈ ఈవెంట్ కు హాజరైన కింగ్ డమ్ నటుడు వెంకటేశ్ ఆసక్తికర కామెంట్స్ చేశారు . సితార ఎంటర్ టైన్ మెంట్స్ లో నటించడం తన అదృష్టమని అన్నారు . ఎందుకంటే తనకు ఫస్ట్ క్యారవాన్ దొరికిన చిత్రం కింగ్ డమ్ మాత్రమేనని వెంకటేశ్ ఆనందం వ్యక్తం చేశారు . మలయాళ ఇండస్ట్రీకి చెందిన వెంకటేశ్ కింగడమ్ చిత్రంలో కీలక పాత్ర పోషిస్తున్నారు .
సితార ఎంటర్టైన్మెంట్స్తో అనుభవం
వెంకటేశ్ మాట్లాడుతూ ..’ హలో హైదరాబాద్ .. ఇలాంటి పెద్ద క్రౌడ్ ను చూడడం నా లైఫ్ లో ఫస్ట్ టైమ్ . నాది కేరళ .. నాపేరు వెంకటేశ్ .. మలయాళ ఇండస్ట్రీలో ఒక సీరియల్ లో బ్యాక్ గ్రౌండ్ ఆర్టిస్ట్ నుంచి ఆ తర్వాత చిన్నపాత్రలు , తమిళ సినిమాలో హీరో .. ఈరోజు కింగ్ డమ్ . ఈ రోజు క్షణాలకు నాకు తొమ్మిదేళ్లు పట్టింది . ఈ జర్నీ పట్ల నాకు సంతోషంగా ఉంది . నాగవంశీకి నా ప్రత్యేక ధన్యవాదాలు . నా లైఫ్ లో క్యారవాన్ డోర్ దొరికిన మొదటి చిత్రం . ఇదే నాకు పెద్ద విషయం . మళ్లీ సితారా ఎంటర్టైన్మెంట్స్లో పనిచేయాలి . భవిష్యత్తులో హీరోగా చేయాలి ‘ అంటూ సంతోషం వ్యక్తం చేశారు .
వెంకటేశ్ తన సినీ జర్నీని, కింగ్డమ్ చిత్రం తనకు అందించిన అవకాశాన్ని గురించి సంతోషం వ్యక్తం చేశారు. భవిష్యత్తులో హీరోగా నటించాలనే ఆయన ఆశయం కూడా వెల్లడించారు.
