ధనుష్, నాగార్జున నటించిన కుబేర సినిమా తాజాగా విడుదలై బాక్సాఫీస్ వద్ద అద్భుతమైన విజయాన్ని సాధిస్తోంది. తొలి వీకెండ్లోనే భారీ వసూళ్లు సాధించి సినీ ప్రేమికులను ఆకట్టుకుంది.
Key Points
కుబేర సినిమా తొలి వీకెండ్లో రూ.87 కోట్ల గ్రాస్ కలెక్షన్స్ సాధించింది.
ఇండియాలో రూ.48.60 కోట్ల నికర వసూళ్లు, దేశవ్యాప్తంగా రూ.57 కోట్ల గ్రాస్ వసూళ్లు సాధించింది.
ఓవర్సీస్లో రూ.23 కోట్లకు పైగా వసూళ్లు సాధించింది.
త్వరలోనే తండేల్ సినిమా వసూళ్లను అధిగమించే అవకాశం ఉంది.
కుబేర సినిమా బాక్సాఫీస్ విజయం
ధనుశ్, నాగార్జున కీలక పాత్రల్లో వచ్చిన తాజా చిత్రం కుబేర. శేఖర్ కమ్ముల దర్శకత్వం వహించిన ఈ సినిమా.. బాక్సాఫీస్ వద్ద దూసుకెళ్తోంది. తొలిరోజే పాజిటివ్ టాక్ రావడంతో వసూళ్లపరంగా రాణిస్తోంది. ఈ మూవీకి ప్రపంచవ్యాప్తందా మూడు రోజుల్లోనే రూ.87 కోట్ల గ్రాస్ కలెక్షన్స్ సాధించింది. ఈ వసూళ్లతో ఈ వీకెండ్లో ప్రపంచవ్యాప్తంగా ఏకంగా తొమ్మిదో స్థానంలో నిలిచింది. హాలీవుడ్ హీరో డకోటా జాన్సన్ నటించిన మెటీరియలిస్ట్స్ మూవీని అధిగమించింది.
ప్రపంచవ్యాప్తంగా వసూళ్లు
ఇండియా వ్యాప్తంగా చూస్తే మూడు రోజుల్లో కుబేర మూవీ రూ.48.60 కోట్ల నికర వసూళ్లను సాధించింది. దేశవ్యాప్తంగా రూ. 57 గ్రాస్ కోట్ల వసూళ్లు రాబట్టింది. ఓవర్సీస్లో రూ.23 కోట్లకు పైగా వసూళ్లు రాగా.. ఓవరాల్గా రూ.80 కోట్లకు పైగా కలెక్షన్స్తో దూసుకెళ్తోంది. ఇదే జోరు కొనసాగితే త్వరలోనే నాగ చైతన్య చిత్రం తండేల్ రూ.88.25 కోట్ల వసూళ్లను అధిగమించడం ఖాయంగా కనిపిస్తోంది. ఈ చిత్రంలో రష్మిక మందన్న హీరోయిన్గా నటించింది. బాలీవుడ్ నటుడు జిమ్ సర్భ్ ప్రధాన పాత్ర పోషించారు.
ఇతర సినిమాలతో పోలిక
మరోవైపు అదే రోజు విడుదలైన ఆమిర్ ఖాన్ నటించిన సితారే జమీన్ పర్ సినిమా రూ.88 కోట్ల కలెక్షన్స్ సాధించింది. ప్రపంచవ్యాప్తంగా విడుదలైన సినిమాలపరంగా చూస్తే హౌ టు ట్రైన్ యువర్ డ్రాగన్, 28 ఇయర్స్ లేటర్, ఎలియో వంటి చిత్రాలు ఈ జాబితాలో ముందంజలో ఉన్నాయి. బాలేరినా మూవీ సితారే జమీన్ పర్కు కాస్తా దగ్గరగా ఉంది.
కుబేర సినిమా ప్రేక్షకులను ఆకట్టుకుని బాక్సాఫీస్ వద్ద విజయవంతంగా దూసుకుపోతోంది. ఇదే జోరు కొనసాగితే మరిన్ని రికార్డులు సృష్టించడం ఖాయం.
