రజినీకాంత్ నటించిన లాల్ సలామ్ సినిమా థియేటర్లలో నిరాశపరిచింది. అయితే, ఇటీవల ఓటీటీలో విడుదలైన తర్వాత సినిమాకు పాజిటివ్ రెస్పాన్స్ వస్తోంది. దీనికి కారణం ఏమిటో తెలుసుకుందాం.
Key Points
థియేటర్లలో విఫలమైన లాల్ సలామ్ ఓటీటీలో ప్రేక్షకులను ఆకట్టుకుంటోంది.
ఓటీటీ వెర్షన్ 2 గంటల 42 నిమిషాల రన్ టైమ్ తో విడుదలైంది.
ఎడిటింగ్ మరియు పేస్ లో మార్పులతో ఓటీటీ వెర్షన్ మెరుగైందని ప్రేక్షకులు అభిప్రాయపడుతున్నారు.
రూ.80 కోట్ల బడ్జెట్ తో రూపొందిన ఈ సినిమా థియేటర్లలో అనుకున్నంత ఆదరణ పొందలేదు.
లాల్ సలామ్ థియేట్రికల్ రిలీజ్ ఫలితాలు
తమిళ సూపర్ స్టార్ రజినీకాంత్ కీలకపాత్రలో నటించిన లాల్ సలామ్ చిత్రం బాక్సాఫీస్ వద్ద బోల్తా కొట్టింది. భారీ డిజాస్టర్ అయింది. ఈ పొటికల్ స్పోర్ట్స్ డ్రామా చిత్రంలో విష్ణు విశాల్, విక్రాంత్ ప్రధాన పాత్రలు పోషించారు. ఈ మూవీకి రజినీ కూతురు ఐశ్వర్య దర్శకత్వం వహించారు. గతేడాది ఫిబ్రవరి 9వ తేదీన థియేటర్లలో రిలీజైన లాల్ సలామ్ నెగెటివ్ టాక్తో దారుణమైన ఫలితాన్ని మూటగట్టుకుంది. అయితే, ఓటీటీలోకి చాలా ఆలస్యంగా ఇటీవలే వచ్చిన ఈ మూవీకి స్ట్రీమింగ్ తర్వాత పాజిటివ్ రెస్పాన్స్ వస్తోంది. ఆ వివరాలివే..
లాల్ సలామ్ చిత్రం ఇటీవలే జూన్ 6న సన్నెక్స్ట్ ఓటీటీలో తమిళంలో స్ట్రీమింగ్కు వచ్చింది. థియేటర్లలో రిలీజైన సుమారు 16 నెలలకు ఓటీటీలోకి ఎంట్రీ ఇచ్చింది. అయితే, థియేటర్ వెర్షన్తో పోలిస్తే సన్నెక్స్ట్ ఓటీటీలోకి ఈ మూవీ డిఫరెంట్ వెర్షన్ అడుగుపెట్టింది. కాస్త ఎక్కువ రన్టైమ్తో 2 గంటల 42 నిమిషాలుగా వచ్చింది. అయితే, రన్టైమ్ పెరగడంతో పాటు ఎడిటింగ్, పేస్లోనూ మూవీ టీమ్ మార్పులు చేసింది.
ఓటీటీ వెర్షన్ లోని మార్పులు
లాల్ సలామ్ ఓటీటీ వెర్షన్ ప్రేక్షకులను మెప్పిస్తోంది. ఈ చిత్రాన్ని చూసిన కొందరు నెటిజన్లు సోషల్ మీడియాలో పాజిటివ్గా రెస్పాండ్ అవుతున్నారు. థియేట్రికల్ వెర్షన్ కంటే చాలా మెరుగ్గా ఉందని చాలా మంది కామెంట్లు చేస్తున్నారు. ఈ చిత్రం ఎమోషనల్గా కనెక్ట్ అయ్యేలా ఉందని, గ్రిప్పింగ్గా అనిపిస్తోందని కొందరు అభిప్రాయపడ్డారు. డిఫరెంట్ వెర్షన్ కారణంగా లాల్ సలామ్ కు ఓటీటీ స్ట్రీమింగ్ తర్వాత సూపర్ రెస్పాన్స్ దక్కుతోంది.
లాల్ సలామ్ చిత్రాన్ని క్రికెట్, మతకలహాల అంశాలతో స్పోర్ట్స్ యాక్షన్ చిత్రంగా డైరెక్టర్ ఐశ్వర్య తెరకెక్కించారు. ఈ చిత్రంలో ఎమోషనల్గా కనెక్ట్ అవలేదని, సాగదీతగా అనిపించిందని థియేటర్లలో రిలీజైనప్పుడు మిక్స్డ్ టాక్ వచ్చింది. దీంతో కలెక్షన్లు సరిగా రాబట్టలేకపోయింది. సుమారు రూ.80కోట్ల బడ్జెట్తో రూపొందిన ఈ మూవీ రూ.20కోట్ల కలెక్షన్లు కూడా సాధించలేకపోయింది. అయితే, ఇప్పుడు ఓటీటీలో మాత్రం డిఫరెంట్ వెర్షన్తో ఆకట్టుకుంటోంది.
ప్రేక్షకుల స్పందన మరియు విశ్లేషణ
లాల్ సలామ్ మూవీలో మోహినుద్దీన్ భాయ్ అనే కీలక పాత్ర చేశారు రజినీకాంత్ . విష్ణు విశాల్, విక్రాంత్ లీడ్ రోల్స్ చేయగా.. సెంథిల్, జీవిత రాజశేఖర్, కేఎస్ రవికుమార్, తంబి రామయ్య, నిరోష, అనంతిక, వివేక్ ప్రసన్న, లివింగ్స్టన్ కీలకపాత్రలు పోషించారు. ఈ మూవీకి ఆస్కార్ విన్నర్ ఏఆర్ రహమాన్ సంగీతం అందించారు. ఈ చిత్రాన్ని లైకా ప్రొడక్షన్స్ పతాకంపై సుభాస్కరన్ నిర్మించారు.
చివరగా, థియేటర్ వెర్షన్ తో పోలిస్తే ఓటీటీ వెర్షన్ లోని మార్పులు లాల్ సలామ్ కు మంచి స్పందనను తెచ్చిపెట్టాయి. ఇది సినిమా నిర్మాతలు మరియు విడుదల విధానాలపై ఆలోచింపజేస్తుంది.
