టాలీవుడ్ నటి లావణ్య త్రిపాఠి ‘సతీ లీలావతి’ చిత్రంతో ప్రేక్షకులను అలరించడానికి సిద్ధమవుతున్నారు. ఈ చిత్రానికి సంబంధించి తాజాగా మోషన్ పోస్టర్ విడుదలైంది. లావణ్య ఈ చిత్రం తనకు ఎంతో ప్రత్యేకమని పేర్కొన్నారు.
Key Points
లావణ్య త్రిపాఠి ‘సతీ లీలావతి’ చిత్రంలో కీలక పాత్ర పోషిస్తున్నారు.
తాజాగా విడుదలైన మోషన్ పోస్టర్ ఆసక్తిని రేకెత్తిస్తోంది.
లావణ్య ఈ చిత్రాన్ని తనకు ప్రత్యేకంగా భావిస్తున్నట్లు తెలిపారు.
లీలావతి పాత్రలో లావణ్య, దేవ్ మోహన్ సీతు పాత్రలో నటిస్తున్నారు.
‘సతీ లీలావతి’ మోషన్ పోస్టర్ విడుదల
టాలీవుడ్ యంగ్ హీరోయిన్ లావణ్య త్రిపాఠి(Lavanya Tripathi) అందరికీ సుపరిచితమే. ఈ అమ్మడు ‘అందాల రాక్షసి’ చిత్రంతో ఇండస్ట్రీకి ఎంట్రీ ఇచ్చి ఫుల్ పాపులారిటీని సొంతం చేసుకుంది. మొదటి మూవీతోనే లావణ్యకు విపరీతమైన క్రేజ్ రావడంతో వరుస అవకాశాలు వచ్చాయి. అలా ఈ అమ్మడు శర్వానంద్, నాగార్జున(Nagarjuna), నాని, సాయి ధరమ్ తేజ్, సందీప్ కిషన్(Sundeep Kishan), నాగచైతన్య(Naga Chaitanya) వంటి హీరోల సరసన నటించి తన ఫేమ్ను మరింత పెంచుకుంది. ఈక్రమంలోనే ఈ అమ్మడు మెగా హీరో వరుణ్ తేజ్తో ఓ రెండు సినిమాలు చేసిన లావణ్య ప్రేమలో పడింది. కొద్ది కాలం ఎంజాయ్ చేసిన వీరిద్దరు పెద్దలను ఒప్పించి పెళ్లి చేసుకున్నారు.
లావణ్య త్రిపాఠి ప్రత్యేక పాత్ర
ఒక అప్పటి నుంచి మెగా కోడలుగా లావణ్య రేంజ్ మారిపోయింది. అయితే పెళ్లి తర్వాత ఆమె పూర్తిగా ఇండస్ట్రీకి దూరం అయింది. ఇంటి బాధ్యతలు చూసుకుంటూ భర్తలో పలు వెకేషన్స్కు వెళ్తూ పర్సనల్ లైఫ్లో ఫుల్ బిజీ అయిపోయింది. మళ్లీ ‘మిస్ పర్ఫెక్ట్’ అనే వెబ్సిరీస్ చేసింది. ప్రస్తుతం లావణ్య త్రిపాఠి ‘సతీ లీలావతి’(SathiLeelavathi)సినిమాతో ప్రేక్షకుల ముందుకు రానుంది . తాజాగా, ఈ చిత్రానికి సంబంధించిన మోషన్ పోస్టర్ను షేర్ చేస్తూ లావణ్య త్రిపాఠి ఇంట్రెస్టింగ్ ట్వీట్ పెట్టింది. ఈ సినిమాకు తన మనసులో ప్రత్యేక స్థానం ఉందని వెల్లడించింది.
చిత్ర విశేషాలు
ఈ చిత్రంలో లీలా పాత్రలో లావణ్య నటిస్తుండగా.. దేవ్ మోహన్ సీతు పాత్రలో కనిపించనున్నాడు. ఇక విడుదలైన పోస్టర్లో హీరోను బాత్రూమ్ సీట్పై కట్టేసి ఉంచగా.. లావణ్య వైట్ కలర్ షర్ట్, స్వెట్టర్ ధరించి అతని ముందు మైక్ పట్టుకుని నిల్చొని అరుస్తూ కనిపించింది. అయితే లేడీ ఓరియెంటెడ్ చిత్రంగా రాబోతున్న ‘సతీ లీలావతి’ సినిమాకు భీమిలీ కబడ్డి జట్టు ఫేమ్ తాతినేని సత్య దర్శకత్వం వహిస్తున్నారు. ఇక ఈ చిత్రాన్ని ప్రముఖ నిర్మాణ సంస్థ ఆనంది ఆర్ట్స్ సమర్పణలో దుర్వాదేవి పిక్చర్స్ బ్యానర్పై నాగమోహన్ నిర్మిస్తున్నారు. షూటింగ్ శరవేగంగా జరుపుకుంటున్న ఈ మూవీకి మిక్కీ జే మేయర్ సంగీతం అందిస్తున్నారు.
‘సతీ లీలావతి’ చిత్రం త్వరలోనే ప్రేక్షకుల ముందుకు రానుంది. లావణ్య త్రిపాఠి, దేవ్ మోహన్ జంట నటన ఆకట్టుకుంటుందని అంచనాలు ఉన్నాయి. ఈ సినిమాకు మంచి విజయం సాధించాలని కోరుకుందాం.
