కూలీ సినిమా ప్రమోషన్లలో బిజీగా ఉన్న లోకేశ్ కనగరాజ్, నాగార్జునను విలన్ గా ఎంచుకోవడం వెనుక ఉన్న రహస్యాన్ని వెల్లడించారు. ఆయన నాగార్జున గారి పెద్ద అభిమాని అని, ఆయనను ఒప్పించడానికి ఎన్ని ప్రయత్నాలు చేశారో వివరించారు.
Key Points
లోకేశ్ కనగరాజ్ నాగార్జున గారికి పెద్ద అభిమాని.
రక్షకుడు సినిమాలో నాగార్జున గారి లుక్ లోకేశ్ ని ఎంతగానో ఆకట్టుకుంది.
నాగార్జునను విలన్ గా ఒప్పించడానికి లోకేశ్ ఏడుసార్లు ప్రయత్నించాడు.
కూలీ సినిమాలో నాగార్జున కీలక పాత్ర పోషిస్తున్నారు.
నాగార్జున గారి అభిమానం
కోలీవుడ్ స్టార్ డైరెక్టర్ లోకేశ్ కనగరాజ్ ప్రస్తుతం కూలీ మూవీ ప్రమోషన్లతో బిజీగా ఉన్నారు . రజినీకాంత్ హీరోగా వస్తోన్న ఈ చిత్రం ఆగస్టు 14 న థియేటర్లలో సందడి చేయనుంది . ఈ మూవీలో టాలీవుడ్ హీరో నాగార్జున కీలక పాత్రలో కనిపించనున్నారు . రిలీజ్ తేదీ దగ్గర పడడంతో డైరెక్టర్ లోకేశ్ వరుస ఇంటర్వ్యూలకు హాజరవుతున్నారు .
ఒప్పించే ప్రయత్నం
ఈ నేపథ్యంలోనే తాజా ఇంటర్వ్యూలో నాగార్జునను విలన్ గా ఎంపిక చేయడంపై ప్రశ్న ఎదురైంది . ఎక్కువగా ఫ్యామిలీ ఓరియంటెడ్ మూవీస్ తీసే నాగార్జునను విలన్ గా ఎలా తీసుకున్నారని లోకేశ్ ను ప్రశ్నించారు . దీని వెనుక కారణాలను లోకేశ్ వివరించారు . తాను నాగార్జున సార్ కు వీరాభిమానిని అని లోకేశ్ తెలిపారు . ఆయన సినిమాలు ఎక్కువగా చూస్తానని అన్నారు . విలన్ గా ఒప్పించేందుకు చాలా రోజులు పట్టిందని ఆసక్తికర విషయాన్ని రివీల్ చేశారు .
కూలీ సినిమాలో నాగార్జున
లోకేశ్ కనగరాజ్ మాట్లాడుతూ ..’ నేను కాలేజీకి వెళ్లే రోజుల్లోనే నాగార్జున సినిమాలు చూసేవాడిని . ఆయన నటించిన రక్షకుడు మూవీ తన ఫేవరేట్ . ఆ సినిమాలో నాగ్ హెయిర్ స్టైల్ లుక్ తనను విపరీతంగా ఆకట్టుకుంది . ఆ తర్వాత అదే స్టైల్ లో కటింగ్ చేయించుకున్నా . శివ మూవీ కూడా చాలాసార్లు చూశా . గీతాంజలి, అన్నమయ్య లాంటి చిత్రాలకు ఫిదా అయిపోయా . కూలీ సినిమా కోసం నాగార్జునను ఒప్పించడం కోసం చాలా కష్టపడ్డాం. ఒకసారి డిఫరెంట్ గా ట్రై చేయండని అడిగాను . దాదాపు ఏడుసార్లు నాగార్జున వెంటపడ్డాకే నాగ్ సార్ ఒప్పుకున్నారు .’ అని తెలిపారు .
చివరగా, లోకేశ్ కనగరాజ్ నాగార్జునను కూలీ సినిమాలో విలన్ గా తీసుకోవడానికి ఎంత కష్టపడ్డారో తెలిసింది. నాగార్జున గారి అభిమానం వల్లే ఈ సాహసోపేతమైన నిర్ణయం తీసుకున్నారని లోకేశ్ తెలిపారు.
