📌 Key Points
- మంచు లక్ష్మి కూతురు విద్యా నిర్వాణ హాఫ్ శారీ ఫంక్షన్ వేడుకలో మంచు మనోజ్ ప్రత్యేక ఆకర్షణగా నిలిచారు.
- ఫంక్షన్కు మోహన్ బాబు, మంచు విష్ణు గైర్హాజరు కావడంతో కుటుంబంలో విభేదాలు ఉన్నాయనే వార్తలు ఊపందుకున్నాయి.
- గతంలో మంచు మనోజ్, విష్ణు మధ్య మనస్పర్థలు బహిర్గతమయ్యాయి.
- లక్ష్మి, మనోజ్ ఒకవైపు.. మోహన్ బాబు, విష్ణు మరోవైపు ఉన్నారని సోషల్ మీడియాలో చర్చ జరుగుతోంది.
మంచు కుటుంబంలో విభేదాలు కొనసాగుతున్నట్లు తెలుస్తోంది. మంచు లక్ష్మి కూతురు హాఫ్ శారీ ఫంక్షన్కు మోహన్ బాబు, విష్ణు హాజరుకాకపోవడం అనేక అనుమానాలకు తావిస్తోంది. మనోజ్ ఒక్కడే ఫంక్షన్లో సందడి చేయడంతో చర్చ మొదలైంది.
విద్యా నిర్వాణ హాఫ్ శారీ ఫంక్షన్లో మనోజ్ సందడి
Manchu family:టాలీవుడ్ సీనియర్ నటుడు మోహన్ బాబు (Mohan Babu) కుటుంబం అనగానే క్రమశిక్షణ, ఐకమత్యం గుర్తుకు వస్తాయి. కానీ గత కొంతకాలంగా మంచు బ్రదర్స్ మధ్య జరుగుతున్న కోల్డ్ వార్ సోషల్ మీడియాలో హాట్ టాపిక్గా మారింది. తాజాగా మంచు లక్ష్మి (Manchu Lakshmi) కూతురు విద్యా నిర్వాణ (Vidhya Nirvana) హాఫ్ శారీ ఫంక్షన్ వేడుకలో మంచు మనోజ్ (Manchu Manoj) సందడి చేయగా, కుటుంబంలోని మిగతా సభ్యులు గైర్హాజరు కావడం ఇప్పుడు పెద్ద చర్చకు దారితీసింది. అసలు మంచు ఫ్యామిలీలో ఏం జరుగుతోంది?..
మంచు లక్ష్మి తన ముద్దుల కూతురు విద్యా నిర్వాణ హాఫ్ శారీ ఫంక్షన్ను అత్యంత సన్నిహితుల మధ్య ఘనంగా నిర్వహించారు. ఈ వేడుకలో మంచు మనోజ్ హైలైట్గా నిలిచారు. తన మేనకోడలిని పల్లకిలో ఎక్కించి స్వయంగా వేదికపైకి తీసుకురావడం, అన్ని పనులను దగ్గరుండి చూసుకోవడం అందరినీ ఆకట్టుకుంది. మనోజ్కు తన అక్క లక్ష్మి అంటే ఎంత ప్రాణమో ఈ వీడియోలో చూస్తే అర్థమవుతోంది. అయితే ఈ వేడుకలో మనోజ్ ఒక్కడే కనిపించడం అందరినీ ఆశ్చర్యపరిచింది.
సాధారణంగా ఇలాంటి ఫ్యామిలీ ఫంక్షన్లలో అందరూ కలిసి ఫోటోలకు పోజులివ్వడం చూస్తుంటాం. కానీ విద్యా నిర్వాణ వేడుకలో తాతయ్య మోహన్ బాబు గానీ, మేనమామ మంచు విష్ణు గానీ ఎక్కడా కనిపించలేదు. వారి కుటుంబ సభ్యులు కూడా ఈ ఫంక్షన్కు రాలేదని ఇన్ సైడ్ టాక్. సొంత మనవరాలి ఫంక్షన్కు మోహన్ బాబు ఎందుకు రాలేదు? విష్ణు ఎందుకు దూరంగా ఉన్నారు? అన్న ప్రశ్నలు ఇప్పుడు నెట్టింట వినిపిస్తున్నాయి. మనోజ్ వచ్చాడనే కారణంతోనే వారు రాకుండా ఉన్నారా? అనే అనుమానాలు కూడా వ్యక్తమవుతున్నాయి.
మోహన్ బాబు, విష్ణు గైర్హాజరు.. కారణమేంటి?
ఇక గతంలో మనోజ్ ఒక వీడియో పోస్ట్ చేసి తన అన్న విష్ణుతో ఉన్న విభేదాలను బహిరంగం చేసిన సంగతి తెలిసిందే. అప్పటి నుంచి వీరిద్దరి మధ్య మాటలు లేవని, మంచు ఫ్యామిలీ రెండు గ్రూపులుగా విడిపోయిందని వార్తలు వచ్చాయి. ఇక మంచు లక్ష్మి ఎప్పుడూ మనోజ్కు సపోర్టుగా ఉంటూ వస్తోంది. తాజాగా జరిగిన ఈ ఫంక్షన్ ద్వారా మంచు ఫ్యామిలీలో చీలికలు నిజమేనని, ఒకవైపు లక్ష్మి-మనోజ్ ఉండగా, మరోవైపు మోహన్ బాబు-విష్ణు ఉన్నారని సోషల్ మీడియా జనం చర్చించుకుంటున్నారు.
ఈ విభేదాల నేపథ్యంలో మంచు లక్ష్మి తన తండ్రిని, సోదరుడిని అసలు పిలిచిందా లేదా అనే సందేహాలు కూడా అభిమానులలో కలుగుతున్నాయి. ఒకవేళ పిలిచినా మనోజ్తో ఎదురుపడటం ఇష్టం లేక వారు దూరంగా ఉండిపోయారా అనే ప్రచారం నెట్టింట జరుగుతోంది. కుటుంబంలో ఎన్ని గొడవలున్నా పిల్లల ఫంక్షన్లలో అందరూ కలిసి ఉంటే బాగుంటుందని అభిమానులు అభిప్రాయపడుతున్నారు. మొత్తానికి విద్యా నిర్వాణ హాఫ్ శారీ ఫంక్షన్ ఆనందంగా సాగినా, మంచు ఫ్యామిలీ తగాదాలను మాత్రం మళ్ళీ తెరపైకి తెచ్చింది.
మంచు ఫ్యామిలీలో చీలికలు నిజమేనా?
మంచు ఫ్యామిలీ అంటే టాలీవుడ్లో ఒక పెద్ద ఇమేజ్ ఉంది. ఇక ఇలాంటి చిన్న చిన్న గొడవలు పక్కన పెట్టి అందరూ కలిసి ఉంటే చూడాలని ఫ్యాన్స్ కోరుకుంటున్నారు. ఈ వివాదంపై మంచు ఫ్యామిలీ ఎవరైనా క్లారిటీ ఇస్తారేమో చూడాలి.
Tags Manchu Family mohan babu Share
మొత్తానికి మంచు ఫ్యామిలీలో విభేదాలు ఉన్నాయనే వార్తలకు ఈ సంఘటన మరింత బలం చేకూరుస్తోంది. ఈ విషయంపై మోహన్ బాబు కుటుంబం ఎలా స్పందిస్తుందో చూడాలి. అభిమానులు మాత్రం ఆందోళనలో ఉన్నారు.
