హనుమాన్ తర్వాత తేజ సజ్జా హీరోగా నటించిన మిరాయ్ సినిమా ట్రైలర్ ఇవాళ విడుదలైంది. మంచు మనోజ్ విలన్ గా నటించిన ఈ సినిమా ట్రైలర్ అద్భుతమైన యాక్షన్ సన్నివేశాలతో ప్రేక్షకులను అలరించింది. రిలీజ్ కి ముందే ఓటీటీ మరియు టీవీ హక్కులు అమ్ముడుపోవడం విశేషం.
Key Points
తేజ సజ్జా, మంచు మనోజ్ నటించిన 'మిరాయ్' ట్రైలర్ రిలీజ్!
అద్భుతమైన విజువల్స్, యాక్షన్ సీన్స్తో అలరించే ట్రైలర్!
రిలీజ్ అవ్వక ముందే ఓటీటీ, టీవీ హక్కులు అమ్ముడుపోయాయి!
జియో హాట్స్టార్, స్టార్ మా ఛానెల్ ద్వారా స్ట్రీమింగ్!
మిరాయ్ ట్రైలర్: అద్భుతమైన విజువల్స్
హనుమాన్ సినిమాతో సూపర్ హీరో అనిపించుకున్న తేజ సజ్జా హీరోగా నటించిన లేటెస్ట్ మూవీ మిరాయి. ఈ సినిమాలో మంచు మనోజ్ పవర్ఫుల్ విలన్గా చేస్తున్నాడు. కార్తీక్ ఘట్టమనేని దర్శకత్వం వహించిన మిరాయ్ ట్రైలర్ ఇవాళ (ఆగస్ట్ 28)న విడుదలైంది.
ఆద్యంతం అదిరిపోయే విజువల్స్తో, యాక్షన్ సీన్స్తో మిరాయ్ ట్రైలర్ గూస్బంప్స్ తెప్పించింది. ట్రైలర్లో శ్రియా శరణ్ , జగపతి బాబు , హీరోయిన్ రితికా నాయక్ తమ ప్రజెన్స్తో ఎంతె మెప్పించారు. యాక్షన్ సీన్స్, గ్రాఫిక్స్తో మంచి అడ్వెంచర్ థ్రిల్లర్ ఎక్స్పీరియెన్స్ ఇచ్చే సినిమాలా మిరాయి ఉంది.
అలాగే, మిరాయ్ ట్రైలర్ చివరిలో రాముడి సీన్స్ గూస్బంప్స్కు నెక్ట్స్ లెవెల్ అనిపించేలా ఉంది. హనుమాన్ క్లైమాక్స్ స్థాయిలో మిరాయ్ ఉంటుందనిపించేలా అంచనాలు పెంచేసింది మిరాయి. అయితే, ఇవాళే ట్రైలర్ రిలీజ్ కాగా అప్పుడే మిరాయ్ ఓటీటీ రైట్స్, శాటిలైట్ హక్కులు అమ్ముడుపోయినట్లు తెలుస్తోంది.
ఓటీటీ, టీవీ హక్కుల విక్రయం
మిరాయ్ ఓటీటీ స్ట్రీమింగ్, టీవీ ప్రీమియర్ ప్లాట్ఫామ్స్ ఫిక్స్ అయిపోయినట్లు సమాచారం. మిరాయ్ ఓటీటీ స్ట్రీమింగ్ రైట్స్ను జియో హాట్స్టార్ సొంతం చేసుకుంది. అలాగే, మిరాయ్ శాటిలైట్ హక్కులను బుల్లితెర ఛానెల్ స్టార్ మా దక్కించుకుంది. ఈ వివరాలు సోషల్ మీడియాలో చక్కర్లు కొడుతున్నాయి.
అంటే, థియేట్రికల్ రన్ తర్వాత జియో హాట్స్టార్లో మిరాయ్ ఓటీటీ రిలీజ్ కానుందన్నమాట. అలాగే, ఆ తర్వాత స్టార్ మా ఛానెల్లో మిరాయి టీవీ ప్రీమియర్ వేసే అవకాశం ఉందని తెలుస్తోంది. ఇకపోతే సెప్టెంబర్ 12న థియేటర్లలో మిరాయ్ విడుదల కానుంది.
మిరాయ్ విడుదల తేదీ
ముందుగా సెప్టెంబర్ 5న మిరాయ్ రిలీజ్ కానుందని మేకర్స్ ప్రకటించారు. కానీ, అది ముందుకు వాయిదా పడి సెప్టెంబర్ 12న ఫిక్స్ అయింది. మిరాయ్ సినిమా 2డీ, త్రీడీ ఫార్మాట్లలో వెండితెరపై ఆవిష్కరణ కానుంది. ఇది ప్రేక్షకులకు అద్భుతమైన బిగ్ స్క్రీన్ ఎక్స్పీరియెన్స్ను ఇవ్వనుంది.
హనుమాన్ సినిమాతో మంచి గుర్తింపు తెచ్చుకున్న గౌర హరి మిరాయ్ సినిమాకు సంగీతం అందించారు. గౌర హరి బీజీఎమ్ అదిరిపోగా.. విజువల్స్, యాక్షన్ కొరియోగ్రఫీ సినిమాకు హైలైట్గా నిలిచేలా ఉన్నాయి.
చివరగా, మిరాయ్ సినిమా ట్రైలర్ ప్రేక్షకులను ఆకట్టుకుంది మరియు ఓటీటీ, టీవీ హక్కులు అమ్ముడుపోవడం సినిమాపై ఉన్న అంచనాలను చూపిస్తుంది. సెప్టెంబర్ 12న విడుదల కానున్న ఈ సినిమా బాక్స్ ఆఫీస్ వద్ద ఎలాంటి విజయాన్ని సాధిస్తుందో చూడాలి.
