📌 Key Points
- మోనాలిసా తనను పెళ్లి చేసుకోవాలని బెదిరించిందని ఫర్మాన్ ఖాన్ తెలిపాడు.
- వేరే సంబంధం ఖాయం చేస్తుంటే ఆత్మహత్య చేసుకుంటానని బెదిరించిందని ఫర్మాన్ తెలిపాడు.
- లవ్ జిహాద్ ఆరోపణలను ఫర్మాన్ ఖండించాడు, అన్ని మతాలు సమానమేనని స్పష్టం చేశాడు.
- డైరెక్టర్ సనోజ్ మిశ్రా మాత్రం ఇది లవ్ జిహాద్ అని ఆరోపిస్తున్నారు.
ఓవర్ నైట్ స్టార్ మోనాలిసా పెళ్లి వ్యవహారం సంచలనంగా మారింది. ఆమె ప్రియుడు ఫర్మాన్ ఖాన్ ప్రెస్మీట్ నిర్వహించి పెళ్లికి సంబంధించిన షాకింగ్ విషయాలు వెల్లడించాడు. మోనాలిసా తనను బెదిరించిందని ఆయన ఆరోపించారు.
మోనాలిసా పెళ్లి వెనుక షాకింగ్ నిజాలు
Monalisa:మహా కుంభమేళాలో పూసలు అమ్ముకుంటూ ఓవర్ నైట్ స్టార్ అయిన మోనాలిసా (Monalisa) , ఇప్పుడు తన పెళ్లితో దేశవ్యాప్తంగా హాట్ టాపిక్గా మారింది. మధ్యప్రదేశ్కు చెందిన ఫర్మాన్ ఖాన్ను ఆమె ప్రేమించి పెళ్లి చేసుకోవడం, ఈ వ్యవహారం కేరళ పోలీస్ స్టేషన్ వరకు వెళ్లడం సంచలనం సృష్టించింది. ఈ పెళ్లిపై వస్తున్న రకరకాల ఆరోపణల నేపథ్యంలో, ఫర్మాన్ ఖాన్ తాజాగా ప్రెస్మీట్ నిర్వహించి అసలు ఏం జరిగిందో వివరిస్తూ కొన్ని షాకింగ్ విషయాలను బయటపెట్టారు. ఆ వివరాలు చూద్దాం ..
ఈ పెళ్లి గురించి ఫర్మాన్ ఖాన్ మాట్లాడుతూ ఎవరూ ఊహించని విషయాలను పంచుకున్నారు. నిజానికి మోనాలిసానే తనను పెళ్లి చేసుకోవాలని కోరిందని, మొదట్లో తాను దానికి నిరాకరించానని ఆయన తెలిపారు. అయితే, మోనాలిసా ఇంట్లో వారు ఆమెకు బలవంతంగా వేరే సంబంధం ఖాయం చేస్తున్నారని, ఒకవేళ తనను పెళ్లి చేసుకోకపోతే ఆత్మహత్య చేసుకుంటానని ఆమె తనను బెదిరించిందని ఫర్మాన్ వెల్లడించారు. ఒకరి ప్రాణం పోవడం ఇష్టం లేక, ఆమె జీవితం నాశనం కాకూడదనే ఉద్దేశంతోనే తాను ఈ వివాహానికి మొగ్గు చూపానని ఆయన స్పష్టం చేశారు. వీరిద్దరూ ప్రస్తుతం ఒక షూటింగ్ నిమిత్తం కేరళలో ఉన్నామని, మరో 20 రోజుల పాటు అక్కడే ఉంటామని పేర్కొన్నారు.
ఫర్మాన్ ఖాన్ వివరణ
ఈ పెళ్లిపై లవ్ జిహాద్ ఆరోపణలు వస్తున్న నేపథ్యంలో ఫర్మాన్ గట్టిగానే స్పందించారు. తనకు అన్ని మతాలు సమానమేనని, మోనాలిసా తన హిందూ మతంలోనే ఉంటుందని, తాను తన ఇస్లాం మతాన్ని అనుసరిస్తానని ఆయన క్లారిటీ ఇచ్చారు. ఒకవేళ తమది లవ్ జిహాద్ అయితే హిందూ సంప్రదాయంలో పెళ్లి చేసుకునే వాళ్లం కాదని, తాను కూడా గుడికి వెళ్లానని గుర్తు చేశారు. ఇక ఇప్పటికే ఎంతో మంది సెలబ్రిటీలు ఇతర మతాల వారిని పెళ్లి చేసుకున్నారని, ఇది కొత్త విషయమేమీ కాదని ఆయన అభిప్రాయపడ్డారు. ఇక మోనాలిసా తన తండ్రితో కలిసి కేరళకు వచ్చిందని, ఆమె పారిపోయి వచ్చిందనే ప్రచారంలో అస్సలు నిజం లేదని ఫర్మాన్ కొట్టిపారేశారు.
లవ్ జిహాద్ ఆరోపణలపై స్పందన
కేరళలోని మనుషులు ఎదుటి వారిని మనుషులుగా గౌరవిస్తారని, అందుకే తాము ఇక్కడే ఉండాలని భావిస్తున్నట్లు ఫర్మాన్ తెలిపారు. అయితే, ఈ వ్యవహారంపై మోనాలిసా సినిమా డైరెక్టర్ సనోజ్ మిశ్రా మాత్రం తీవ్రంగా స్పందిస్తున్నారు. ఇది ముమ్మాటికీ ‘లవ్ జిహాద్’ అని ఆయన ఆరోపించడం ఇప్పుడు చర్చకు దారితీసింది. ఒకవైపు ప్రేమ, పెళ్లి అని ఫర్మాన్ చెప్తుంటే, ఇక మరోవైపు బెదిరింపులు మరియు మతపరమైన ఆరోపణలతో ఈ ఇష్యూ రోజుకో మలుపు తిరుగుతోంది. సోషల్ మీడియాలో ఫేమస్ అయిన ఒక యువతి జీవితం ఇప్పుడు ఇలా వివాదాల సుడిగుండంలో చిక్కుకోవడం అందరినీ ఆశ్చర్యానికి గురిచేస్తోంది.
ఫర్మాన్ ఖాన్ లవ్ జిహాద్ ఆరోపణలను ఖండించారు. అయితే, డైరెక్టర్ సనోజ్ మిశ్రా మాత్రం ఇది లవ్ జిహాద్ అని ఆరోపించడం వివాదానికి దారితీసింది. ఈ వ్యవహారం మరింత చర్చనీయాంశంగా మారింది.
