📌 Key Points
- దురంధర్ 2 మూవీకి టాప్ డైరెక్టర్ నాగ్ అశ్విన్ రివ్యూ.. సినిమా చూసి ఏమన్నారో తెలుసా?
- భారీ యాక్షన్ సీక్వెన్సులు, ఎక్స్ప్లోజన్ల కంటే తల్లి కౌగిలింత సీన్ మనసుకు హత్తుకుందని తెలిపిన నాగ్ అశ్విన్.
- రణవీర్ సింగ్ నటనను కొనియాడిన నాగ్ అశ్విన్.. భారతదేశంలోనే అత్యధిక వసూళ్లు సాధించిన సినిమాగా నిలిచిందని ప్రశంసలు.
- స్పై థ్రిల్లర్గా తెరకెక్కిన దురంధర్ 2.. ప్రపంచవ్యాప్తంగా రూ. 1000 కోట్ల మార్కును దాటి సంచలనం.
టాలీవుడ్ డైరెక్టర్ నాగ్ అశ్విన్ దురంధర్ 2 మూవీ పై తన అభిప్రాయాన్ని తెలియజేశారు. సినిమాలోని కొన్ని సన్నివేశాలు తన హృదయాన్ని తాకాయని ఆయన అన్నారు. ఈ రివ్యూ ఇప్పుడు సోషల్ మీడియాలో వైరల్ అవుతోంది.
నాగ్ అశ్విన్ రివ్యూలో ఏముంది?
Nag Ashwin: ధురంధర్ 2 మూవీకి మరో తెలుగు టాప్ డైరెక్టర్ నాగ్ అశ్విన్ కూడా రివ్యూ ఇచ్చాడు. ఈ సినిమాలో తనకు బాగా నచ్చినవి ఏవో చెబుతూ ఇన్స్టాగ్రామ్ స్టోరీస్ లో అతడు ఇచ్చిన రివ్యూ వైరల్ అవుతోంది.
భారతీయ సినీ చరిత్రలో సరికొత్త రికార్డులు సృష్టిస్తూ ‘ధురంధర్: ది రివెంజ్’ బాక్సాఫీస్ వద్ద సునామీ సృష్టిస్తోంది. రణవీర్ సింగ్ ప్రధాన పాత్రలో ఆదిత్య ధర్ తెరకెక్కించిన ఈ స్పై థ్రిల్లర్, విడుదలైన కేవలం ఏడు రోజుల్లోనే ప్రపంచవ్యాప్తంగా రూ. 1000 కోట్ల మార్కును దాటి ట్రేడ్ వర్గాలను విస్మయానికి గురిచేసింది. మార్చి 19న ప్రేక్షకుల ముందుకు వచ్చిన ఈ మూవీ.. రెండో వారంలోనూ అదే జోరును కొనసాగిస్తూ వసూళ్ల వర్షం కురిపిస్తోంది. ఈ నేపథ్యంలో ధురంధర్ 2పై తాజాగా మరో తెలుగు దర్శకుడు నాగ్ అశ్విన్ తన రివ్యూ ఇచ్చాడు.
నాగ్ అశ్విన్ రివ్యూ: భావోద్వేగాలే ఈ సినిమా బలం
భావోద్వేగాలే సినిమాకు బలం అంటున్న డైరెక్టర్
“దర్శకుడు ఆదిత్య ధర్ ప్రతిభ ధురంధర్ 2 ఆరంభంలోనూ, ముగింపులోనూ అద్భుతంగా మెరిసింది. భారీ యాక్షన్ సీక్వెన్స్లు, ఎక్స్ప్లోజన్ల కంటే కూడా.. ఆ తల్లి కౌగిలింత, ఆ ప్రేమ కోసం తపించే కొడుకు ఆవేదన నా మనసును బలంగా తాకాయి” అని నాగ్ అశ్విన్ తన ఇన్స్టాగ్రామ్ స్టోరీలో రాసుకొచ్చాడు.
నటుడిగా రణవీర్ సింగ్ ప్రతిభను కొనియాడుతూ.. “రణవీర్ ఎప్పుడూ తన పాత్రల్లో పరకాయ ప్రవేశం చేస్తాడు. ప్రతి సినిమాతోనూ తన స్థాయిని పెంచుకుంటూ పోతున్నాడు. భారతదేశంలోనే అత్యధిక వసూళ్లు సాధించిన సినిమాగా నిలిచినందుకు టీమ్ మొత్తానికి అభినందనలు” అని నాగ్ అశ్విన్ ప్రశంసించాడు.
రికార్డుల వేటలో ‘ధురంధర్ 2’
దుమ్మురేపుతున్న దురంధర్ 2 కలెక్షన్స్
స్పై నుంచి కింగ్పిన్ వరకు..
ఇక ఈ సీక్వెల్ విషయానికి వస్తే.. జస్కీరత్ సింగ్ రంగీ అనే వ్యక్తి ‘హంజా అలీ మజారీ’ అనే గూఢచారిగా ఎలా మారాడు? పాకిస్థాన్ రాజకీయాల్లో, అండర్ వరల్డ్లో ఒక కింగ్పిన్గా ఎలా ఎదిగాడు? ఉగ్రవాద నెట్వర్క్ను నిర్వీర్యం చేసే క్రమంలో అతను ఎదుర్కొన్న సవాళ్లేమిటి? అనే అంశాలను దర్శకుడు అత్యంత ఉత్కంఠభరితంగా చూపించారు. ఈ చిత్రంలో అర్జున్ రాంపాల్, ఆర్ మాధవన్, రాకేష్ బేడీ, సారా అర్జున్ ఇతర ప్రధాన పాత్రల్లో నటించగా, ఆదిత్య ధర్ భార్య, నటి యామీ గౌతమ్ అతిథి పాత్రలో మెరిశారు.
తరచుగా అడిగే ప్రశ్నలు (FAQ)
నాగ్ అశ్విన్ రివ్యూతో దురంధర్ 2 మూవీపై అంచనాలు మరింత పెరిగాయి. సినిమా కలెక్షన్ల పరంగా దూసుకుపోతోంది. మరిన్ని అప్డేట్స్ కోసం చూస్తూనే ఉండండి.
