📌 Key Points
- రేపు దేశవ్యాప్తంగా NEET-UG పరీక్ష; 22.79 లక్షల మంది విద్యార్థులు హాజరు కానున్నారు.
- పరీక్షా కేంద్రాల వద్ద సెక్షన్ 163 అమలు: గుంపులు, జిరాక్స్ షాపులపై నిషేధం.
- ఉదయం 6 నుండి సాయంత్రం 6 వరకు సెక్షన్ 163 అమల్లో ఉంటుంది.
- అడ్మిట్ కార్డు, ఫొటోగ్రాఫ్ తప్పనిసరి; వర్షాల పట్ల జాగ్రత్తలు తీసుకోవాలని NTA సూచన.
రేపు దేశవ్యాప్తంగా జరగనున్న NEET-UG పరీక్షకు అధికారులు పటిష్ట ఏర్పాట్లు చేశారు. పరీక్షా కేంద్రాల వద్ద శాంతిభద్రతల పరిరక్షణకు సెక్షన్ 163 అమలులోకి రానుంది. ఈ కీలక నిర్ణయం లక్షలాది మంది విద్యార్థుల భవిష్యత్తుపై ప్రభావం చూపనుంది.
సెక్షన్ 163: నిబంధనలు, పరిణామాలు
దేశవ్యాప్తంగా ఆదివారం (03/05/2026) NEET-UG పరీక్ష జరగనుంది. ఇందుకోసం NTA అధికారులు పరీక్షా కేంద్రాల వద్ద ఏర్పాట్లు పూర్తి చేశారు. నీట్ పరీక్ష జరగనున్న పరీక్ష కేంద్రాల వద్ద బీఎన్ఎస్ 163 సెక్షన్ అమల్లోకి రానుంది. తెలంగాణలో సైబరాబాద్ పోలీస్ కమిషనరేట్ పరిధిలో ఆదివారం ఉదయం 6 గంటల నుంచి సాయంత్రం 6 గంటల వరకూ ఈ సెక్షన్ అమల్లో ఉంటుందని అధికారులు తెలిపారు. ఈ మేరకు ఒక నోటీస్ విడుదల చేశారు. నోటీస్ ప్రకారం.. పరీక్షా కేంద్రానికి 200 మీటర్ల పరిధిలో ఐదుగురికంటే ఎక్కువమంది ఉండకూడదు. గుంపులు గుంపులుగా ఉండకూడదు. పరీక్ష కేంద్రానికి 100 మీటర్ల పరిధిలో జిరాక్స్, ఇంటర్నెట్ సెంటర్లను మూసివేయాలి. ఈ ఆదేశాలను ఉల్లంఘించినవారిపై పోలీసులు చట్టపరమైన చర్యలు తీసుకుంటారు.
దేశవ్యాప్తంగా మెడిసిన్ కోర్సుల్లో ప్రవేశాల కోసం జరిగే ఈ పరీక్షకు సుమారు 22.79 లక్షల మందికిపైగా విద్యార్థులు హాజరు కానున్నారు. ఆదివారం మధ్యాహ్నం 2 గంటల నుంచి 5 గంటల వరకూ పరీక్ష జరగనుండగా.. విద్యార్థులు అరగంట ముందే పరీక్షా కేంద్రానికి చేరుకోవాల్సి ఉంటుంది. 1.30 గంటలకు ఎంట్రీ ఆపేస్తారు. అడ్మిట్ కార్డు, ఫొటోగ్రాప్ తప్పనిసరిగా ఉండాలని, వర్షాలు పడే అవకాశాలుండటంతో తగిన జాగ్రత్తలు తీసుకోవాలని NTA సూచించింది.
విద్యార్థులకు NTA సూచనలు
పరీక్షా కేంద్రాల వద్ద భద్రత
సెక్షన్ 163 అమలుతో పరీక్షా కేంద్రాల వద్ద కఠిన వాతావరణం నెలకొననుంది. విద్యార్థులు నిబంధనలు పాటించి, ఎలాంటి ఇబ్బందులు లేకుండా పరీక్ష పూర్తి చేయాలని అధికారులు సూచిస్తున్నారు.
