పవర్ స్టార్ పవన్ కళ్యాణ్ నటించిన హరి హర వీరమల్లు సినిమాలో హీరోయిన్ గా నటించిన నిధి అగర్వాల్ ఇటీవల ఇచ్చిన ఇంటర్వ్యూలో పవన్ కళ్యాణ్ తో నటించిన అనుభవం, తన పాత్ర గురించి ఆసక్తికర విషయాలు వెల్లడించింది.
Key Points
నిధి అగర్వాల్ పవన్ కళ్యాణ్ తో నటించిన అనుభవాన్ని వివరించింది.
హరి హర వీరమల్లులో ఆమె పాత్ర 'పంచమి' గురించి ఆసక్తికరమైన విషయాలు వెల్లడించింది.
పవన్ కళ్యాణ్ సాహిత్య ప్రేమ, జ్ఞానం గురించి నిధి అగర్వాల్ మెచ్చుకుంది.
సినిమా దర్శకులైన క్రిష్ మరియు జ్యోతి కృష్ణల పనితీరును ప్రశంసించింది.
నిధి అగర్వాల్ హరి హర వీరమల్లు గురించి
పవర్ స్టార్ పవన్ కల్యాణ్ నటించిన లేటెస్ట్ టాలీవుడ్ పీరియాడిక్ యాక్షన్ అడ్వెంచర్ డ్రామా సినిమా హరి హర వీరమల్లు. ఎఎం జ్యోతి కృష్ణ, క్రిష్ జాగర్లమూడి దర్శకత్వం వహించిన ఈ సినిమాలో హీరోయిన్గా నిధి అగర్వాల్ చేసింది. బాబీ డియోల్ విలన్ రోల్ ప్లే చేశాడు.
జూలై 24న హరి హర వీరమల్లు మూవీ థియేట్రికల్ రిలీజ్ కానుంది. ఈ నేపథ్యంలో ప్రమోషన్స్లో భాగంగా పాల్గొన్న ఓ ఇంటర్వ్యూలో హీరోయిన్ నిధి అగర్వాల్ హరి హర వీరమల్లు సినిమా, పవన్ కల్యాణ్, తన పాత్ర గురించి ఇంట్రెస్టింగ్ విశేషాలు చెప్పుకొచ్చింది.
– హరి హర వీరమల్లు అనేది ఒక భారీ చిత్రం. ఇందులో నటించే అవకాశం రావడమే గొప్ప విషయం. అలాంటిది నాకు పంచమి అనే శక్తివంతమైన పాత్ర లభించింది. ఈ పాత్రలో ఎన్నో కోణాలున్నాయి.
పవన్ కళ్యాణ్ తో ఆమె అనుభవం
-పవన్ కల్యాణ్ గారికి, నాకు మధ్య సన్నివేశాలు బాగుంటాయి. అలాగే నా పాత్ర కనిపించే పాటల్లో కూడా వైవిధ్యం ఉంటుంది. పంచమి పాత్రకు తగ్గట్టుగా స్టైలిస్ట్ ఐశ్వర్య దుస్తులను, ఆభరణాలను అద్భుతంగా రూపొందించారు.
– పవన్ కళ్యాణ్ గారితో కలిసి నటించే అవకాశం రావడం అదృష్టంగా భావిస్తున్నాను. పవన్ కల్యాణ్ గారికి ఎంతో స్టార్డమ్ ఉంది. ఎంతో ఫ్యాన్ ఫాలోయింగ్ ఉంది. ఆయన సినిమా అంటే కచ్చితంగా ఎక్కువమంది ప్రేక్షకులకు చేరువ అవుతుంది.
పంచమి పాత్ర విశేషాలు
-వేరే వంద సినిమాలు చేసినా ఒకటే.. పవన్ కల్యాణ్ గారితో ఒక్క సినిమా చేసినా ఒకటే. పవన్ కళ్యాణ్ గారి నుంచి ఎంతో నేర్చుకున్నాను. ఆయనకు సాహిత్యం అంటే ఎంతో ఇష్టం. ముఖ్యంగా తెలుగు సాహిత్యం ఎక్కువ చదువుతారు. ఆయనకు ఎంతో నాలెడ్జ్ ఉంది.
-క్రిష్ గారు నన్ను పంచమి పాత్రకు ఎంపిక చేశారు. అలాగే జ్యోతి కృష్ణ గారు సరైన సమయానికి దర్శకత్వ బాధ్యతలు తీసుకొని సినిమాని పూర్తి చేశారు. ఇద్దరూ నాకు స్పెషల్. జ్యోతి కృష్ణ గారు సాంకేతికంగా గొప్పగా ఆలోచిస్తారు. సాంకేతికతను వేగంగా అందిపుచ్చుకొని.. ఈ తరానికి తగ్గట్టుగా పని చేస్తారు.
నిధి అగర్వాల్ హరి హర వీరమల్లు చిత్రం మరియు పవన్ కళ్యాణ్ తో తన అనుభవాన్ని వివరించింది. పవన్ కళ్యాణ్ సాహిత్య ప్రేమను ఆమె ప్రశంసించింది. ఈ సినిమా ఆమెకు మంచి అనుభవంగా నిలిచిందని చెప్పింది.
