📌 Key Points
- ఎన్టీఆర్, సుకుమార్ కాంబోలో మరో భారీ సినిమాకు సన్నాహాలు, ఫ్యాన్స్ కి పండగే!
- రామ్ చరణ్ సినిమా తర్వాత ఎన్టీఆర్ తో సుకుమార్ చిత్రం ఉంటుందని సమాచారం.
- ఎన్టీఆర్ కోసం పవర్ ఫుల్ మాస్ కథను సిద్ధం చేసిన సుకుమార్.
- మైత్రి మూవీ మేకర్స్ నిర్మాణంలో ఈ సినిమా రూపొందనుందట.
ఎన్టీఆర్ ఫ్యాన్స్ కి ఇది నిజంగా గుడ్ న్యూస్! సుకుమార్ దర్శకత్వంలో ఎన్టీఆర్ మరోసారి తన సత్తా చాటడానికి సిద్ధంగా ఉన్నాడు. ఈ సారి రా అండ్ రస్టిక్ పాత్రలో ఎన్టీఆర్ ఎలా ఉంటాడో చూడడానికి అందరూ ఆసక్తిగా ఉన్నారు.
సుకుమార్ తో ఎన్టీఆర్ నెక్స్ట్ మూవీ?
Ntr- Sukumar: సుకుమార్.. ఈ పేరు గురించి ప్రత్యేకమైన పరిచయం అవసరం లేదు. పుష్ప సినిమా వరకు స్టార్ డైరెక్టర్ గా ఉన్న ఈ దర్శకుడు పుష్ప 2 తరువాత ఇంటర్నేషనల్ లెవల్ కి ఎదిగాడు. కమర్షియల్ సినిమాలు తీయడంలో ఈ దర్శకుడు టాప్. అందుకే సుకుమార్ తో సినిమాలు చేసేందుకు పలు ఇండస్ట్రీల నుంచి స్టార్ హీరోలు పోటీ పడుతున్నారు. కానీ, ఈ దర్శకుడు మాత్రం తెలుగు హీరోలతో వరుస సినిమాలు చేస్తున్నాడు.
అయితే, పుష్ప 2 తరువాత సుకుమార్ మెగా పవర్ స్టార్ రామ్ చరణ్ తో సినిమా చేస్తున్న విషయం తెలిసిందే. ప్రస్తుతం ఈ సినిమాకు సంబందించిన ప్రీ ప్రొడక్షన్ పనులు శరవేగంగా జరుగుతున్నాయి. ఇదిలా ఉంటే, దర్శకుడు సుకుమార్ చేయబోతున్న నెక్స్ట్ సినిమాల గురించి ఒక క్రేజీ న్యూస్ సోషల్ మీడియాలో వైరల్ గా మారింది. అదేంటంటే, సుకుమార్(Ntr- Sukumar) మ్యాన్ ఆఫ్ మాసెస్ ఎన్టీఆర్ కోసం ఒక పవర్ ఫుల్ మాస్ కథను సిద్ధం చేశాడట. ఇటీవలే ఆ కథను ఎన్టీఆర్ కి వినిపించగా ఆయన కూడా చాలా ఎగ్జైట్ అయ్యాడట.
రా అండ్ రస్టిక్ పాత్రలో ఎన్టీఆర్ అదరగొట్టేస్తాడా?
ఈ సినిమాలో ఎన్టీఆర్ మునుపెన్నడూ కనిపించని సరికొత్త అవతారంలో కనిపించనున్నాడట. రంగస్థలం మాదిరి ఇది ఒక పీరియాడిక్ విలేజ్ సబ్జెక్టు అని తెలుస్తోంది. నిజానికి ఎన్టీఆర్ కూడా చాలా కాలంగా రా అండ్ రస్టిక్ బ్యాక్డ్రాప్ లో సినిమా చేయాలనీ చూస్తున్నాడు. ఇప్పుడు సరిగ్గా అలాంటి కథనే ఎన్టీఆర్ కోసం సిద్ధం చేశాడట సుకుమార్. ఇక ఈ సినిమాను కూడా మైత్రి మూవీ మేకర్స్ నిర్మించనున్నారు అని టాక్ నడుస్తోంది.
మైత్రి మూవీ మేకర్స్ నిర్మాణంలో సినిమా!
ప్రస్తుతం ఎన్టీఆర్ కన్నడ దర్శకుడు ప్రశాంత్ నీల్ తో డ్రాగన్ సినిమా చేస్తున్నాడు. ఈ సినిమా అయ్యాక త్రివిక్రమ్ తో మరో సినిమా చేస్తాడు ఎన్టీఆర్. ఈ రెండు సినిమాలు కంప్లీట్ అయిన వెంటనే సుకుమార్ తో సినిమా చేయడానికి సిద్ధం అవుతాడు ఎన్టీఆర్. ఇక ఎన్టీఆర్- సుకుమార్ కాంబోలో ఇప్పటికే నాన్నకు ప్రేమతో అనే సినిమా వచ్చిన విషయం తెలిసిందే. ఆ సినిమాలో ఎన్టీఆర్ లుక్ నెక్స్ట్ లెవల్ లో ఉంటుంది. అదే రేంజ్ లో ఈ సినిమాలో కూడా సరికొత్త అవతారంలో కనిపిస్తాడట ఎన్టీఆర్. మరి సుకుమార్- ఎన్టీఆర్ కాంబోలో రానున్న ఈ సినిమా ఎలాంటి సంచలనాలు క్రియేట్ చేస్తుందా అనేది చూడాలి.
ఎన్టీఆర్, సుకుమార్ కాంబోలో వస్తున్న ఈ సినిమాపై భారీ అంచనాలు ఉన్నాయి. ఈ సినిమా ఎలాంటి రికార్డులు క్రియేట్ చేస్తుందో చూడాలి. మరిన్ని అప్డేట్స్ కోసం చూస్తూ ఉండండి.
