📌 Key Points
- ఎన్టీఆర్ ‘లవకుశ’ 100 రోజుల ఆల్-సెంటర్ రికార్డును బద్దలు కొట్టిన ‘కలిసుందాం రా’.
- చిరంజీవి, కృష్ణ, బాలయ్య వంటి మాస్ హీరోలకు సాధ్యం కాని అరుదైన ఘనత వెంకటేష్ సొంతం.
- ‘కలిసుందాం రా’ టాలీవుడ్లో తొలిసారి 30 కోట్ల గ్రాస్ సాధించి, సరికొత్త రికార్డు సృష్టించింది.
- లవ్, ఫ్యామిలీ అంశాలతో ‘కలిసుందాం రా’ ఇండస్ట్రీ హిట్ గా నిలిచి చరిత్ర సృష్టించింది.
టాలీవుడ్లో రికార్డులు అంటే ఎన్టీఆర్, చిరంజీవి, బాలయ్య పేర్లే గుర్తొస్తాయి. కానీ ఆ దిగ్గజాలకు కూడా సాధ్యంకాని ఓ సంచలన రికార్డును వెంకటేష్ ఎలా బద్దలు కొట్టారో తెలుసా? 36 ఏళ్ల చరిత్రను తిరగరాసిన ఆ అరుదైన ఘట్టం గురించి పూర్తి వివరాలు ఇక్కడ!
36 ఏళ్ల రికార్డును బద్దలు కొట్టిన వెంకీ!
టాలీవుడ్ లో సినిమాల విషయంలో రికార్డ్స్ గురించి మాట్లాడితే ఎక్కువగా ఎన్టీఆర్, సూపర్ స్టార్ కృష్ణ, చిరంజీవి, బాలయ్య లాంటి మాస్ హీరోల సినిమాల పేర్లే వినిపిస్తాయి. కానీ విక్టరీ వెంకటేష్ సైలెంట్ సునామీ సృష్టించే హీరో. వెంకటేష్ సినిమాలో మాస్ అంశాలు ఎక్కువగా ఉండవు. భారీ డైలాగులు, క్రేజీ డ్యాన్స్ మూమెంట్స్ అసలే ఉండవు. అయినప్పటికీ మాస్ హీరోలతో సమానంగా వెంకటేష్ కి రికార్డులు ఉన్నాయి.
చిరంజీవికి కూడా సాధ్యంకాని ఒక అరుదైన రికార్డ్ ని వెంకటేష్ అందుకున్నారు. అంతకు ముందు ఆ రికార్డ్ సర్గీయ ఎన్టీఆర్ పేరుపై ఉండేది. 36 ఏళ్ళ తర్వాత వెంకటేష్ ఎన్టీఆర్ రికార్డ్ ని బద్దలు కొట్టి చరిత్ర సృష్టించారు. ఆ రికార్డ్ ఏంటంటే.. విడుదలైన అన్ని సెంటర్స్ లో 100 రోజులు ప్రదర్శించబడిన మూవీగా వెంకటేష్ నటించిన సినిమా నిలిచింది.
చిరంజీవి, బాలయ్య కూడా చేయలేనిది!
1963లో ఎన్టీఆర్ నటించిన ఆల్ టైం క్లాసిక్ లవకుశ చిత్రం విడుదలైన అన్ని సెంటర్స్ లో 100 రోజులు ఆడింది. ఈ రికార్డుని బద్దలు కొట్టడం కృష్ణ, చిరంజీవి, బాలకృష్ణ లాంటి మాస్ హీరోల వల్ల కాలేదు. కానీ వెంకటేష్ తన సినిమాతో రికార్డ్ బ్రేక్ చేశారు. అది కూడా మాస్ సినిమానో, పౌరాణిక చిత్రమో, ఫాంటసీ కథ కాదు.. సింపుల్ లవ్ అండ్ ఫ్యామిలీ చిత్రం. ఆ మూవీ మరేదో కాదు కలిసుందాం రా. వెంకటేష్, సిమ్రాన్ జంటగా నటించిన ఈ చిత్రం ఉదయ్ శంకర్ దర్శకత్వంలో తెరకెక్కింది.
ఒకే మూవీలో సంక్రాంతి పండక్కి వెంకటేష్ లవ్, ఫ్యామిలీ, సెంటిమెంట్, కామెడీ లాంటి అంశాలని అందించారు. ఎస్ ఏ రాజకుమార్ అందించిన సంగీతం అదిరిపోయింది. ముఖ్యంగా పసిఫిక్ లో దూకేయ్ మంటే అనే సాంగ్ యువతని ఉర్రూతలూగించింది. ఫలితంగా కలిసుందరా ఇండస్ట్రీ హిట్ గా రికార్డ్ సృష్టించింది. టాలీవుడ్ లో తొలిసారి 30 కోట్లకు పైగా గ్రాస్ సాధించిన మూవీ ఇదే.
కలిసుందాం రా: ఒక ఇండస్ట్రీ హిట్ కథ!
అంతకు ముందు వెంకటేష్ ప్రేమించుకుందాం రా, పెళ్లి చేసుకుందాం, సూర్యవంశం, గణేష్, ప్రేమంటే ఇదేరా, రాజా ఇలా డబుల్ హ్యాట్రిక్ సూపర్ హిట్స్ తో జోష్ లో ఉన్నారు. ఆ తర్వాత విడుదలైన శీను మూవీ డిజాస్టర్. దీనితో ఈసారి బౌన్స్ బ్యాక్ కావాలి అని కలిసుందాం రా కథని వెంకీ ఎంచుకున్నారు.
వెంకటేష్ సాధించిన ఈ అరుదైన రికార్డు టాలీవుడ్ చరిత్రలో సువర్ణాక్షరాలతో లిఖించబడింది. మాస్ హీరోలకు మాత్రమే సాధ్యమనుకున్న రికార్డును ఫ్యామిలీ స్టార్ బద్దలు కొట్టడం నిజంగా అద్భుతం. మరిన్ని సంచలన సినిమా వార్తల కోసం వేచి ఉండండి!
